Jeremaya 51:8 - Wëël Jwøk

⁸ Ki nyi kany mo thiinh, Babiløn opädhi ni ränynye; uuni, uuno jwöŋu kipere! Ni kännu ki jaath kiper ŋwiili moe; kanymør ŋwiili moe caŋŋø.

Jeremaya 51:8 Iomraidhean Croise

Aydheea 21:9

'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 47:11

'Ba gïï mo reyø otägi dëërï, ni tïme ni ba løny jïrï ki man kälï riï wøk ki køør jap ajuuk; ni ö gïï mo leth ni päthge bäätï, ni tïme ni ba løny ki man paanyï ge, ni ö ränynyö mo kanya käl yie kuyï ni ö bäätï ni cwöba riï.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Jeremaya 46:11

«Wui, u na jø Ijep ni wø caal nyakøø mo dëër dïcwøø poot kuue, cou yi ŋööm Gelät ni lwötu ki jaath man wø rwøth ŋwellø ki gø. Jenni mo thööth apääru ki jaak, 'ba bäŋ køny mo jootu.

Jeremaya 48:20

'Ba mano løkge, ge köö, ni ‹Möap anyak, ni ö jiyi ni lää wïthge. Uuno jwöŋi ni gööu ko oduuru, ni gøøu gø piny bäät Naam Arnön bäre ni Möap araanynyi.›

Jeremaya 48:31

'Ba kiper gïïögø bëët, cwïnya opädhi kiper Möap, ni jwöŋa kiperge bëët, ni kïmma kiper jøøa en Kir-Ërë.

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 51:41

«Cëcak, ni beeye Babiløn, a teeŋ mäk mo nyïëdi nø noo maai ki gø ki tøŋ, paana pwøc pinynyi bäre! Na a teeŋ böö mo nyïëdi nø noo böö cwïny wïth juurre ki gø ki gïno tägi dëëre!

Jeremaya 8:22

?Aŋø, bäŋ jaath yi Gelät man wø rwøth ŋwellø ki gø? ?Aŋø, bäŋ rëëm ŋwellø kaace? ?Aperŋø nø ni bëët jø powa ni ŋwiili moge ba caŋŋi en?

Edhikiel 30:2

«Wär dhaanhø, caan luubö man ni kööï ni luumma caan Kwäärö Wuuö Jwøki bee en, ena köö, «ni ‹Gööu ko oduuru, ni kööu, «Wui, otïmö ni leth dïcäŋöca!»

Daniel 5:24

'Ba bee eni na jääŋ cenø mana öö na göör gïn en.

Daniel 5:31

ni ö Dariöci nyï Mëdön ni lwør nyec ni cwiiri moe pïërabïciel ka ariiø.

Neeyam 3:19

Rääö marï na caal ŋwellø ba jïti ki køny, ni ba løny ki man caŋŋe. Jøw wïny gïr ränynyö marï bëët ceŋge paŋge paŋø bäätï, ?kiper gïï wø tïïyï na reyø cooth aŋa ni pööth wøk ki ge?

Mana Nyooth 14:8

Ni ö riet nyïïatwiet maalli mør ni läw cäännö, ni «Babiløn na dwøŋ apädhö ki pädhö mo ba thiinh, nyaana wëëk mïëri bëët mäthö ki køøŋ nyïïomøki mar käp mare.»

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.