Jeremaya 51:62 - Wëël Jwøk

⁶² ni kööï, ni ‹Wui, Wuuö Jwøk, ïïna cäänö kiper paani en ni raanynyï raanynyø, ni tïme ni bäŋ gïn mo bëëdö yie, dhaanhø wala lääy, 'ba otïmö na paac mo oränynyö na bäre bäre.›

Jeremaya 51:62 Iomraidhean Croise

Jeremaya 25:12

«'Ba kanyo thum cwiiri moøgø na pïërabïriiø yøø, a na Wuuö Jwøk, nyeny Babiløn, ki jiye bëët, ki ŋöömme ma Kaldia bäre jääla jäälö kiper bääyö marge, ni tïïa paac nee bëëde no oränynyö na bäre bäre.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 33:12

«Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Jeremaya 50:12

'Ba kiper gïïa tïïyu yøø, pou ma Babiløn ni caal miiu na nywøl uuni, eno bëëdö ni wïïe laay ni bëët waŋe ni law. Ka adïëri møn, kare otïmö ni thiinh døc dï wïth juurre, ni tïme na paap ma tëën mo bäŋ gïn mo tuy yie.

Jeremaya 50:13

Ki køør wëër mar Wuuö Jwøk eni ba beet këët, 'ba eni ränynyö na bäre. Ni ö jø wø pöödhi ki buute ni thäŋ yïthge, ni buuge gø kiper gïïa leth bëët noo pïï bääte.

Jeremaya 50:3

Kiper wï jur mo käla jï løø wï-piny öö ni tuk Babiløn, ni raany ŋöömö mare bäre, ni bäŋ ŋat mo bëëdö yie. Jiy ki lääy bëët obwøk ni aacge.

Jeremaya 51:29

Piny otïmö ni kwanynyi ni jäŋŋi, kiper Wuuö Jwøk, gïna näk ee caarø ni tïïe tïïö dëër Babiløn bëëdö kare, ni beeye ki man raany ŋööm Babiløn, nee bäŋe jiy mo bëëdö yie.

Jeremaya 51:37

Babiløn oränynyi ni needwöt, ni tïme na kar bëëtö mar othööe, na gïr abuua, ni tïm cwïny jiy ni böö ki gïno tägi dëëre, ni bäŋ jiy mo bëëdö yie.

Jeremaya 51:43

Päänye moe otïmö ni cwïny jiy böö ki gïno tägi dëëtge, ni tïm ŋöömö mare na paap ma tëën, na ŋöömö mo bäŋ ŋat mo bëëdö yie, na kany mo bäŋ dhaanhø mo cør yie.

Jeremaya 51:61

Ni kö Jeremaya jï Ceraya, ni «Kanyo pïïyï Babiløn, luupi bëët ii wär kwaanï nyïm jiy nee wïnyge,

Edhikiel 35:9

Ïïni, ï tïïa tïïö niï dööŋï ni bäŋ gïrpiny yiï na bäre bäre; ni ö päänye moï ni ba beedi këët. Køøre nø, ŋäyï ŋääö ni bee aani na Wuuö Jwøk.