Jeremaya 51:6 - Wëël Jwøk

⁶ «U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Jeremaya 51:6 Iomraidhean Croise

Pwöc Leec Wïc 13:20

Ŋat wø cäädhi ki jøøa wïthge leer, wïïe tïmö ni leer, 'ba nyawat jøøa wïthge känni wø joota gïï mo reyø.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Jeremaya 25:14

Ni ö wïth juurre mo thööth ki nyeye mo døøŋŋø ni tïïcge jø Babiløn na laaŋe; ni coola pïïn gïïa reyø dëëtge na tïïcge, ni beege gïïa reyø na tïïcge ki ceŋge.»

Jeremaya 25:16

'Ba kanyo maathge gø, ge bøømmø ni tïmge na bøøre ki køør mäny mano jääŋŋa baŋge.»

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 46:10

Kiper dïcäŋöce beeye cäŋ mar Kwäärö Wuuö Jwøk, eni na wïth jammi bëët, ni beeye cäŋ mano cool kwöri yie dëët nyïïmän moe. Opëëllö ocämö rege gøøc mano jääŋe, ni mädhe ki rem moge këël mano røme. Kiper Kwäärö Wuuö Jwøk, eni na wïth jammi bëët, ge wëëge ŋaal kaamar olämme yi paano enge yie jï løø wï-piny bäät Naam Upareeti.

Jeremaya 48:6

U na jø Möap, u reeŋø nou ŋwieya jwïëyu, ni bëëdu dï tëën kaamar abuŋŋö.

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Jeremaya 50:31

«Wui, Babiløn, ï na paana bëëdö niï töödö, Ka adïëri møn, Kwäärö Wuuö Jwøk, eni na wïth jammi bëët, mare caane caanø dëërï, kiper cäŋ marï aöö, ni beeye kanya wäŋŋi noo jääl ïïni yie.

Jeremaya 50:8

«Uuni, u reŋŋa wøk dï Babiløn, ni weyu ŋöömmögø mar jø Kaldia; ni bwödhu maal kaamar nyöök atëëe ni wø kwøŋ bwödhö nyïm dïëk.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Jeremaya 51:36

Kiper manøgønø, luumma caan Wuuö Jwøki beeye en, ena köö, ni «Ka adïëri møn, aani, u cwaa cwaaø, ni coola kwör maru na kare. Aani, naam mar Babiløn otaala, ni bäŋe kany jïtge yie ki pïï.

Jeremaya 51:45

«U na jiya, uuno aa wøk dï Babiløn, ni ŋati man nø gwøga jwïëye, ni ŋwieya wëër mar Wuuö Jwøk noo liel kaamar maac.

Jeremaya 51:50

U na jiya, u na bøth dhi tøŋ, u aay! Kär nou bëëdö Babiløn! 'Ba bëëdu nou lääŋŋa aani na Wuuö Jwøk këël na enu kany mo bäär ki Jerucalem, ni bëëdu nou caara gïre.

Jeremaya 51:56

Kiper geni ni wø räänyö ööa kuna tukge Babiløn, ni ö jø lenynyi moe moa teek ni maai ki tøŋ, ni ö athëëre moge ni tøyi; kiper Wuuö Jwøk beeye Jwøk mo cudö ki kwöri, ni kwöri di coolø na kare.

Jeremaya 51:9

«'Ba jiy okööi, na ‹Apäärø ki man kønyø Babiløn, 'ba ŋwiili moa pïï dëëre ba løny ki køny këët. Wiiø eni, ni ö ŋati man nø dïïø ni aa poge, kiper ajäla mar Babiløn dwøŋ døc noo këët maal, noo këët maal nyeŋ pøøl.

Wëël Kïmmö 3:64

Wui Wuuö Jwøk, cool kwör dëëtge ki køør gïïa tïïcge.

Kwään Jiy 16:26

Ni cääne ki lwaak, ni kööe, ni «Paanynyu rou buut oduŋkaare mo jøøi ni reyø ii, ni bäŋe gïn gutu ma marge, kiper nee u ba rwöp ajäla mano pïï bäätge ki køør raay moge.»

Tiet Ciik 32:25

Thøø otïmö ni dagø dï paac ki køør leny, ni tïm lwärri ni dagø yïth uudi; ni täk gïïögø dëët wøpe moa näk cwøw ki moa näk mään, ko obwöre moa therø, këël jäle moa näk wïthge da lwaar.

Tiet Ciik 32:41

ni tøŋa na beth paa paaø, ni täga ki ŋøl luup, ni tøŋ ena cera. Kwöra coola coolø dëët nyïïmänna, ni jääla jiy mo wø män ki aani.

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»

1 Timöthi 5:22

Kär niï läädö ki cïp ceŋ bäät dhaanhø kiper tïny Jwøk, ni ba ciï yïth raay mo ŋat mør. 'Ba bëëdï karï, niï ciil ki raay bëët.

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.