Jeremaya 51:57 - Wëël Jwøk

⁵⁷ Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Jeremaya 51:57 Iomraidhean Croise

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Jeremaya 13:13

Køøre caanï caanø jïge ni mana ŋøl Wuuö Jwøki beeye en, ena köö, ni ‹Ennø, aani jiy bëët mo wø bëëdö yi ŋöömmi en jääla jäälö, ni tïïa geni kaamar jiy mo ojäŋ ki kwøŋ ni ge meeyø, ni beege nyeye mo wø läw bäät wäl Deebit, ki dïlämme, ki nyïïkuk Jwøk, ki jiy bëët mo wø bëëdö Jerucalem.

Jeremaya 25:27

Ni kö Wuuö Jwøki jïra, ni «Caanï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Mäthu ni meerru, ni ŋwøgu, ni päänhnhu, ni ba duu maal këët, ki køør mäny mano jääŋŋa baŋu.›

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 48:15

'Ba mana caan Nyeya na näk nyeŋŋe beeye Wuuö Jwøk, eni na wïth jammi bëët, beeye en, ena köö, ni «Möap oränynyi; kiper jø aranya oci yïth päänye moe ni raanyge geni, ni ö wøpe moa teek ki leny ni nääi.

Jeremaya 50:30

Kiper manøgønø, wøpe moe opäänhnhi dï uutjïëthe moe, ni dït wïth jø lenynyi moe bëët dïcäŋöce.

Jeremaya 51:39

'Ba noo daatge cwïnyge kiper cam, ge nyöömma nyöömmö ki køøŋø, ni maadha geni ni meerge ni mïn yïthge, ni butge ki niine mo bäŋ cuŋŋe, ni geni ba päy këët.

Edhikiel 20:33

'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, aani, aano tïmö na nyeya bäätu, ni käära uuni ki teek ni cera yaa rwieø bäätu, ni wëër mara ena bäätu.

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Neeyam 3:18

Wui nyeny Aciria, dïbwöthe moï obuti ki niir thøø, ni ö jø kööre moï ni narge ki narø mo bäŋ cuŋŋe. Jiy moï okeethi bäät kïte, ni bäŋ ŋat mo cooŋ geni këët.

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.

Mana Nyooth 18:9

'Ba nyec piny na käbö ki gø ni tuukge ki gø, geno jwöŋi ni gööge ko oduuru kipere, kanyo neenge jïye noo waaŋe.