Jeremaya 51:51 - Wëël Jwøk

⁵¹ «U wø köö, ni ‹Wïthwa alääö kiper ajøøŋ man wø wïnywa, ni tïm nyeŋwa ni law, kiper jiy mo path adøny kwöra en kur keerge yi Øt Wuuö Jwøk.›

Jeremaya 51:51 Iomraidhean Croise

Dut Pwøc 79:1

Aydheea 13:1

'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 21:1

'Ba luumma nyooth Wuuö Jwøki kiper paaba näk tëën na en buut naama dwøŋ bee en: Kaawat man wø ö atuunna wø jwiec paana en jï løø tier-piny, da gïn mo räänyö mo öö ki dï paaba näk tëën, ni beeye yi ŋöömma näk di lwäärö.

Aydheea 47:1

«Wui, ï na Babiløn, päänya caal nyakøø mo dëër dïcwøø poot kuue, dää piny ni pïï piny yi tør. Wui, ï na Babiløn, pï piny yïth ŋøøm jaak ni patha bäät wälu. Kiper ï ba cwøl këët niï mïërö niï jwøny.

Jeremaya 14:3

Jøøa kwörge døøŋŋø jø tïïc moge wø jääŋge jääŋŋö baŋ pïï; 'ba kany wø pïïcge yïth aguule, bäŋ pïï mo jootge, ni duuge ni bäŋ pïï yïth agwäyi moge. Ni bëët wïthge ni laay, ni tïm nyeŋge ni law, ni kwaage ceŋge wïthge.

Jeremaya 25:26

ki nyeye bëët mo wø bëëdö jï løø wï-piny, moa kwörge cärö ki moa kwörge bäyö, ni man nø mätha køør maya; ki tiet mïëri moa en bäät piny bëët na nut bäät piny bäre. Køøre kanyo nø mäth jøøgø bëët, nyeny Cëcak omäthi nø na aŋuudi.

Jeremaya 31:19

Kiper ki køør mana gaawa wøk, rewa acäŋwa løgø; ki køør mana pwöny waani, kööthwa agøøcwa; nyeŋwa atïmö ni law ni lää wïthwa, kiper ajøøŋ mar gïïa tïïcwa dïkwøŋ ena bäätwa.› »

Jeremaya 52:13

Ni waaŋ Øt Wuuö Jwøk ki paan dwøŋ mar nyeya, ki uudi moa en Jerucalem bëët, këël uudi moa døøŋŋø bëët awaaŋe thuwø.

Wëël Kïmmö 1:10

Nyimän cere akïth baŋ jammi mo Jerucalem moa perge leth. Eni na Jerucalem wïth juurre ajoode ni dønynya kuna tukge øt lam mare na en kur keere, jøøa kööm Wuuö Jwøki ni kärge døny ya acooŋ jiye.

Wëël Kïmmö 2:20

Wui, Wuuö Jwøk, neenï ni raŋï gø. ?Teeŋ gïn aŋa na kwøŋï gø tïïc dëëre? ?Aŋø, mään obwöre moa käl dëëtge na gwøkge dege camø? ?Aŋø, dïlämme ki nyïïkuk Jwøk doo nääö yi Øt Lam mar Kwäärö Wuuö Jwøk?

Wëël Kïmmö 5:1

Wui Wuuö Jwøk, par wïïï ki gïna pänh bäätwa; raŋï, ni neenï ajøøŋ mana jøøŋ wa ki gø!

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Edhikiel 36:30

Aani, nyïïjenni ki beel wëëga ciek ni thööth yïth pwöth mou, nee bäŋe law-waŋ mo ö bäätu dï wïth juurre kiper käc.

Edhikiel 7:18

Geni, keece orøcge na abïïe ni bëët dëëtge ni kwanynyi ki lwär; wïthge otïmö ni laay bëët, ni ö wïthge ni gwääri wøk bëët.

Edhikiel 9:7

'Ba Wuuö Jwøk aköö jïge, ni «Tïïyu Øt Jwøk ni ba waany ki rïŋ dëët jiy moa no othøw, ni pääŋŋu dï kal ki ge. Tägu nø!» Kanyøgø gena put aay ni cige wøk ni putge jiy 'näk moa en dï pääny.

Daniel 11:31

«Ni ö lwaa leny mana en dëëre ni thïïŋge dëëtge dëër kar lam na näk ogeerø ni teek, ni mänge olämme mo wø cïp cooth. Køøre geni gïna näk ec raac ki gø døc na näk gïr ränynyö, cwöthge piny.

Amøc 7:9

Kwör lam mo nyïïkwaac Aydhak na en bäät thuuri oränynyi, ni ö uut lammi mo jø Icriel ni nyaai piny, ni öa maal ni raanynya dhi øt nyeya ma Jeröbäm ki leny.»

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Mikiya 7:10

'Ba kar kaace nø, oraŋ nyïïmänni mowa, ni ö lään wïci ni ö bäätge, ge na köö jïwa, «?Aŋø, Wuuö Jwøk, Jwøk maru, en kaa?» Waani, geno raŋwa ki nyeŋwa, ni kar kaaca geno nyørø kaamar odhöönh mo jiy caatha dïëre øtjöö.