Jeremaya 51:5 - Wëël Jwøk

⁵ Kiper jø Icriel ki jø Juuda kär kwier Jwøge ma Wuuö Jwøk, eni na wïth jammi bëët, këël na bëët ŋööm Babilønni man bëëtge yie en ni päŋ ki raay mo di temmø nyïm Jwø Icriel na en kur keere.

Jeremaya 51:5 Iomraidhean Croise

1 Nyeye 6:13

Ni puta bëëtö dï jiya ma jø Icriel ni ge ba wiia.»

2 Nyeye 21:16

Maya thuwø, Maneeca rem jiy mo thööth mo bäŋ gïn mo ege baaø akøny piny, këël mana ö eni ni pääŋ dï Jerucalem ki remø ki mana täge ki deŋŋe man këël mana pïïe deŋŋe maya; ni gïnögø tïïe ni meede bäät raay moe moa tïïe na wëëk jø Juuda tïïc ki raay, ni tïïya gïï mo nëëni ni reyø ki jï Wuuö Jwøk.

Edhera 9:9

Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Aydheea 44:21

«Wui, ï na Jeekap, ni bee yi na Icriel, par wïïï ki gïïögø, kiper ïïna dhaanhnha; ïïna nø cwääa ni ïïna dhaanhnha. Wui, ï na Icriel, wïïa ba wïl ki ïïni.

Aydheea 51:15

Kiper bee aani na Wuuö Jwøk, Jwøk maru, ni wø jäŋ naama dwøŋ ni wø wëëk athaga lwör, ni nyeŋŋa bee Wuuö Jwøk, aani na wïth jammi bëët.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Jeremaya 14:19

?Wui Wuuö Jwøk, aŋø, jø Juuda akwierï møn na bäre bäre? ?Aŋø, ïïna put männö ki pääny marge ma Dhayan møn? ?Aperŋø ni caannï waani en, ni tïme ni ba løny ki man døø bëëtö marwa kare en? Waana bëëdö ni wa koora bëët-mëër, 'ba bäŋ gïn mo beer mo oöö; ni koorwa døøn paac kare, 'ba ennø, atïmö ni nuta lwär keere.

Jeremaya 14:9

?Aperŋø ni bëëdï kaamar dhaanhø mo wïïe ocuŋŋö en? ?Na aperŋø ni bëëdï kaamar oteen leny mo ba løny ki man kunynye en? 'Ba ŋäcwa, ni ï na Wuuö Jwøk, ï poot ena yïthakicwa, ni wa cwøla ri nyeŋŋï; kär wa weyï.

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 23:15

«Kiper manøgønø, mana caana, a na Wuuö Jwøk, Jwø wïth jammi bëët, kiper nyïïkuk Jwøk moøgø beeye en: «Ka adïëri møn, aani, ge caama caamø ki lweet jaath mo keec, ni maadha geni ki pïï mo ree da cïm; kiper bëëtö mo raac anyaay paac bäre, ni tägi ka baŋ nyïïkuk Jwøk mo Jerucalem.»

Jeremaya 31:37

Man beeye luumma caan Wuuö Jwøki, ena köö, «Ni näk mo løny ki man røm cuŋ maal kuya, ni løny ki man joot tiet ŋøøm kuya ki gïïa en yie bëët, kar kaace, nyïïkwaac jø Icriel kwiera kwierø kiper gïïa reyø bëët na tïïcge.» Luummögø caana Wuuö Jwøki.

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Jeremaya 50:20

'Ba noo tïme ni yïth nïröke, yi kar kaace, gïïa bac jø Icrielli ki raay mo jø Juuda omanynyi, 'ba bäŋgø mo joot; kiper a na Wuuö Jwøk, geni noo wiia na moo dööŋ wëënna wëënnö.

Jeremaya 51:19

'Ba eni na Jwø Jeekap ba caal gïïögø, kiper bee eni na tïïc jammi bëët, na cwääc jiye, ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Edhikiel 8:17

'Ba Wuuö Jwøk aköö jïra, ni «?Wär dhaanhø, gïn ee, nëënö jïrï? ?Aŋø, bee gïn mo jööt jaak ki baŋ jø dhi øt Juuda ki man tïïge ki gïï wø raac yia ki ge kany, ni piny ege pääŋö ki tïïe mo raay ni ge wëëga aani gootø cooth? Raŋ ge mø, ge tïïö ki jap abuua!

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Odheea 2:1

«Cwøllu nyïïmëëgu moa näk cwøw, ni ‹Jic Jwøk,› ni cwøllu nyïïmëëgu moa näk mään, ni ‹Jøøa nyooth bäth ec jïge.›

Odheea 2:3

'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Mikiya 7:20

Ïïni, ï bëëdö niï nyootha adïëri jï nyïïkwaac Jeekap, ni nyoothï mëër marï man wø ba jøøl jïge, ge na dhi øt Eeberam, kaawat mana kööŋï jï kwäcwa yïth nïra cääŋŋe.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Dhekaraya 2:12

'Ba Wuuö Jwøk ŋööm Juuda otïmö na kure yi ŋöömma en kur keere, ni cäŋ Jerucalem jierrø na pääny mare.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.