Jeremaya 51:36 - Wëël Jwøk

³⁶ Kiper manøgønø, luumma caan Wuuö Jwøki beeye en, ena köö, ni «Ka adïëri møn, aani, u cwaa cwaaø, ni coola kwör maru na kare. Aani, naam mar Babiløn otaala, ni bäŋe kany jïtge yie ki pïï.

Jeremaya 51:36 Iomraidhean Croise

Pwöc Leec Wïc 22:23

kiper ge ŋun Wuuö Jwøki ŋunnö, ni käl jwïëc jø wø twier geni.

Pwöc Leec Wïc 23:11

kiper Dïkunyi mare teek, ni pïëme ki ïïni kipere.

Aydheea 19:5

'Ba pïï mo Naam Nail tal, pïï moe dwön ni talge.

Aydheea 43:14

Man bee dwør Wuuö Jwøk, eni na Jwø Icriel na en kur keere na wïïl u wøk, ena köö, na «A jääga Babiløn ki jø leny kiperu, ni ö jø Kaldia bëët ni päärge wøk, ni ge aay ka baabuure mo wø töötge kiperge.

Aydheea 44:27

Bee aani ni wø köö ki naama dwøŋ na päŋ, ni ‹Talï!› ni puta nyeŋŋi moe taal.

Jeremaya 50:38

Ajäl meel opïï yi ŋöömö mare bäre, pï näm moe otal! Kiper beeye paac mo bëënna juu mo otieŋø, ni wø bøøl ri juu mo otieŋø ni wø duu lwär.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Edhikiel 25:14

Kwör coola coolø dëët jø Ëdöm ki ri jiya ma jø Icriel, ni tïïcge gïnögø dëët jø Ëdöm ki køør wëër mara ki gootø mara. Køøre nø, putge ka ŋäc ni manøgø bee cool kwör mara. Luummögø caana aani, a na Kwäärö Wuuö Jwøk.› »

Odheea 13:15

«'Ba jø dhi øt Ipariem këël doo bëëdö ni jammi bëët päŋ jïge dï nyïïmëëkge, jamø man wø ööi ki kur tuul-cäŋ jääŋŋa jääŋŋö bäätge, a na Wuuö Jwøk, ni kwönne ki dïtëën; ni ö jøør moge ni putge niŋul, ni ö aguule moge ni putge talø. Ni ö gïïa perge leth na en kwör kän moge ni puti twier bëët.

Wëëlö Mana Göör Pøølli Baŋ Jø Röm 12:19

Omëëya, kär kwöri mou coollu ki dëëtu, 'ba wiiu cer Jwøk kanyo wëëre. Kiper ogöörö, ni «Kö Wuuö Jwøki, ni ‹Cool kwöri beeye mara, ni beeye aani noo cool ge.› »

Tiet Ciik 32:35

Cool kwör beeye mara, ni ŋøl luup ena cera. Yi nyïme kanya wäŋŋa ni ge pädhö yie, ge puta pädhö, kiper ränynyö marge kare cäännö, ni ö gïïa lethi na reyø ni laar päth bäätge.›

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»

Mana Nyooth 16:12

Ni ö bïcier nyïïatwiet maalli ni køny kuura mare bäät Naam Upareeti na dwøŋ, ni ö pïïe ni talge, ni jiiŋŋa jöör nyeye moo ööi ki jï løø kur tuul-cäŋ.