Jeremaya 51:31 - Wëël Jwøk

³¹ ŋat wø rïïŋi nee gïna tägö købe, oreŋi ni caan gø jï ŋat ŋwïëy maya, ni ö nyïïatwielli ni reeŋe ni caan gø jï nyïïatwiel maya, nee lunyge caan jï nyeny Babiløn, ni ‹Pääny marï amak bäre.

Jeremaya 51:31 Iomraidhean Croise

2 Luup Nyeye 30:6

Køøre jøøa jääŋŋi gena aay ni ge rwäänhnhö, ni cige mïëc Juuda ki Icriel bäre, ni weeli käärge käärö moa kälge baŋ nyeya ki kwääri moa en tiere, ki køør mana ö nyeya na kööm ge ki gø, na kööe, ni «Wui, u na jø Icriel, beerra man duu baŋ Wuuö Jwøk, Jwø Eeberam ki Aydhak ki Icriel, nee eni duu baŋu, u na bøth na dööŋ ni kär mak nyeny Aciria.

Acther 8:10

Mördekay weeli moøgøøni gööre ka nyeŋ nyeya ma Ayacewëëröc, ni gøøc ge ko ogut lweedø mar nyeya man wø näk ree da ŋïï. Ni jääŋ weeli moøgø tiet mïëri ki jiy mo cäädhi ki bäät okwëënyi mo lääy mo wø rïïŋi døc moa näk opiidhø po nyeya.

Acther 8:14

Kar kanyøgø jøøa jääŋŋi gena put aay ni ge rwäänhnhö ki køør dwør nyeya, ni aacge wøk ni ge cäädhi ka bäät okwëënyi mo lääy mo wø rïïŋi døc, moa näk opiidhø po nyeya. 'Ba awaaci manøgø ogøø piny thuwø yi pääny Cuca paan dwøŋ.

Jööp 9:25

«Nïne 'moa atïmö ni läädö døc ni kaala ŋat ŋwïëy; gena laar pöödhö ni bäŋ met ec mo ege joodø.

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 50:24

Wui, ï na Babiløn, kanya bëëdï ni kuyï, a na Wuuö Jwøk, abïëp aciia kiperï, ni put ï mak. Ïïna joot ni mak ïïni, kiper ïïna bëëdö niï këëdö ki aani.

Jeremaya 50:43

Nyeny Babiløn gïna caan kiper jø leny moøgø awïnynye, ni ö bääte ni pädhe; ni ö lwärri mo dwøŋ ni mak eni, ki rääm mo caala rääm dhaagø mo ree da mäc lwaar.

Jeremaya 51:32

Dhøk wäädhi mo wø kaath ki piny amak, ni nyepge luum man wø kan røk yie, ni bëët jø lenynyi ni cwïnyge böö.›

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,