Jeremaya 51:30 - Wëël Jwøk

³⁰ Jø leny moa teek mo Babiløn leny owecge, ni bëëtge ni ge kaanna rege kwör gwøk røk moa teek; teek marge othum, ni tïmge kaamar mään; kwör bëëte moge onyep ki maac, ni ö dïdëëdi mo dhøk kiir mare ni tøyi.

Jeremaya 51:30 Iomraidhean Croise

Aydheea 19:16

'Ba dïcäŋeca, jø Ijep otïmö kaamar mään; dëëtge otïmö ni kwanynyi ki lwär kanyo ö Wuuö Jwøki, eni na wïth jammi bëët, noo tuuŋ cere bäätge.

Aydheea 47:14

Neenï, jøøgø, ge tïmö kaamar luum mo otal, ni waaŋi ya maaci. Geni, ge ba løny ki man piemge dëëtge cer teek leep maac. 'Ba manøgø paa maac mo di juŋö ki gø, ni paa maac mo pïïa piny deŋŋe.

Jeremaya 48:41

Päänye mo Möap omak ki tøŋ, ni mak kwör leny moe moa näk ogeerø ni teek. Dïcäŋöca cwïny otëëe mo Möap otïmö kaamar cwïny dhaagø mo ree da mäc lwaar.

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Jeremaya 51:32

Dhøk wäädhi mo wø kaath ki piny amak, ni nyepge luum man wø kan røk yie, ni bëët jø lenynyi ni cwïnyge böö.›

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Wëël Kïmmö 2:9

Dhøk kiir apäänhnhö piny ni buŋi ya ŋøømmi, ni ö dïdëëdi moe ni tøc ge ni raany ge. Nyeya mare ki kwääri moe ge bëëdö dï wïth juurre ni ge mak ka tøŋ. Ciik atïmö ni bäŋgø këët, ni ö nyïïkuk Jwøki ni tïme ni bäŋ gïï wø nyooth ki yi wïc mo jootge baŋ Wuuö Jwøk.

Amøc 1:5

Dïdëët mana en dhi kiir Damacka otoora, ni raanynya jøøa bëëdö yi goor Awën, ki ŋata en teek paaci cere na en Bëëth-Ëden. Ni ö jø Aram ni maai ni kïth geni paana cwøl ni Kir.» Gïnögø caana Wuuö Jwøki.

Neeyam 3:13

Ka adïëri møn, jø leny moï moø ni en yi paac marï yøø, gena mään. Dhøk kiir mo paac marï ojabø jaak. Dïdëëdi mo dhøk kiir moï othöör maaci.

Mana Nyooth 18:10

'Ba geno cuŋŋi kany mo bäär ni ge lwäära caannø mare, ni köge, ni «Wui, wui, paana dwøŋ, ïïna ränynyö. Wui, ï na Babiløn na teek, ränynyö marï apïï ki yi caa aciel!»