Jeremaya 51:24 - Wëël Jwøk

²⁴ «'Ba a na Wuuö Jwøk, jø Babiløn, ni beege jø Kaldia, gïïa reyø na tïïcge dëëtu, u na jø Dhayan, 'dwøga dëëtge ni nëënö jïïu ki nyeŋŋu.

Jeremaya 51:24 Iomraidhean Croise

Aydheea 48:14

«Uuni bëët, cooŋŋu rou ni cegu ïthu. ?A kït gïn wø lam mane na caan tiet luup moi ii? Eni na jier Wuuö Jwøki, mana many Wuuö Jwøki tïïe tïïö dëër Babiløn, ni ö teek bade ni bëëde ni ena dëëtge, ge na jø Kaldia, ni jääla ge.

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Aydheea 66:6

Wïnynyu dwøl man ni märi yi pääny en, cegu ïthu ki dwøl man ni wïnyi ki yi Øt Jwøk en! Manøgø beeye dwøra, a na Wuuö Jwøk; mara cool kwör dëët nyïïmän 'moa.

Jeremaya 25:14

Ni ö wïth juurre mo thööth ki nyeye mo døøŋŋø ni tïïcge jø Babiløn na laaŋe; ni coola pïïn gïïa reyø dëëtge na tïïcge, ni beege gïïa reyø na tïïcge ki ceŋge.»

Jeremaya 50:10

ŋööm jø Kaldia otwier, ni ö jøw twier gø bëët ni rømge ki jammi. Luummögø caana Wuuö Jwøki.

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Jeremaya 51:23

Beeye ïïni na raanynya dïkwääc dïëk ki riï, ki pïïth dïëk moge, ni beeye ïïni na raanynya jø puur ki riï, ki dhää puur moge, ni beeye ïïni na raanynya kwääri ki riï, ki jø kööre moge.

Jeremaya 51:35

Jø powa ma Dhayan, ni beege jø Jerucalem, ge cäänö, ni «Beerra man ö gïna lethi na tïïc dëëtwa ni tïï dëër Babiløn, ni beerra man ö kwör remø marwa ni en bäätge, geni na jø Kaldia.»

Jeremaya 51:49

«Ka adïëri møn, Babiløn na 'näk jø bäät piny, oränynyi thuwø kiper jø Icriel moa nääe.

Jeremaya 51:56

Kiper geni ni wø räänyö ööa kuna tukge Babiløn, ni ö jø lenynyi moe moa teek ni maai ki tøŋ, ni ö athëëre moge ni tøyi; kiper Wuuö Jwøk beeye Jwøk mo cudö ki kwöri, ni kwöri di coolø na kare.

Wëël Kïmmö 3:64

Wui Wuuö Jwøk, cool kwör dëëtge ki køør gïïa tïïcge.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 18:24

Ni beeye eni na joot rem nyïïkuk Jwøk ki mo jø Jwøk yie, ki mo jøøa 'näk bëët bäät piny.»

Mana Nyooth 6:10

Ni köökge ki dwøl mo päl, ni «?Wui Kwäärö Jwøk na en teeki jïre, na en kur keere na näk adïëri, awäne noo ŋølï luubö noo coolï kwör remwa dëët jøø ni bëëdö bäät piny en?»