Jeremaya 51:21 - Wëël Jwøk

²¹ Beeye ïïni na raanynya okwëënyi ki riï, ki jø wø cäädhi ki bäätge, ni beeye ïïni na raanynya jïëth leny mo wø tut okwëënyi ki riï, ki jø wø cäädhi ki yïthge.

Jeremaya 51:21 Iomraidhean Croise

Bwøth Wøk 15:1

Køøre Modhe ki jø Icriel duut man awärge jï Wuuö Jwøk ni köge, ni «Aani a wär jï Wuuö Jwøk, kiper ena tïmö na ajieme cäätha maal. Okweeny ki ŋata en bäät gø aleeŋ yi Naama Kwaar.

Bwøth Wøk 15:21

Ni ö Mariyammi ni jøl duut ni kööe, ni «Wärru jï Wuuö Jwøk, kiper ena tïmö na ajieme cäätha maal; okweeny ki ŋata en bäät gø aleeŋ yi Naama Kwaar.»

Bwøth Wøk 15:4

Jïëthe mo Peerø mo wø tut okwëënyi ki lwaak mar leny mare aleeŋ yi Naama Kwaar; ni ö kwääc leny moe moa näk ojierø ni mutge yi Naama Kwaar.

Aydheea 43:17

na tïïc jïëth okwëënyi mo leny, ko okwëënyi, ki jø leny ko otëëk leny nee öge; 'ba geni, gena put päänhnhö ni ge kär duu maal këët, ni putge thøø kaamar maac mo obïbö;

Jeremaya 50:37

Ajäl thøw tøŋ oen bäät okwëëc leny moe, ni räny jïëth lenynyi moe mo wø tut okwëënyi! Ajäl thøw tøŋ oen bäät jø leny moa path moa en yie, geno tïmö kaamar mään! Ajäl tøŋ oen bäät jape moa perge leth, ge di twierø!

Edhikiel 39:20

Uuno jäŋ ya akaaŋ mara ki rïŋ okwëëc lääy, ki rïŋ jø wø këëdi ki bäät okwëëc lääy, ki rïŋ dëët cwøw moa teek, ki jø leny bëët.» Luummögø caana aani, a na Kwäärö Wuuö Jwøk.

Mikiya 5:10

'Ba mana caan Wuuö Jwøki beeye en, ena köö, ni «Noo tïme na dïcäŋece, aani okwëënyi mou moa en dïïu, wïthge dïïra dïïrö, ni raanynya jïëth leny mou mo wø tut okwëënyi.

Neeyam 2:13

Neennu, mana caan Wuuö Jwøki, eni na wïth jammi bëët, bee en, ena köö, ni «Aani, a tïïö dëëtu ki gïrpiny. Aani jïëth leny mou mo wø tut okwëënyi waaŋa waaŋø ki maac, ni ö tøŋŋi ni thöör jø leny moï na caal ŋuuwe mo ogäy, ni tïïa japa twierru ni bäŋgø yi paac, ni bäŋe dööt jø wø jääŋŋi mo wïnynyi këët.»

Agëë 2:22

Ni ö wäle mo buc nyeye mo wïth juurre ni jaalla ge, ni raanynya teek marge. Ni raanynya jïëth okwëënyi mo leny, ki jø wø kiiw geni. Ni ö okwëëc leny ki jø wø kiiw ge ni päänhge. Ni ö ŋati man nø ni nägi yo opëëllö mar wati.›

Dhekaraya 10:5

'Ba geni bëët, geno tïmö kaamar jø leny mo teek mo wø nyør nyïïmän moge ri leny yïth odhöönhe mo nyeŋ jïëthe. 'Ba kiper mana näk mo Wuuö Jwøk bëëdö ka geni, geno këëdi ni böötge jø wø këëdi ki bäät okwëënyi.

Dhekaraya 12:4

Wuuö Jwøk aköö, ni «Dïcäŋöca, aani, okwëëc leny bëët mo nyïïmän geno wëëga lwär, ni ö jiyi moa cäädhö ki bäätge ni wëëga ge bøølø. 'Ba aani, dhi øt Juuda koora koorø døc ni waŋa yaa këël ree. 'Ba okwëëc leny bëët mo wïth juurre ge tïïa tïïö na cööye.

Mana Nyooth 19:18

kiper nee rïŋ nyeye ki rïŋ kwääri, ki rïŋ jøøa kwörge døøŋŋø, ki rïŋ okwëënyi ki mo jøøa en bäätge, ki rïŋ jiy bëët, jøøa bëëdö ki wïthge ki laaŋe bëët, këël moa therø ki moa døøŋŋø, nee cammu.»