Jeremaya 51:11 - Wëël Jwøk

¹¹ «Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Jeremaya 51:11 Iomraidhean Croise

1 Nyeye 11:14

'Ba Wuuö Jwøk, Adat nyï Ëdöm, nyen mo ena dhi øt nyec mar jø Ëdöm, athïïŋe na nyimän mar Cølöman.

1 Nyeye 11:23

'Ba Wuuö Jwøk thuwø nyimän mør athïïŋe dëër Cølöman, ni beeye Redhön wär Eliada, na näk opäär wøk ki baŋ nyenynye ma Adadëdher nyeny jø Dhöba.

1 Luup Nyeye 5:26

Kiper manøgønø, Jwø Icriel atïïö cwïny Puul nyeny Aciria, ni beeye Tiglat-Pilëëcër, ni mak ge ki tøŋ ni käl geni, ni beege jø tuuŋ Ruben ki jø tuuŋ Gaat ki thääŋ jø tuuŋ Maneeca, ni kïth geni ya Alay ka Abör ka Ara ki bäät Naam Gödhan, ni putge bëëte yie këël dïcäŋi en.

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Aydheea 10:26

Wuuö Jwøk, eni na wïth jammi bëët, alaŋŋa tïŋe maal bäätge kaawat mana tïïe na dïïr wïth jø Midien buut Kïn Orëëp, ni ö athøra mare ni tïŋ gø maal bäät naama dwøŋ, kaawat mana tïïe Ijep.

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Aydheea 21:5

'Ba kwääri mo Babiløn, kar cam ajiiŋge, ni peethge gø, ni cämge, ni mäthge. Ni put dwølli öö, mo köö, «Wui, kwääri mo jø leny, ööu maal ni jiiŋŋu kööt leny!»

Aydheea 41:25

«'Ba aani, a na Wuuö Jwøk, a tïŋŋa maal ki dhaanhø ki jï løø wï-piny, 'ba eno ööi ki jï løø kur tuul-cäŋ ni cøøra nyeŋŋa, ni ööe ni nyør kwääri, kaaman wø ö dïcwäc dääe wø nyør odhöönh.

Aydheea 45:1

Man beeye dwøl mana caan Wuuö Jwøki jï nyeya ma Kiröc, na näk ee røønyø na ŋat tïïc mare, na näk ee maaø ki cer cwïï gø, nee wïth juurre dïïme ki ree, nee teek mar nyeye lwøre, nee dhøk kiiri jap jïre ni ba cïëge këët; ena köö,

Aydheea 45:5

Bee aani na Wuuö Jwøk, ni bäŋ Jwøk mør këët. Bäŋ Jwøk mør këët ni näk mo paa aani keera. Aani, ï mooa mooø ki teek, këël na bëëdï naa kuyï;

Aydheea 46:11

'Ba aani, da ŋat mo cwøla cwølø ki jï løø kur tuul-cäŋ, mo käla paac mør mo bäär, ni ööe kaamar wenyø man wø cämö ni cwëëdhö, nee gïno manynya nee tïïe. Ka adïëri møn, luubö manøgø anø caana, ni ka adïëri møn, puta ka wëëk thur kare. Luubö manøgø ya nø cooŋ; ka adïëri møn, tïïa tïïö.

Jeremaya 25:25

ki nyeye bëët mo jø Dhimri; ki nyeye bëët mo jø Ilam; ki nyeye bëët mo jø Mëdön;

Jeremaya 46:3

«Jiiŋŋu kööde mo leny moa therø ki moa døøŋŋø, ni cou wøk baŋ leny.

Jeremaya 46:4

Jiiŋŋu okwëënyi ni ethu bäätge. Kïthu cööc nywïëny wïthu, ni maaŋŋu kwöru. Paagu tøøŋi mou, ni røøu abïïk nywïëny mo leny dëëtu.

Jeremaya 46:9

Wui, u na jø Ijep mo wø cäädhi ki bäät okwëënyi, ki u ni wø cäädhi ki yïth jïëth leny mo wø tut okwëënyi, pööthu maal ni rïïŋu ki geni døc kaamar ŋwïëc bøøl. Ni ö jø lenynyi mou moa teek, ni beege jø Ithiöpia ki jø Put ni wø käär kööt leny, ki jø Lidiya ni wø thöödhö ka athëëre ni pööthge nyïm.

Jeremaya 50:25

Wuuö Jwøk øt tøøk leny mare ajabe, ni käl tøøŋi wøk ni beeye wëër mare, kiper Wuuö Jwøk, eni na wïth jammi bëët, da gïn mo tïïe tïïö dëët jø Babiløn.

Jeremaya 50:3

Kiper wï jur mo käla jï løø wï-piny öö ni tuk Babiløn, ni raany ŋöömö mare bäre, ni bäŋ ŋat mo bëëdö yie. Jiy ki lääy bëët obwøk ni aacge.

Jeremaya 50:45

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø Babiløn, yi ŋööm Kaldia bäre. Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Jeremaya 50:9

Kiper ka adïëri møn, lwaa wïth juurre mo teek døc moa en wï-piny, yïthge otheŋa ni käla geni nee Babiløn tukge. Ni cïïmge rege na dhøgi nee këëtge ki paanøgø, ni makge jiy kaace ki tøŋ ni kälge geni. Gena jiy mo nyeŋge reegø ki thöör ka athëëre, ni ge ba duui ki ceŋge jaak.

Jeremaya 51:12

ŋïï wär tïŋu maal nou tugu kiir Babiløn; koor wär tïïyu ni teek døc; ni cïïmmu jiy mo rääŋö, ni ö jiyi møøk ni møørge piny. Kiper Wuuö Jwøk acaara mare wëëge thur kare, ni beeye gïna näk ee nø ŋøl ni tïïe tïïö dëër Babiløn.

Jeremaya 51:24

«'Ba a na Wuuö Jwøk, jø Babiløn, ni beege jø Kaldia, gïïa reyø na tïïcge dëëtu, u na jø Dhayan, 'dwøga dëëtge ni nëënö jïïu ki nyeŋŋu.

Jeremaya 51:35

Jø powa ma Dhayan, ni beege jø Jerucalem, ge cäänö, ni «Beerra man ö gïna lethi na tïïc dëëtwa ni tïï dëër Babiløn, ni beerra man ö kwör remø marwa ni en bäätge, geni na jø Kaldia.»

Jeremaya 51:36

Kiper manøgønø, luumma caan Wuuö Jwøki beeye en, ena köö, ni «Ka adïëri møn, aani, u cwaa cwaaø, ni coola kwör maru na kare. Aani, naam mar Babiløn otaala, ni bäŋe kany jïtge yie ki pïï.

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,

Jool 3:10

Thääthu jap puur mou no opëëlle, ni ö jap goor wïth jenni mou ni thääthu ge na tøøŋi; ni ö ŋata jääk ni cøm cwïnye ni ŋwöe, ni «Aana dïcwøø mo teek.»

Jool 3:9

Luubö man gøø piny yïthakic wïth juurre: Ni jiiŋŋu dëëtu kiper leny, ni ö jø lenynyi moa teek ni öge maal. Beerra man ö jø lenynyi bëët ni nyiikge kany mo cään ni tukge.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Dhekaraya 14:12

'Ba ajäl täw mano ö Wuuö Jwøki noo 'näk jiy bëët ki gø moa tïïc leny dëër Jerucalem bee en: Rïŋ dëëtge kwäk ni ge cuŋŋö ki tietge jaak, ni kwäk nyeŋge yïth aguut nyeŋge, ni ö lëëpge ni kwäkge dhøkge.

Dhekaraya 14:2

Wuuö Jwøk aköö, ni «Aani, wïth juurre bëët ge cooŋa cooŋø ni öge kuna këëtge ki Jerucalem. Pääny Jerucalem omak, ni twier uudi moe, ni gøc mään moe ki piny, ni ö thääŋö mar jiy ni mak geni ki tøŋ. 'Ba jiy moo dööŋ ni kwøw, ge ba ŋul wøk këët yi pääny.»