Jeremaya 50:9 - Wëël Jwøk

⁹ Kiper ka adïëri møn, lwaa wïth juurre mo teek døc moa en wï-piny, yïthge otheŋa ni käla geni nee Babiløn tukge. Ni cïïmge rege na dhøgi nee këëtge ki paanøgø, ni makge jiy kaace ki tøŋ ni kälge geni. Gena jiy mo nyeŋge reegø ki thöör ka athëëre, ni ge ba duui ki ceŋge jaak.

Jeremaya 50:9 Iomraidhean Croise

2 Camiel 1:22

'Ba atheeny Jönathan ko opëël Cøøl bäŋ wø duui jaak ni bäŋ rem jiy mo ege køny piny, ni kär gutö ki rïŋ dëët jøøa teek.

Obeec Dudi 3:8

Ni ge bëët ceŋge do opëëlle, ni geno kwänynyö døc ki leny; no opëëlle moge ege twöö ŋäthge, ni rege ege jiiŋŋø kiper gïn mo leth mo tägö ki wäär.

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Aydheea 41:25

«'Ba aani, a na Wuuö Jwøk, a tïŋŋa maal ki dhaanhø ki jï løø wï-piny, 'ba eno ööi ki jï løø kur tuul-cäŋ ni cøøra nyeŋŋa, ni ööe ni nyør kwääri, kaaman wø ö dïcwäc dääe wø nyør odhöönh.

Jeremaya 15:14

Aani, u cïba ceŋ nyïïmän mou, ni tïnynyu geni paac mo kuyu, kiper wëër mara na liel na wääŋö kaamar maac käla bäätu.»

Jeremaya 25:14

Ni ö wïth juurre mo thööth ki nyeye mo døøŋŋø ni tïïcge jø Babiløn na laaŋe; ni coola pïïn gïïa reyø dëëtge na tïïcge, ni beege gïïa reyø na tïïcge ki ceŋge.»

Jeremaya 25:26

ki nyeye bëët mo wø bëëdö jï løø wï-piny, moa kwörge cärö ki moa kwörge bäyö, ni man nø mätha køør maya; ki tiet mïëri moa en bäät piny bëët na nut bäät piny bäre. Køøre kanyo nø mäth jøøgø bëët, nyeny Cëcak omäthi nø na aŋuudi.

Jeremaya 50:14

«U bëët ni wø thöödhö ka athëëre, dëëtu wär cïïmmu na dhøgi deŋ Babiløn bäre; ni thööyu jiye ka athëëre, ni bäŋe athëëre mo wiiyu, kiper jø Babiløn, gena bääyö dëër Wuuö Jwøk.

Jeremaya 50:21

«U cøø ni tugu jø wø bëëdö Merathayim, ni cou ni tugu jø wø bëëdö Peköt. Geni wär 'nägu ni raanynyu geni na bäre, ni tïïyu ka køør gïïa köömma uuni ki ge bëët.

Jeremaya 50:26

U ni wø bëëdö kwöra bäyö, u cøøa kuna tugu Babiløn; odïï moe wär jaammu, ni cooŋŋu jape na athwöe, ni raanynyu eni na bäre. Kär dee gïn mo weyu jïre.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 50:3

Kiper wï jur mo käla jï løø wï-piny öö ni tuk Babiløn, ni raany ŋöömö mare bäre, ni bäŋ ŋat mo bëëdö yie. Jiy ki lääy bëët obwøk ni aacge.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.