Jeremaya 50:6 - Wëël Jwøk

⁶ «Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Jeremaya 50:6 Iomraidhean Croise

Dut Pwøc 90:1

Dut Pwøc 91:1

Aydheea 1:3

Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 30:15

Kiper man beeye gïna caan Kwäärö Wuuö Jwøki, Jwø Icriel na en kur keere, ena köö, ni «Ki man løgu cwïnynyu ni jïtu ki jwöm, beeye jöör pïëm man piem uuni ki gø, ni ö bëëtö man bëëdu nou lïŋö nou ŋäätha aani, ni näk beeye teek maru; 'ba gïnögø käru jïëö.

Aydheea 32:2

ŋati man nø rege otïmö ni caala gëëŋi kiper jamø, ni caala kar gwøk røk kiper apwøyaweerø, ni caala pï jøøro mo ena dïtëën, ni caala tïm kïdi mo ena yi ŋöömö ma pwöla.

Aydheea 53:6

Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Jeremaya 10:21

Kiper dïbwöthe atïmö ni wïthge bäŋ acaara, ni Wuuö Jwøk ba pëënyge. Kiper manøgønø, bëëtö marge kär bëënynyö, ni ö jiyi moge bëët ni keethge.

Jeremaya 13:16

Jiemmu Wuuö Jwøk, Jwøk maru, kanyo poode ni muudhö poot käre kälö, kanyo poot tietu ni poot käru cwanynyø bäät kïte moa en yi muudhö; ni kanyo lääŋŋu tar, eni tar wiile wiilø na muudhö mo cøl, ni tïïc gø na muudhö mo cøl døc.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 23:1

Wuuö Jwøk aköö, no «Otïmö ni raac jï dïkwääye mo wø raany jiy 'moa ni keethge geni, ni beege jiy mo wø kwaaya kaamar pïïth dïëk 'moa.»

Jeremaya 3:23

Ka adïëri møn, wa cøøga rewa jaak ki mana tïïwa ki kwör lam bäät thuuri, ni 'näkwa rewa ki dïlweel bäät kïte. 'Ba ka adïëri møn, ï na Wuuö Jwøk, Jwøk marwa, beeye ïïni noo piem waani, wa jø Icriel.

Jeremaya 3:6

'Ba ki yïth nïra beet nyeya ma Jöcaya, Wuuö Jwøk acäänö ki aani, a na Jeremaya, ni kööe, ni «?Gïna tïïc Icrielli na caal dhaagø mo cwïnye ogaa wøk ajootï? Ena ci kwör lam moa en bäät thuuri moa bäyö ki tiet jenni moa no onigïït piny bëët, ni bëëde ni tïïya tïï käp kwöreke.

Jeremaya 33:12

«Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Jeremaya 50:19

'Ba aani, jø Icriel oduua yi ŋöömö marge, ni bëëtge ni ge cama cam mano ciek bäät Kïn Karmël ki bäät Kïn Baacan, ki caammi moo ciek yi ŋööm Ipariem ki Gelät, mïëya en bäät thuuri.

Edhikiel 13:10

« ‹Kiper geni wïth jiya wø maaŋge maaŋŋø ni ge köö, ni «Paac beer jaak,» këël na bëëde ni bëët paac raac. Kany wø näk da dhaanhø mo tïïö ki kiir mo ba teek, rwøthge rwødhø ki booya.

Edhikiel 34:14

Aani, ge caama caamø yi luum mo pulli, ni kar cam marge ena bäät kïte kwöra en maal mo Icriel. Geno bëëdö kaace ni geno but piny yi luum mo pulli ni ge cämö ki cam mo beer bäät kïte mo Icriel.

Edhikiel 34:15

Aani, pïïth dïëk 'moa caama caamø ni bwødha geni kar jwöm. Manøgø beeye dwøra, a na Kwäärö Wuuö Jwøk.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Mathiew 10:6

'Ba cou baŋ jø Icriel ni wø caal dïëk mo orwäänyö.

Mathiew 15:24

Ni dwøgi ya Jecu, na «A jääŋŋi kaper jø Icriel keerge ni wø caal dïëk mo orwäänyö.»

Mathiew 9:36

'Ba na neen lwaak, cwïnye apädhö ki gïrge, kiper ge wïïrö jaak, ni bäŋ ŋat køny geni, ni ge bëëdö kaamar dïëk mo bäŋ dïkwääy jïge.

1 Piter 2:25

Kiper uuna kwøŋ bëëdö kaamar rööm mo orwäänyö, 'ba kawaane uuna duu baŋ Dïkwääy na näk Dïkuri mar jwïëyu.