Jeremaya 50:46 - Wëël Jwøk

⁴⁶ Kanyo kwöŋ jiyi, ni ‹Babiløn amak ki tøŋ,› piny puta tïmö ni kwanynyi, no oduuru mano gøøcge puta wïnyö yïth mïëc wïth juurre.»

Jeremaya 50:46 Iomraidhean Croise

Aydheea 15:5

'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Jeremaya 46:12

Wïth juurre lään wïc maru owïnyge, ni ö pinynyi bäre ni gääbe ko oduuru maru. Kiper oteen leny, oteen leny maya odhïëre, ni päthge bëët karge riet.»

Jeremaya 49:19

Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 49:21

Kanyo päth Ëdömmi, piny puta tïmö ni kwanynyi ki dööt jiye. Oduuru mano gøøcge puta wïnyö bäät Naama Kwaar.

Jeremaya 51:29

Piny otïmö ni kwanynyi ni jäŋŋi, kiper Wuuö Jwøk, gïna näk ee caarø ni tïïe tïïö dëër Babiløn bëëdö kare, ni beeye ki man raany ŋööm Babiløn, nee bäŋe jiy mo bëëdö yie.

Jeremaya 51:54

Oduuru owïnyi ki Babiløn, yi ŋööm Kaldia, ni beeye oduuc ränynyö mo dwøŋ døc.

Edhikiel 26:18

'Ba ennø, jø wø bëëdö bäät naama dwøŋ, dëëtge otïmö ni kwanynyi ki dïcäŋ pädhö marï, ni ö jø wø bëëdö mïëri moa en deŋ naama dwøŋ ni thäŋ yïthge ki ränynyö marï.›

Edhikiel 27:28

Ŋööm ageel naama dwøŋ dëëre jäŋe jäŋö ki dööt jiy moï mo wø raŋ bëët naam kanyo jwöŋge.

Edhikiel 31:16

'Ba wïth juurre, dëëtge awëëga tïmö ni kwanynyi ki lwär ki dwør pädhö mare, kanya wëëga gø ciin kar bëët jwïëc jøøa no othøw baŋ jiy moa no onø ci yïth bwör. Køøre jenni bëët mo Ëden moa näk tietge da pïï, ki jer lur Libaanø moa perge leth na beyø, gena jïtö ki cøm cwïny tiet ŋøøm.

Edhikiel 32:10

Jiy mo thööth geno wëëga bwøk ki gïno tägi dëërï, ni ö nyeye moge ni lwäcge kiper gïïo ö bäätï kanyo tuuŋŋa opëëllö mara nyïmge. 'Ba yi cäŋ mano pädhï yie, ŋati man nø dëëre otïmö ni kwanynyi, ni ö ŋati man nø ni kïmme kiper jwïëye.›