Jeremaya 50:44 - Wëël Jwøk

⁴⁴ «Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 50:44 Iomraidhean Croise

Bwøth Wøk 15:11

«Wui Wuuö Jwøk, ?aŋa ni pääri ki ïïni dï juu bëët? ?Aŋa ni pääri ki ïïni na dwøŋ, ni bëëtö mare ena kur keere? ?Aŋø, paa ï na Jwøk keerï na doo lwäärö kiper ajiem marï ki gïï wø rëëm ec ni wø tïïyï?

Aydheea 40:18

?A ennø, Jwøk pääru gø ki ŋa? ?A kït gïnaŋø nou pääru eni ki gø?

Aydheea 40:25

Wuuö Jwøk na en kur keere aköö, ni «?Aano päänynyu gø ki ŋa? ?Aŋa ni röömwa ki gø?»

Aydheea 41:25

«'Ba aani, a na Wuuö Jwøk, a tïŋŋa maal ki dhaanhø ki jï løø wï-piny, 'ba eno ööi ki jï løø kur tuul-cäŋ ni cøøra nyeŋŋa, ni ööe ni nyør kwääri, kaaman wø ö dïcwäc dääe wø nyør odhöönh.

Aydheea 43:10

'Ba Wuuö Jwøk aköö, ni «Uuni, uuna jiya moa ŋäc tier gïnögø ni wø caan gø. Ni bee u na jiya moa näk yaa nø jier, ki man ŋäyu aani ni ŋääthu aani, ki man kwanynyu tiere ni bee aani na eni. Bäŋ Jwøk mør mo onut dïkwøŋ, ni bäŋ gø këët mo öö køøra.

Aydheea 46:11

'Ba aani, da ŋat mo cwøla cwølø ki jï løø kur tuul-cäŋ, mo käla paac mør mo bäär, ni ööe kaamar wenyø man wø cämö ni cwëëdhö, nee gïno manynya nee tïïe. Ka adïëri møn, luubö manøgø anø caana, ni ka adïëri møn, puta ka wëëk thur kare. Luubö manøgø ya nø cooŋ; ka adïëri møn, tïïa tïïö.

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Aydheea 48:14

«Uuni bëët, cooŋŋu rou ni cegu ïthu. ?A kït gïn wø lam mane na caan tiet luup moi ii? Eni na jier Wuuö Jwøki, mana many Wuuö Jwøki tïïe tïïö dëër Babiløn, ni ö teek bade ni bëëde ni ena dëëtge, ge na jø Kaldia, ni jääla ge.

Jeremaya 12:5

'Ba aløk Wuuö Jwøki jïra, ni «?Ni näk mo ïïno läätö ki jø ŋwïëy, ni öölï køørge, ïïno läätï nidïï ki jø wø rïïŋi ki bäät okwëënyi? ?A ni näk mo bëëtö marï otïmö ni teek yi paac mo nuta bëët mëër yie, ïïno bëëdï nidïï yi lura cøl bäät Naam Jördan?

Jeremaya 25:38

Wuuö Jwøk otïŋŋi ki kar bëëtö mare kaamar ŋuu mo ö wøk ki ya abuŋŋö, ni ö mïëri moge ni tïmge ni cwïny jiy böö ki gïno tägi dëëtge, ki køør jøw caan geni ko opëëllö, ki køør wëër mar Wuuö Jwøk noo liel kaamar maac.

Jeremaya 30:21

Dïbwödhi marge otïmö na ŋat mo ena rege, ni beeye kwäärö mo käla dëëtge. eno nyïïa buuta, ni ö baŋa. ?Kiper aŋa ni løny jïre keere ki man ö baŋa, a na Wuuö Jwøk?

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Dhekaraya 11:3

Cegu ïthu ko oduuru mar dïkwääc dïëk, kiper kar kwaath mana no oløth ni pulli aränynyö! Cegu ïthu ki märö mar ŋuuwe, kiper lur Jördan mana no odhïŋ aränynyö.

Kwään Jiy 16:5

Køøre ena cäänö ki Köra ki jøøa cäädhe ki geni, ni kööe, ni «Diøø ka amöölla Wuuö Jwøk ŋata näk ee jierø na mare na näk ee cïp kur keere onyoodhe, ni tïïc gø nee nyänh buute. Eni ŋato jiere otïïe nee nyänh buute.