Jeremaya 50:4 - Wëël Jwøk

⁴ «'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Jeremaya 50:4 Iomraidhean Croise

2 Luup Nyeye 7:14

jiya mo wø cwøl ri nyeŋŋa ni näk mo dëëtge dwøkge piny ni mwöl, ni lämge, ni manyge aani, ni wecge jïëdhi moge na reyø, aani döötge wïnynya wïnynyö ki maal, ni wëënna raay moge, ni dwøga paac marge kare.

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 55:6

Manynyu Wuuö Jwøk kany poode ni nut en; cwøllu eni kany poode ni kare cään en.

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Jeremaya 31:31

Wuuö Jwøk aköö, ni «Ka adïëri møn, da nïne mo öö, maa tudö ki luubö mo nyään ki jø Icriel ki jø Juuda,

Jeremaya 33:15

« ‹Noo tïme na yïth nïröke yi kar kaace, ŋat mo mare beeye adïëri owëëga twöö na lwiidhø, na ŋat mo käla ri dhi øt Deebit, ni ö ŋatøgø ni bëëde ni luup ŋøle na karge ni tïïya adïëri yi paac.

Jeremaya 41:6

Ni ö Icmielli o Nethaniya ni tïŋŋe Micpa, ni cøøa kuna røømme ki jøøgø, ni cäädhi ni jwöŋö. 'Ba kanya røømme ki geni, ena köö jïge, ni «Ööu ni cou baŋ Gedaliya wär Akikam.»

Edhikiel 16:61

Køøre nø, wïïï oparï ki uutjïëthe moï ni lää wïïï kanyo jootï nyïïmeru, ni beege mana riek ki mana thiinh. Ge cïba cïbö jïrï kaamar nyïïï, 'ba paa ki køør luumma tuuda ki ïïni.

Edhikiel 39:25

«Kiper manøgønø, man beeye luumma caan Kwäärö Wuuö Jwøki, ena köö, ni ‹Aani, nyïïkwaac Jeekap na mak ki tøŋ oduua, ni cïba cwïnya piny ki geni, ge na jø Icriel bëët, ni mara këëyö kiper nyeŋŋa na en kur keere.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Jeemeth 4:9

Beerra man kïmmu, ni päth cwïnynyu, ni jwöŋu. Døøyu ŋeethø maru pänh cwïny, ni døøyu met ec maru kïmmö.