Jeremaya 50:35 - Wëël Jwøk

³⁵ «Ajäl thøw tøŋ oen bäät jø Babiløn, jø wø bëëdö dï Kaldia bäre, ki jøøa kwörge døøŋŋø ki jøøa nyeŋge reegø moe bëët!

Jeremaya 50:35 Iomraidhean Croise

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Aydheea 41:25

«'Ba aani, a na Wuuö Jwøk, a tïŋŋa maal ki dhaanhø ki jï løø wï-piny, 'ba eno ööi ki jï løø kur tuul-cäŋ ni cøøra nyeŋŋa, ni ööe ni nyør kwääri, kaaman wø ö dïcwäc dääe wø nyør odhöönh.

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Aydheea 45:1

Man beeye dwøl mana caan Wuuö Jwøki jï nyeya ma Kiröc, na näk ee røønyø na ŋat tïïc mare, na näk ee maaø ki cer cwïï gø, nee wïth juurre dïïme ki ree, nee teek mar nyeye lwøre, nee dhøk kiiri jap jïre ni ba cïëge këët; ena köö,

Aydheea 66:16

Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Jeremaya 10:7

?Wui, ï na nyeny wïth juurre bëët, aŋa ni ba lwäyi ki ïïni? Ka adïëri møn, ïïno rømø ki man lwäär ïïni! Kiper ki røk jiy bëët moa wïthge leer dï wïth juurre, këël ki moa en dï mïëri moge bëët moa døøŋŋø, bäŋ dhaanhø aciel mo caal ïïni.

Jeremaya 47:6

«Uuno jwöŋi ni kööu, ni ‹?Wui, opëël Wuuö Jwøk, a këël kany mo nyïëdi nø noo jwömï riï ki 'näk? Døø yi køp marï! Ni jwömï riï ki 'näk ni bëëdï niï lïŋö.›

Jeremaya 50:27

Jø leny moe bëët wär 'nägu; geni wär 'nägu kiree! Otïmö ni raac jïge, kiper cäŋ marge aöö, ni beeye cäŋ ajäla mana wäŋŋi kiperge.»

Jeremaya 50:30

Kiper manøgønø, wøpe moe opäänhnhi dï uutjïëthe moe, ni dït wïth jø lenynyi moe bëët dïcäŋöce.

Jeremaya 51:39

'Ba noo daatge cwïnyge kiper cam, ge nyöömma nyöömmö ki køøŋø, ni maadha geni ni meerge ni mïn yïthge, ni butge ki niine mo bäŋ cuŋŋe, ni geni ba päy këët.

Jeremaya 51:47

«'Ba ka adïëri møn, da nïne mo öö, mo juu moa näk otieŋø Babiløn raanynya raanynyø, ni ö paaci bäre ni lää wïïe, ni bëët jiyi moo 'näk no opäänhnhö dïëre.

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Edhikiel 14:2

Kanyøgø dwør Wuuö Jwøk aput ö bääta ni kööe,

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,

Odheea 11:6

'Ba leny nakwaar yïth päänye moge, ni ö dïdëëdi mo odhuule mo dhøk kiir marge ni nigenyaŋŋa piny, ni tïm aŋuun jammi bëët moa caarge ni bäŋgø.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Dhekaraya 11:17

«Otïmö ni leth jï dïkwääy dïëk mo bëëdö ni jääk, ni dïëk ee wiiø! Eni cer cwïïe ki waŋe mana en bäät cwïïe oŋøl ko opëëllö! Cere mana en bäät cwïïe obäp, ni ö waŋe mana en bäät cwïïe ni tïme ni ba rääŋö!»