Jeremaya 50:33 - Wëël Jwøk

³³ Man beeye luumma caan Wuuö Jwøki, eni na wïth jammi bëët, ena köö, «Jø Icriel ki jø Juuda, gena bëëdö ni geno caarø, ni ge bëëdö ni geno koor jøøa mak geni ki tøŋ, ni kweer jøøgø ki man wecge geni nee aacge.

Jeremaya 50:33 Iomraidhean Croise

Bwøth Wøk 5:2

'Ba Peerø aköö, na «?Aŋø, Wuuö Jwøk aŋa ni wïnynya dwøre nee jø Icriel aacge en? Aani Wuuö Jwøk kuua, këël aani thuwø jø Icriel ba wëëga wääth nee aacge.»

Bwøth Wøk 8:2

'Ba ni näk mo ïïno kweer ki man weyï geni nee aacge, ka adïëri møn, aani paarï bäre raanynya raanynyø ko ogwäle.

Aydheea 14:17

na tïïc bäät piny ni caala dï paap, na raany päänye mo gø, na wara bëëdö ni ba jïëy ki man wec jiy moa näk ee maa ki tøŋ ki man døøge poge?›

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 51:23

'Ba aani, athöönh wëër manøgø lwøra lwørø baŋu ni cïba gø ceŋ jø wø tïïc bëëtö maru ni teek, ni beege jø wø köö ki uuni, ni ‹Butu piny, nee wa cääthwa ki bäätu.› Ni tïïyu dïŋäthu kaamar piny, nee tïme kaamar øtjöö nee cäädhö ki bäätu.»

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Jeremaya 30:20

Nyïïkwaac Jeekap obëëdö ki bëëtö mo caala mana dïkwøŋ, ni tïmge na lwaak mo tietge yaa këël piny nyïma; ni jääla jø wø caan geni bëët.

Jeremaya 50:7

Geni, gena thöör nyïïmänni moge bëët moa joot geni, ni kö nyïïmänni, ni ‹Wa kär bääyö kanya raanywa geni, kiper gena bääyö dëër Wuuö Jwøk ni wø joot adïëri baŋe, eni na Wuuö Jwøk na ŋääth kwäcge.›