Jeremaya 50:30 - Wëël Jwøk

³⁰ Kiper manøgønø, wøpe moe opäänhnhi dï uutjïëthe moe, ni dït wïth jø lenynyi moe bëët dïcäŋöce.

Jeremaya 50:30 Iomraidhean Croise

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 48:15

'Ba mana caan Nyeya na näk nyeŋŋe beeye Wuuö Jwøk, eni na wïth jammi bëët, beeye en, ena köö, ni «Möap oränynyi; kiper jø aranya oci yïth päänye moe ni raanyge geni, ni ö wøpe moa teek ki leny ni nääi.

Jeremaya 49:26

Kiper manøgønø, wøpe moe opäänhnhi dï uutjïëthe moe, ni dït wïth jø lenynyi moe bëët dïcäŋöce;

Jeremaya 50:36

Ajäl thøw tøŋ oen bäät ajuuk mo wø køp luup tööt, ojoot møn ni gena bøøre! Ajäl thøw tøŋ oen bäät jø leny moe moa teek, geni, cwïnyge obwøk!

Jeremaya 9:21

Kiper thøø kare anø cäännö, ni nø pïïe dhøk awëërnyeŋŋi moø, ni døny kwöra näk ogeerø ni teek, ni thöör obwöre dï paac, ni thöör cwøw moa teek kwör acooŋe.

Mana Nyooth 19:18

kiper nee rïŋ nyeye ki rïŋ kwääri, ki rïŋ jøøa kwörge døøŋŋø, ki rïŋ okwëënyi ki mo jøøa en bäätge, ki rïŋ jiy bëët, jøøa bëëdö ki wïthge ki laaŋe bëët, këël moa therø ki moa døøŋŋø, nee cammu.»

Mana Nyooth 6:15

Kanyøgø nyec piny, ki jøøa kwörge døøŋŋø, ki kwääc jø leny, ki jøøa näk okwär, ki jøøa teek, ki jiy bëët, nee laŋŋø wala ŋat mo bëëdö ka wïïe, rege akange yïth buri ki dï ogeeme mo kïte,