Jeremaya 50:20 - Wëël Jwøk

²⁰ 'Ba noo tïme ni yïth nïröke, yi kar kaace, gïïa bac jø Icrielli ki raay mo jø Juuda omanynyi, 'ba bäŋgø mo joot; kiper a na Wuuö Jwøk, geni noo wiia na moo dööŋ wëënna wëënnö.

Jeremaya 50:20 Iomraidhean Croise

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 10:21

Jiy moo dööŋ ni kwøw oduui møn, ni beege moo dööŋ ri dhi øt Jeekap, ni ge duua baŋ Jwøa teek.

Aydheea 33:24

'Ba kar kaaca, bäŋ ŋat mo ena Dhayan mo köö, ni «Aani dëëra da täw.» 'Ba jiy mo wø bëëdö yie raay moge di wëënnö.

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 33:15

« ‹Noo tïme na yïth nïröke yi kar kaace, ŋat mo mare beeye adïëri owëëga twöö na lwiidhø, na ŋat mo käla ri dhi øt Deebit, ni ö ŋatøgø ni bëëde ni luup ŋøle na karge ni tïïya adïëri yi paac.

Jeremaya 33:8

Ni pïnya raay moge wøk, ni beege raay bëët moa bacge dëëra; ni wëënna raay moge bëët, ni beege raay moa bacge dëëra, ka ageem mana tïïcge dëëra.

Jeremaya 44:14

'Ba ki røk jø Juuda moa dööŋ na aay nee bëëtge Ijep, bäŋgø mo bøth, ni bäŋgø mo dööŋ ni kwøw mo døøa yi ŋööm Juuda mana manyge ki cwïnyge ni ge døøa yie nee bëëtge yie. Geni, bäŋgø mo døøk, 'ba beege mo nøk keerge noo døøk.»

Jeremaya 50:4

«'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Wëël Kïmmö 4:22

Wui jø Dhayan, ajäl raay mou athum nø; Wuuö Jwøk u ba wëëk bëëtö këët ni uuno maa ki tøŋ. 'Ba u na jø Ëdöm, Wuuö Jwøk u jääle jäälö kiper raay mou, ni wëëk japa reyø na tïïyu nëënne.

Edhikiel 18:22

Raay bëët moa tïïe, bäŋgø mo wïc di parø ki gø mo dwøga wïïe. Eni bëëdö ni kwøw kiper japa beyø na tïïe.»

Mikiya 7:19

Ïïni mëër marï wø nyoothï nyoodhø jïwa, ni nyøønï raay mowa piny, ni ö gïïa bacwa bëët ni leeŋï geni yi kut yi naama dwøŋ.

Jepaniya 3:12

'Ba aano kïth yi Jerucalem ki jiy mo mwöl mo dëëtge ege dwøk piny, ni putge bëëtö ni geno göök ri nyeŋŋa, a na Wuuö Jwøk.

Dhekaraya 3:9

Raŋŋu kïdi mø mana näk yaa cïp nyïm Jøcua! Da nyeŋ abïriiø mo raŋ mo ena dëër kïdi manøgø na aciel enø. 'Ba aani, jammi møøk ogööra bääte; ni ööa ni paanya raay bäät jiy moi ni en yi ŋöömö man en ki dïcäŋ aciel.› Manøgø beeye luumma caan Wuuö Jwøki, eni na wïth jammi bëët.»

Kwään Jiy 23:21

«Bäŋ gïï mo reyø mo ee joodø bäät nyïïkwaac Jeekap, ni bäŋ rääö mo ee joodø bäät jø Icriel. Wuuö Jwøk na näk Jwøge ena buutge, ni ge wø kwöŋŋö ni ge pwøya eni na näk nyenyge.

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Wëëlö Mana Göör Pøølli Baŋ Jø Röm 11:6

'Ba ni näk beeye met ec, paa gïn mo ogöök ri tïïe këët. Onää ennø nø, met ec ba doo naa met ec këët.

Wëëlö Mana Göör Pøølli Baŋ Jø Röm 5:16

Ni muuy mana cïp ba caal gïna duu luumma baac dhaanhe acielli. Kiper mana ŋøl piny na öö ki køør luubö mana näk aciel na dhal, akännö ka ajäl thøø. 'Ba muuy mana cïp na öö ki køør luup moa thööth na dhal, akännö ki jöö man ŋun jiy ki gø.

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,