Jeremaya 50:2 - Wëël Jwøk

² ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 50:2 Iomraidhean Croise

Aydheea 12:4

'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 13:2

«Tïŋŋu maal ki ŋïï mar leny bäät kïnna näk bäŋ gïrpiny bääte, ni tïŋu döötu maal nee wïny jø lenynyi, ni tuuŋŋu ceŋŋu na nyuudhi nee jø leny dønyge ki dhøk uudi mo jøøa kwörge døøŋŋø.

Aydheea 21:9

'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 37:19

ni nø leeŋge juu mo jøøgø yi maac, kiper ge paa juu cøøn, 'ba gena gïï mo tïïc jiyi ka ceŋge, ni beege jen ki kïte jaak. 'Ba gena put nyeye mo Aciria raanynyø møn.

Aydheea 39:1

'Ba kar kaaca nyeny Babiløn ma Merödak-Baladan o Baladan ajääk baŋ nyeya ma Edhekaya ki weeli ki muuy, kiper ee wïnynyö ni nyeya ma Edhekaya otuu ni nø jöön dëëre.

Aydheea 46:1

Jwøa cwøl ni Bël cøŋŋe akëël piny, ni ö jwøa cwøl ni Nebø ni dwøk kööre piny. Kïtge moa no otieŋø akïth bäät dhäk ki lääc paac møøk, ni tïmge na tëër mo peek døc, ni duunne ki öölö mo dwøŋ bäätge.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 48:6

Ennø, gïïögø anø wïnynyu. Neennu ge bëët. ?Aŋø, poot ba jïëyu ni bee adïëri møn? 'Ba da gïï mo nyärö mo caana caanø jïïu ki mano täge ennø, ni beege gïïa näk tietge okanø na näk kuyu.

Jeremaya 10:11

'Ba uuni, u na jø Icriel, caannu jïge na ennø nø, ni «Juu moa näk maal ki piny ba cwääya geni, ge ränynyö bäät piny bäre.»

Jeremaya 10:15

Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 31:10

«U na wïth juurre, wïnynyu luum Wuuö Jwøk, ni caannu gø jï mïëri moa kwörge bäyö, ni kööu, ni ‹Eni na keeth jø Icriel, ge cäŋe ka cooŋŋø, ni gwøk geni kaawat man wø ö dïkwääyi wø gwøk pïïth dïëk moe.›

Jeremaya 4:16

Ni kö Wuuö Jwøki, ni «Ennø, caannu jï wïth juurre, ni køpu gø dï Jerucalem, ni jøw mo tiega paac oööi ki paac mo kare bäär, ni kwöŋge bäät päänye mo Juuda.

Jeremaya 4:6

Tïŋu ŋïï maal mo nyootha ciin Dhayan, ni manynyu kar gwøk røk, kär nou dwiil. Kiper a kännö ki gïn mo leth ki wï-piny, ni beeye ränynyö mo päl.

Jeremaya 46:14

«Gøøu piny Ijep, ni gøøu gø piny Migdöl, ki Mempic ki Thapinac, ni kööu, ni ‹Maaŋŋu kwöru, ni jegu rou, kiper jø mïëri moa karge cään ki uuni bëët athöör opëëllö.›

Jeremaya 50:46

Kanyo kwöŋ jiyi, ni ‹Babiløn amak ki tøŋ,› piny puta tïmö ni kwanynyi, no oduuru mano gøøcge puta wïnyö yïth mïëc wïth juurre.»

Jeremaya 51:12

ŋïï wär tïŋu maal nou tugu kiir Babiløn; koor wär tïïyu ni teek døc; ni cïïmmu jiy mo rääŋö, ni ö jiyi møøk ni møørge piny. Kiper Wuuö Jwøk acaara mare wëëge thur kare, ni beeye gïna näk ee nø ŋøl ni tïïe tïïö dëër Babiløn.

Jeremaya 51:27

«Ŋïï mar leny wär tïŋu maal dï paac, ni koothu tuuŋ nee wïny wïth juurre; wïth juurre wär jiiŋŋu kiper leny nee Babiløn tukge, ni cwøllu akwöm mo nyeye ni beege Ararat ki Minni ka Ackena, nee këëtge ki Babiløn. Uuno röönyö ki kwääc leny mo këëdi ki Babiløn, ni kännu ko okwëënyi mo leny mo thööth mo caala lwaa bäänyö.

Jeremaya 51:31

ŋat wø rïïŋi nee gïna tägö købe, oreŋi ni caan gø jï ŋat ŋwïëy maya, ni ö nyïïatwielli ni reeŋe ni caan gø jï nyïïatwiel maya, nee lunyge caan jï nyeny Babiløn, ni ‹Pääny marï amak bäre.

Jeremaya 51:44

Ni jääla jwøge ma Bël Babiløn, ni tïïa eni nee gïïa løønye ŋöö wøk. Ni tïme ni bäŋ wïth juurre mo cøøa baŋe këët. Këëlla kiir Babiløn na teek døc opädhi.

Jeremaya 51:47

«'Ba ka adïëri møn, da nïne mo öö, mo juu moa näk otieŋø Babiløn raanynya raanynyø, ni ö paaci bäre ni lää wïïe, ni bëët jiyi moo 'näk no opäänhnhö dïëre.

Jeremaya 51:52

«'Ba ka adïëri møn, da nïne mo öö, mo juu moa näk otieŋø Babiløn raanynya raanynyø, ni ö jiyi bëët moa näk dëëtge da ŋwiit tøŋ yi ŋöömö bäre ni bëëtge ni ge cooyø.

Jeremaya 51:8

Ki nyi kany mo thiinh, Babiløn opädhi ni ränynye; uuni, uuno jwöŋu kipere! Ni kännu ki jaath kiper ŋwiili moe; kanymør ŋwiili moe caŋŋø.

Jeremaya 52:31

'Ba kanya tïm cwiiri na pïëradäk ka abïriiø moa mak Jöakin nyeny Juuda ki tøŋ yie na kïthi Babiløn, kanya tïm nïr dwää apaar kurriiø ni pïërariiø kurbïïc, Ëwil-Merödak nyeny Babiløn mëër mare anyoodhe jï Jöakin nyeny Juuda ni pät gø øt twöc. 'Ba gïnögø atïïe yi cwiina tïme yie ni ena nyeya.

Jeremaya 6:18

Kiper manøgønø, Wuuö Jwøk aköö, ni «U na wïth juurre, cegu ïthu, ni ŋäyu gïno tägi dëët jiya.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Daniel 3:14

Ni kööe jïge, ni «?Ï na Cidarak, ki ï na Micak, ki ï na Abedenagø, beeye adïëri døøc nou bëëdö ni juu 'moa ba tïnynyu, ni kït gïna noo tïïö ki warkey na näk yaa cwöth piny ba wøørru?

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.