Jeremaya 50:19 - Wëël Jwøk

¹⁹ 'Ba aani, jø Icriel oduua yi ŋöömö marge, ni bëëtge ni ge cama cam mano ciek bäät Kïn Karmël ki bäät Kïn Baacan, ki caammi moo ciek yi ŋööm Ipariem ki Gelät, mïëya en bäät thuuri.

Jeremaya 50:19 Iomraidhean Croise

Edhera 2:1

'Ba moi beege jø Juuda moa duuö ki Babiløn, na duu Jerucalem ki mïëc Juuda møga, ni ŋati man nø duua yi pääny poge. Ni jøøgø beege thäk jiy moa no omaaø ki tøŋ na bëëdö na wëëlle Babiløn, ni beege jøøa mak Nabukedenecörri nyeny Babiløn ni kïth geni Babiløn.

Obeec Dudi 6:5

Wec aani ki raŋŋø ki nyeŋŋï nø, kiper wïïa akierge. Jïër moï caala pïïth atëëe mo löönynya piny ki bäät Kïn Gelät.

Aydheea 33:9

Ŋöömö jwöŋö ni kïmme; ni ö lur Libaanø ni lää wïïe ni tale; goor Carön tïmö kaamar paap ma tëën; ni ö jenni mo ŋööm Baacan ki mo Kïn Karmël ni øc bøøge moge piny.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 30:7

Wui! Dïcäŋo täk gïïögø yie otïmö na cäŋ mo raac døc, mo bäŋ cäŋ mo pääri ki gø; ni beeye cäŋo pïïc gïï mo lethi yie dëët nyïïkwaac Jeekap, 'ba geno piem yïth gïïögø.

Jeremaya 31:14

Aani, dïlämme caama caamø døc ki cam mo päl, ni ö jiya ni jäŋge ki gïïo beyø noo cïba jïge.» Luummögø caana Wuuö Jwøki.

Jeremaya 31:25

Ni tïïa dëët jøøa näk oööl nee nigethïk, ni caama jøøa näk obup ni jäŋge.»

Jeremaya 31:6

Kiper da nïne mo öö, mo jø wø kurö bäät kït Ipariem, ge cwötö ni köge, ni ‹Ööø maal, ni cøø maal Dhayan baŋ Wuuö Jwøk, Jwøk marø.› »

Jeremaya 32:37

Ka adïëri møn, aani, jiya lema lemø yïth kwöra riema geni yïthge bëët kanya räny cwïnya ni wëëra ki geni ki wëër mo liel kaamar maac; ni duua geni kany en, ni bëëtge ni geno nikwak.

Jeremaya 46:27

«Wui, jø Icriel, u na nyïïkwaac dhaanhnha ma Jeekap, käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Edhikiel 11:17

«Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Ge lïma wøk dï wïth juurre, ni käla geni wøk ki yïth mïëri moa näk geno keethø yïthge, ni cäŋa ŋööm Icriel cïpö jïge.

Edhikiel 36:24

« ‹Kiper aani, u käla wøk dï wïth juurre, ni lïma uuni wøk ki yïth mïëri bëët, ni cäŋa uuni duu yi ŋöömö maru.

Edhikiel 36:33

«'Ba man beeye luumma cäŋ Kwäärö Wuuö Jwøki caannø, ena köö, ni ‹Dïcäŋo penya uuni yïth raay mou bëët, u cäŋa ka wëëk bëëtö yïth päänye mou, ni ö kwöra no oränynyö ni cäŋi geerrø.

Edhikiel 38:8

'Ba noo tïme na køør nïne mo thööth, ïïno cwøl baŋ leny. 'Ba noo tïme na yïth cwiiri moo en nyïm, paana näk odøø kare køør leny otugï, ni beege jøøa lem ki røk wïth juurre na duu bäät kïte mo Icriel na bëëdö no oränynyö dïkwøŋ, ni geni bëët ge käl wøk ka røk wïth juurre; 'ba ennø, ge bëët ge bëëdö ni bäŋ gïn lääŋge.

Edhikiel 47:18

«'Ba waŋ keew mar ŋöömö manøgø ki jï løø kur tuul-cäŋ cøra yïthakic Awran ki Damacka, ni put døø ki yi naam Jördan yïthakic Gelät ki ŋööm Icriel, këël mano këët bäät Naam Acäbö, ni pïïe Tamar. Manøgø beeye keew mare ki jï løø kur tuul-cäŋ.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Dhekaraya 10:10

Aani, ge duua duuö ki yi ŋööm Ijep, ni gwäära geni ki ya Aciria. Ni ööa ni dääa ge yi ŋööm Gelät ki Libaanø, ni tïme ni bäŋ kany mo di joodø mo ge røma yie.

Kwään Jiy 32:1

'Ba kar kaace nyïïkwaac Ruben ki nyïïkwaac Gaat jïge da dhäk mo thööth døc. Køøre kanya ö nyïïkwaac Ruben ki nyïïkwaac Gaat na jootge ŋööm Jadher ki ŋööm Gelät na kany mo orømø kiper dhäk,

Jøcua 17:15

'Ba Jøcua aköö jïge, «Ni näk mo uuna jiy mo kwäännu thööth nø, cou ni ŋøtu lul mana en bäät kïdi maal yi ŋööm jø Përec ki jø Rapayim nee tïme na maru, kiper uuna köö ni mïëya en bäät kïte na cïp jï jø tuuŋ Ipariem atïmö ni diiny ni ba rømi kiperu.»