Jeremaya 50:15 - Wëël Jwøk

¹⁵ Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Jeremaya 50:15 Iomraidhean Croise

1 Luup Nyeye 29:24

Køøre bwöthe bëët, ki jiy moa teek, këël wäät nyeya ma Deebit bëët, gena put jïëy ki man bëënge nyeya ma Cølöman.

2 Luup Nyeye 30:8

'Ba ennø, kär wïthu døøyu mo teek kaawat mana tïïc kwäyu, 'ba beerra man wïnynyu luum Wuuö Jwøk, ni dønynyu kar bëëtö mare na en kur keere, na näk ee cïp kur keere na bäre bäre, ni tïnynyu Wuuö Jwøk, Jwøk maru, nee wëër mare ni wø liel kaamar maac nee paanye bäätu.

Aydheea 59:17

Bëënynyö arøø dëëre kaamar kwöt leny, ni ö pïëm man wø piem jiy ki gø ni kïth gø wïïe kaamar cöör; cool kwöri arøø dëëre kaamar abïï, ni rïëp këëyö dëëre kaamar aleeŋŋa.

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Jeremaya 46:10

Kiper dïcäŋöce beeye cäŋ mar Kwäärö Wuuö Jwøk, eni na wïth jammi bëët, ni beeye cäŋ mano cool kwöri yie dëët nyïïmän moe. Opëëllö ocämö rege gøøc mano jääŋe, ni mädhe ki rem moge këël mano røme. Kiper Kwäärö Wuuö Jwøk, eni na wïth jammi bëët, ge wëëge ŋaal kaamar olämme yi paano enge yie jï løø wï-piny bäät Naam Upareeti.

Jeremaya 50:14

«U bëët ni wø thöödhö ka athëëre, dëëtu wär cïïmmu na dhøgi deŋ Babiløn bäre; ni thööyu jiye ka athëëre, ni bäŋe athëëre mo wiiyu, kiper jø Babiløn, gena bääyö dëër Wuuö Jwøk.

Jeremaya 50:25

Wuuö Jwøk øt tøøk leny mare ajabe, ni käl tøøŋi wøk ni beeye wëër mare, kiper Wuuö Jwøk, eni na wïth jammi bëët, da gïn mo tïïe tïïö dëët jø Babiløn.

Jeremaya 50:44

«Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Jeremaya 51:14

Wuuö Jwøk, eni na wïth jammi bëët, ena nø kööŋ ŋëëte keere, ni ‹Ka adïëri møn, aani, jø leny mo thööth mo caala lwaa bäänyö ojääŋŋa bäätï, ni kwöŋge bäätï kanyo böötge ïïni.› »

Jeremaya 51:24

«'Ba a na Wuuö Jwøk, jø Babiløn, ni beege jø Kaldia, gïïa reyø na tïïcge dëëtu, u na jø Dhayan, 'dwøga dëëtge ni nëënö jïïu ki nyeŋŋu.

Jeremaya 51:25

«Wui, Babiløn, ï na teek kaamar kïdi, na raany piny bäre; ka adïëri møn, a na Wuuö Jwøk, mara caana caanø dëërï, ni bëët cera ni ena dëërï, ni ŋïëla ï piny ki bäät kïdi, ni wëëga ï waaŋ ni tïmï na bur.

Jeremaya 51:30

Jø leny moa teek mo Babiløn leny owecge, ni bëëtge ni ge kaanna rege kwör gwøk røk moa teek; teek marge othum, ni tïmge kaamar mään; kwör bëëte moge onyep ki maac, ni ö dïdëëdi mo dhøk kiir mare ni tøyi.

Jeremaya 51:36

Kiper manøgønø, luumma caan Wuuö Jwøki beeye en, ena köö, ni «Ka adïëri møn, aani, u cwaa cwaaø, ni coola kwör maru na kare. Aani, naam mar Babiløn otaala, ni bäŋe kany jïtge yie ki pïï.

Jeremaya 51:44

Ni jääla jwøge ma Bël Babiløn, ni tïïa eni nee gïïa løønye ŋöö wøk. Ni tïme ni bäŋ wïth juurre mo cøøa baŋe këët. Këëlla kiir Babiløn na teek døc opädhi.

Jeremaya 51:58

Luumma caan Wuuö Jwøki, eni na wïth jammi bëët, beeye en, ena köö, ni «Kiir Babiløn na näk odhïŋ onyaa piny na bäre, ni ö odhuule mo dhøk kiirri moe na bäyö ni nyebi ki maac. Ni ö öölö mar jiy ni cami ya paapi, ni ö öölö mar wïth juurre ni pwøyi ya maaci.»

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Jeremaya 51:64

ni kööï, ni ‹Babiløn odøny piny kaamar wëëlö manøgø na nilïŋ enø, ni ö eni ni ba duu maal këët, ki køør gïïo leth moo kïtha bääte.› » Man beeye aŋuun luup Jeremaya.

Wëël Kïmmö 5:6

Ceŋwa acïpwa jï jø Ijep ki jï jø Aciria, nee wa jïtwa ki cam man koorwa jwïëcwa ki gø.

Edhikiel 17:18

Eni luumma kööŋe kipere ataae, ni raany luumma tuude; 'ba kiper mana tïïc gïïögø bëët ni cere ee nø cïp, eni ba bøth ka ajäla.

Edhikiel 21:22

'Ba nyuudhi mano päth cer cwïïe otïmö na mar Jerucalem, kiper nee jenni mo thiel kiir ki ge cïp karge, ni cïpe ki dwøl nee jiy 'näk, nee jiy twäätge ri leny, nee jenni mo thiel dhi kiir ki ge cïpge karge, nee kany eth bäät kiir ki yie thørge, nee kwör leny mo tuk pääny ki yie jiiŋge.

Neeyam 1:2

Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Mathiew 7:2

Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Luk 21:22

Kiper nïrögøøni beege nïro cool kwöri yïthge, kiper nee luup moa näk ogöörö nee thurge karge bëët.

Wëëlö Mana Göör Pøølli Baŋ Jø Röm 12:19

Omëëya, kär kwöri mou coollu ki dëëtu, 'ba wiiu cer Jwøk kanyo wëëre. Kiper ogöörö, ni «Kö Wuuö Jwøki, ni ‹Cool kwöri beeye mara, ni beeye aani noo cool ge.› »

Wëëlö Mana Göör Pøølli Baŋ Jø Röm 3:5

?'Ba ni näk rääö marø beeye ni wø nyooth gø ni ŋøl luup mar Jwøk beeye adïëri, agïnaŋø nø noo caanø? ?Aŋø, ø doo köö ni mar Jwøk raac kany wø wëëre ki øøni? (Man caana en, caana kaawat man wø caan dhaanhe jaak.)

Tiet Ciik 32:35

Cool kwör beeye mara, ni ŋøl luup ena cera. Yi nyïme kanya wäŋŋa ni ge pädhö yie, ge puta pädhö, kiper ränynyö marge kare cäännö, ni ö gïïa lethi na reyø ni laar päth bäätge.›

Tiet Ciik 32:41

ni tøŋa na beth paa paaø, ni täga ki ŋøl luup, ni tøŋ ena cera. Kwöra coola coolø dëët nyïïmänna, ni jääla jiy mo wø män ki aani.

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

Jøcua 6:20

Køøre kanya ö dïlämme na koothge tuŋi, jiy aput kwöŋŋö. 'Ba kanya ö jøøgø na wïnyge dööt tuŋi møn, gena put kwöŋŋö ni döötge ena maal døc, ni ö kiirri ni put pädhö no oninyaŋŋa, ni ö jiyi ni putge ci yi kiir, ni ŋati man nø cøra nyïme ni tiir jaak, ni putge pääny manøgø mac.

Jøcua 6:5

'Ba kanyo tïme ni dïlämme tuŋi køthge køthø ni ege maa ri gø jaak, kanyo wïnynyu dööt tuŋi, jiy bëët wär putge kwöŋŋö ni döötge ena maal døc. Kar kanyøgønø, kiir mar pääny manøgø puta pädhö no oninyaŋŋa, ni ö jiyi ni cige yie ni ŋati man nø cøra nyïme ni tiir jaak.»

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Mana Nyooth 18:6

Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.

Mana Nyooth 19:2

Kiper ŋøl mare beeye adïëri ni näk kare. Ni eni kääpa dwøŋ na raany piny ki käp mare aŋøl wøk, ni cool kwör remø mar laage dëër gø.»

1 Camiel 15:33

'Ba Camiel aköö, ni «Kaawat mana ö opëëllö marï na tïïc mään ni bäŋ obwöre, meru thuwø dööŋ ni bäŋ nyilaal jïre dï mään bëët.» Ni ö Camielli ni put Agaak ŋørø na thäŋi Gëlgela nyïm Wuuö Jwøk.