Jeremaya 50:14 - Wëël Jwøk

¹⁴ «U bëët ni wø thöödhö ka athëëre, dëëtu wär cïïmmu na dhøgi deŋ Babiløn bäre; ni thööyu jiye ka athëëre, ni bäŋe athëëre mo wiiyu, kiper jø Babiløn, gena bääyö dëër Wuuö Jwøk.

Jeremaya 50:14 Iomraidhean Croise

2 Camiel 10:9

'Ba kanya ö Jöapi na joot gø ni leny oløny ni ööa bääte ki nyïme ki ŋääe, ena jëëdö ki jiy moa teek røk jø leny mo Icriel, ni cïïm ge na dhøgi nee këëtge ki jø Aram.

Aydheea 13:4

«Cegu ïthu ki dïlweel bäät kïte, ni beeye dööt jiy mo thööth! Cegu ïthu ki dwøl manø ni märi ni dwøŋ enø yïth mïëc nyeye, ni beeye dööt wïth juurre moa näk dëëtge ege cooŋø! Wuuö Jwøk, eni na wïth jammi bëët, jiiŋŋa lwaak kiper leny.

Aydheea 5:28

Athëëre moge beth, na atume moge bëët ege niidø; tiet okwëënyi moge teek kaamar kïte, ni jïëth okwëënyi moge kany wø rïïŋge, tietge lwör kaamar atuunna.

Jeremaya 46:9

Wui, u na jø Ijep mo wø cäädhi ki bäät okwëënyi, ki u ni wø cäädhi ki yïth jïëth leny mo wø tut okwëënyi, pööthu maal ni rïïŋu ki geni døc kaamar ŋwïëc bøøl. Ni ö jø lenynyi mou moa teek, ni beege jø Ithiöpia ki jø Put ni wø käär kööt leny, ki jø Lidiya ni wø thöödhö ka athëëre ni pööthge nyïm.

Jeremaya 49:14

Aani, da dwøl mo yaa wïnynyö baŋ Wuuö Jwøk; nyïïatwiel dagø moo jääŋŋö baŋ wïth juurre, nee kööe, ni «Ööu maal baŋ leny, ni dwalu rou kanya ciel ni cou kuna tugu Ëdöm.»

Jeremaya 49:35

Ni man beeye luumma caan Wuuö Jwøki, eni na wïth jammi bëët, ena köö, ni «Ka adïëri møn, jø Ilam ni wø këëdi ka athëëre oraanynya, jø wø teek dï jø leny moge.

Jeremaya 50:11

«Wui, u na jø Babiløn na twier jap jiya, u bëëdö ni yïthu met nou kanynyø; nou pärö kaamar nyirøøa mo bïëdö yi pwöla, nou kwöŋŋö kaamar thwønh okweeny mo teek.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 50:42

'Ba ceŋge da athëëre ki tøøŋi. Gena jiy mo 'näk marge raac døc, ni cwïnyge ba pädhi ki 'näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge ïïni, ï na Babiløn.

Jeremaya 50:7

Geni, gena thöör nyïïmänni moge bëët moa joot geni, ni kö nyïïmänni, ni ‹Wa kär bääyö kanya raanywa geni, kiper gena bääyö dëër Wuuö Jwøk ni wø joot adïëri baŋe, eni na Wuuö Jwøk na ŋääth kwäcge.›

Jeremaya 50:9

Kiper ka adïëri møn, lwaa wïth juurre mo teek døc moa en wï-piny, yïthge otheŋa ni käla geni nee Babiløn tukge. Ni cïïmge rege na dhøgi nee këëtge ki paanøgø, ni makge jiy kaace ki tøŋ ni kälge geni. Gena jiy mo nyeŋge reegø ki thöör ka athëëre, ni ge ba duui ki ceŋge jaak.

Jeremaya 51:2

Aani, jiy mo path ojääŋŋa Babiløn, nee jø Babiløn køølge wøk, ni raanyge ŋöömge. Geni, Babiløn otukge ki løøi ki løøi, kanyo tïme na cäŋ gïna leth na wäŋŋi kipere.

Jeremaya 51:27

«Ŋïï mar leny wär tïŋu maal dï paac, ni koothu tuuŋ nee wïny wïth juurre; wïth juurre wär jiiŋŋu kiper leny nee Babiløn tukge, ni cwøllu akwöm mo nyeye ni beege Ararat ki Minni ka Ackena, nee këëtge ki Babiløn. Uuno röönyö ki kwääc leny mo këëdi ki Babiløn, ni kännu ko okwëënyi mo leny mo thööth mo caala lwaa bäänyö.

Jeremaya 51:3

Jiye mo wø thöödhö ka athëëre wär riigu nee ba thööthge, nee abïïk nywïëny mo leny moge ba røøge dëëtge. Kär nou weya wøpe moe moa teek ki leny; dïïrru wïth jø leny moe bëët.

Abakuk 2:17

Kiper gïna raac na tïïyï dëër lur Libaanø di coolø dëërï, ki mana raanynyï lääy ni wëëgï ge lwär, kiper mana kønynyï rem jiy piny, ni tïïï ki gïï mo leth yi ŋöömö, ki yïth päänye, ki dëët jiy moa bëëdö yïthge.

Abakuk 2:8

Uuni kiper mana twierru wïth juurre mo thööth, wïth jiy bëët moo dööŋ ni kwøw u twierge twierø, kiper uuni rem jiy akønynyu piny, ni tïïu ki gïï mo leth yi ŋöömö, ki yïth päänye, ki dëët jiy moa bëëdö yïthge.

Mana Nyooth 17:5

'Ba täärnyïme nyeŋ mo tiere okanø ogöör yie, ni «Babiløn na dwøŋ, na näk mii kääpe ki rääö mar piny.»

1 Camiel 17:20

'Ba na tïme na amöölla cøøn, Deebit apäny maal, ni wëëe ki dhaanhø mo kwaac dïëk, ni lwør caammi moøgø ni tïŋŋe kaawat mana caani ya wänni ma Jeci jïgø. 'Ba kanya pïïe twïër ennø, jø leny anwäne ni ge aa wøk ni rege ege cïïmmö na dhøgi ni ge twäädö.