Jeremaya 50:11 - Wëël Jwøk

¹¹ «Wui, u na jø Babiløn na twier jap jiya, u bëëdö ni yïthu met nou kanynyø; nou pärö kaamar nyirøøa mo bïëdö yi pwöla, nou kwöŋŋö kaamar thwønh okweeny mo teek.

Jeremaya 50:11 Iomraidhean Croise

Pwöc Leec Wïc 17:5

Ŋat wø buu ŋat mo can janynya Jwøk na cwääc ŋatøgø, ni ŋat wø yie mïnni ki gïï wø leth ni wø tägi ba kääŋi ka ajäla.

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 47:8

«'Ba ennø, wïny mara, ï ni wø mëër ki jammi mo dëël, ï ni wø bëëdö ni ba lwäär ki gïn mo raac. Ï wø cäänö ki cwïnyï ni kööï, ni ‹Bee aani keera, ni bäŋ ŋat mør këët mo kaala aani. Aani, a ba tïmö ni aana cï thøø, ni bäŋ gïn mo tägi dëët obwöre 'moa.›

Jeremaya 12:14

Mana caan Wuuö Jwøki beeye en, ena köö, ni «Ka adïëri møn, mïëc wïth juurre moa reyø na kïïö ki jiya, na tuk paac mana cïba jï jiya ma jø Icriel, ge cööda wøk yïth ŋøøpge, ni cööda jø Juuda wøk thuwø yïthakicge.

Jeremaya 46:20

«Ijep caala dhieŋ ma nyakøø mo poot mïërö, 'ba lwaa jø leny ööi ki paana en jï løø wï-piny, ni tïïge dëëre ki teeŋ gïn wø tïïc lwaa rumö dëër dhieŋ.

Jeremaya 46:21

Ni ö jø lenynyi mo wø cun jø Ijepi ki gwel nee këëtge kiperge, na caal nyïïrwädhe mo pulli, ni løkge rege ni reŋge na aciel, ni geni ba cuŋŋi karge. Kiper cäŋ gïï mo leth opïï bäätge, ni beeye cäŋ ajäla mana wäŋŋi kiperge.

Jeremaya 5:28

Geno lør ni dëëtge pulli, ni geno pöödhö ki tïïc gïïa reyø. Luum kïïc bäŋ wø ŋølge na adïëri, nee bëëtö mare tïme na wøp, ni ge ba pïëmö kiper adïëri mar jøøa can.

Jeremaya 5:8

Ŋati man nø atïmö ni manynya køør cï wati, kaamar thwønh okweeny mo dëëre da tïk mo rïïŋö køør maath.

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Jeremaya 50:27

Jø leny moe bëët wär 'nägu; geni wär 'nägu kiree! Otïmö ni raac jïge, kiper cäŋ marge aöö, ni beeye cäŋ ajäla mana wäŋŋi kiperge.»

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Edhikiel 35:15

Kiper yiï amïnnö kanya räny ŋööm Icrielli; ni bee tiere noo coola kwör dëërï en. Wui, ï na Kïn Cëër, ï ränynyö, ni bee ïïni ki ŋööm Ëdöm ki kare bäre. Køøre nø, ŋäcge ŋääö ni bee aani na Wuuö Jwøk.›

Edhikiel 36:5

gïna caan Kwäärö Wuuö Jwøki jïïu bee en, ena köö: ni Aani, a cäänö ni cwïnya okëënynyö ki wïth juurre møga ki jø Ëdöm bëët. Geni, ŋöömö mara akälge kiper dëëtge ni cwïnyge päŋ ki met ec ki män, nee japa beyø na en yie twierge.›

Odheea 10:11

Ipariem caala nyirøøa mo opwönynyö mo yie met ki dïn beel. 'Ba ŋute na mïërö okïtha ki gïr puur ni pura ki gø. Ni ö Juuda ni pure, ni Jeekap tøga pøl.

Amøc 4:1

Wïnynyu gïn, uuni na määr Cameria, uuni no olør kaamar dhää Baacan, uuni ni wø thiel jøøa can piny, ni wø caan jøøa näk oööl, uuni ni wø kööm cwøwu, ni kööu, ni «Kännu ki kwøŋ nee wa mäthwa.»

Obadiya 1:12

'Ba u ba doo bëëdö jaak nou raŋŋa jï nyïïmëëgu dïcäŋa jwørge gïïa leth na tägö dëëtge; nou ba doo kanynyø bäät jø Juuda dïcäŋ ränynyö marge; nou ba doo ŋeethø bäätge dïcäŋ kïmmö marge.

Abakuk 1:15

Ge bëët, gena jwïër jø Kaldia wøk kaawat man wø jwïër rec wøk ko obïth, ni piecge geni kaawat man wø pëëö rec wøk ka ajääp bat, ni køølge geni kanya ciel kaawat man wø køøl rec ya ajääp, ni put yïthge mïnnö ni kanyge.

Dhekaraya 14:12

'Ba ajäl täw mano ö Wuuö Jwøki noo 'näk jiy bëët ki gø moa tïïc leny dëër Jerucalem bee en: Rïŋ dëëtge kwäk ni ge cuŋŋö ki tietge jaak, ni kwäk nyeŋge yïth aguut nyeŋge, ni ö lëëpge ni kwäkge dhøkge.

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.