Jeremaya 5:9 - Wëël Jwøk

⁹ ?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Jeremaya 5:9 Iomraidhean Croise

Pwöc Leec Wïc 6:29

'Ba dhaanhø mo døøa ri cï watge caala manøgø, ni ŋat wø gut teeŋ dhaaŋŋøgø bäŋ wø kääŋi ka ajäla.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 57:6

'Ba uuni nø, japa wøørru na en yïthakic kïte moa pøøth deŋ nyeŋ näm, beege noo tïmö na mou, na kuru; ka adïëri møn, uuna cïpö jïge ki muuce mo kwøŋ mo wø køny piny, ni mooyu geni ki muuce mo beel. ?'Ba you caarø ni cwïnya daa warø ki japøge?

Jeremaya 23:2

Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 32:31

Ka adïëri møn, päänyi en atïmö na gïn mo raanynya cwïnya mo käla wëër mara bääte, ni tägi ki kanya geeri, këël dïcäŋi en. Kiper manøgønø, raanynya raanynyø nyïma,

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 5:10

Ni kö Wuuö Jwøki, ni «Cou yi pwöth omøki, ni beeye po jø Juuda, ni raanynyu gø, 'ba kär raanynyu bäre. Jäu bäätge wøk, kiper ge patha 'moa, a na Wuuö Jwøk;

Jeremaya 5:29

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?› » Luummögø caana Wuuö Jwøki.

Jeremaya 6:11

'Ba aani, wëër mar Wuuö Jwøk na liel bäätge kaamar maac, atïmö ni dagø cwïnya thuwø, ni tïme ni ba løny ki kan.» Ni kö Wuuö Jwøki jïra, ni «Kïth wëër mara bäät obwöre moo en dï paac, ki bäät wøpe moo en wïth mäc. Dïcwøø ki cïïe karge riet omak ki tøŋ, ni käl jäle, këël jäle moa døøŋŋø døc thuwø.

Jeremaya 6:6

Kiper luumma caan Wuuö Jwøki, eni na wïth jammi bëët, beeye en, ena köö, ni «Ŋøtu jenni moa en lak Jerucalem na mo thør, ni thørru bäätge ki ŋøøm man eth bäät kiir ki gø. Pääny man beeye pääny mo di raanynyø, kiper jiy bëëdö ni di caannø dïëre bäre.

Jeremaya 9:8

Lëëpge caala atheerø mo 'näk mare raac døc, ni ge wø cara cwøk. ŋati man nø wø cäänö ki dhee ki wati kee cäänö ka mëër, 'ba ki yi cwïnye eni wø cädö ki gïï mo reyø mo tïïe dëër gø.

Jeremaya 9:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Wëël Kïmmö 3:42

ni «Waana tïïö ki raay ni gëëmwa, 'ba wa kärï wëënnö.

Wëël Kïmmö 4:22

Wui jø Dhayan, ajäl raay mou athum nø; Wuuö Jwøk u ba wëëk bëëtö këët ni uuno maa ki tøŋ. 'Ba u na jø Ëdöm, Wuuö Jwøk u jääle jäälö kiper raay mou, ni wëëk japa reyø na tïïyu nëënne.

Edhikiel 7:9

Aani, cwïnya ba pädhi ki gïru, ni ba wara cwïnya ki uuni; 'ba aani, u jääla jäälö ki køør bëëtö maru ki japa raac eci ki ge na en dïïu. Køøre nø, ŋäyu ŋääö ki man näk mo beeye aani na Wuuö Jwøk na jääl uuni.

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Ciik Kiper Dïlämme 18:25

'Ba kiper mana tïm ŋöömö marge ni ba waany, aani ŋöömö manøgø bëëdö ni yaa nø raanynyø ki køør raay moa tïïc yie, ni nø tïïa gø nee jiye kwiere.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Neeyam 1:2

Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Tiet Ciik 32:35

Cool kwör beeye mara, ni ŋøl luup ena cera. Yi nyïme kanya wäŋŋa ni ge pädhö yie, ge puta pädhö, kiper ränynyö marge kare cäännö, ni ö gïïa lethi na reyø ni laar päth bäätge.›

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»