Jeremaya 5:7 - Wëël Jwøk

⁷ 'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Jeremaya 5:7 Iomraidhean Croise

2 Luup Nyeye 13:9

Dïlämme mo Wuuö Jwøk, ni beege nyïïkwaac Aran, ariemu wøk, ge ki jø tuuŋ Libay, ni määnynyu dëëtu keeru ki dïlämme mou kaawat man wø tïïc juurre møga. Ni ŋat wø ööi jaak kuna cïp dëëre kur keere ni käädö ki nyirøøa mo thiinh ki nyöök rööm abïriiø, putu ka tïïc na dïlämi jaak mar gïï mo patha Jwøk.

Jööp 31:12

Ni tïme na maac mo wääŋö, ni räänyö këël mano këët kar bëët jwïëc jøøa näk othøw, ni dee japa moa näk yaa joodø bëët raanynyø.

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Jeremaya 13:27

Tïïe moï moa näk ec raac ki ge døc na tïïyï kwör lam moa en bäät thuuri ajooda, ni beege luui moï, ki tïk mana en riï, ki käp marï. Wui, ï na Jerucalem, otïmö ni raac jïrï! ?A këël kany mo nyïëdi nø noo bëëdï niï ba waany?»

Jeremaya 16:11

køøre oløgï jïge ni Wuuö Jwøk aköö, ni ‹Beeye kiper mana ö kwäyu na wecge aani, ni caathge køør juu møøk, ni tïnyge geni ni wøørge geni; ni wecge aani møn, ni kärge ciik 'moa gwøø.

Jeremaya 16:20

?Aŋø, løny jï dhaanhø ki man tïny dëëre ki juu? 'Ba këël dee tïïö, ge patha juu ma adïëri.

Jeremaya 2:11

?Aŋø, da tier paac mo juu moe ee wiilø, këël na bëët juuwi moe ni patha adïëri? 'Ba jiy 'moa, a na näk ajiem marge, aana wiilge kiper juu mo bäŋ gïn duuge.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 3:19

«'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Jeremaya 3:8

'Ba ki køør bëët käp mar Icriel, eni na caal dhaagø mo cwïnye ogaa wøk, ena riemma, kaawat man wø ö dhaanhe wø göön cïïe ki wëël apääk; 'ba ajooda ni coki ma Juuda na raac kär lwäyö, ni ö eni thuwø ni bëëde ni tïïya tïï käp.

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Jeremaya 9:1

Wui, aperŋø ni ba tïm wïïa na iith en, na aperŋø ni ba tïm pï nyeŋŋa na jøøro en, naa jwöŋa ki yi cäŋ ki yi wäär bäre kiper jø powa na ŋalli!

Jeremaya 9:2

Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Wëël Kïmmö 3:42

ni «Waana tïïö ki raay ni gëëmwa, 'ba wa kärï wëënnö.

Edhikiel 22:11

Ni ŋat mør kännö ki luk ki cï ŋat atut mare, ni ŋat mør butö ki cï nyaare, ni ŋat mør buti ka nyiwänni kiree mana nywøl wänni.

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Odheea 13:6

Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 7:4

'Ba gena jø luuy ge bëët, mo cwïnyge lïëth kaamar buur maa dääpe man wø äp ŋat wø budö, ni wø wec ni wärri jaak këël kanyo kïth dääpe yie.

Ciik Kiper Dïlämme 20:10

« ‹Ni näk mo da dhaanhø mo kännö ki luk ki cï dhaanhø mør, eni na kännö ki luk enø, ki dhaagø manøgø, ka adïëri møn ge wär put 'näk.

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

1 Körin 8:4

Kiper manøgønø, mar luum olämme mo wø ŋaal ni wø cïp jï gïï wø lam ni wø cam, ŋääø ni gïn wø lam patha gïn ma adïëri pinyi en, ni bäŋ Jwøk mør, 'ba beeye aciel keere.

Galeecia 4:8

Dïkwøŋ kanya poodu ni Jwøk kuyu, u bëëdö ni uuna laaŋe jï juu mo paa adïëri.

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.

Ibaru 13:4

Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

Jøcua 23:7

Käru dwätö ki wïth juurre moa no odööŋ yïthakiyu, ni ba cøøru nyeŋ juu moge, ni ba kööŋŋu røk juu moge, ni ba tïnynyu juu moge, ni ba këëllu cøŋŋu piny nou wøøra juu moge.