Jeremaya 5:6 - Wëël Jwøk

⁶ Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Jeremaya 5:6 Iomraidhean Croise

2 Luup Nyeye 36:14

Maya thuwø, dïlämme bëët moa kwörge døøŋŋø, ki jiy bëët, gena bääyö dëër Wuuö Jwøk. Kiper gena tïmö ni ge caatha køør japa raac eci ki ge bëët ni wø tïïc wïth juurre, ni tïïcge Øt Wuuö Jwøk ni ba waany, øda cïp Wuuö Jwøki kur keere yi Jerucalem.

Edhera 10:10

'Ba dïlämi ma Edhera aö maal ni kööe jïge, ni «Uuna bëëdö nou tïïya gïn mo raac, ki mana nywømmu nyïï juurre, nou meeda gø bäät raayu, u na jø Icriel.

Edhera 9:6

ni kööa, «Wui Jwøk, ï na Jwøk mara, aani wïïa laay ki man tïŋa wïïa maal baŋï, ï na Jwøk mara, kiper gïïa bacwa atïmö ni thööth ni kaala wïthwa, ni ö raayi mowa ni thöönhge no okëët maal.

Jööp 10:16

Ni näk mo wïïa tïŋa maal, a diï dwarø kaawat man wø tïïc ŋuuwi, ni diï cäŋ teek marï nyoothø bääta.

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 59:12

Kiper gïïa reyø na tïïø atïmö ni thööth døc nyïm Wuuö Jwøk, ni ö raayi moa tïïø ni jäälge øøni; bëëtö marø na raac nëënö jïïø, ni gïïa näk yøø bayø ŋääø;

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Jeremaya 2:15

Nyïïmänne amärö bääte kaamar ŋuuwe, ni märge døc ni döötge ena maal. Paac mare atïïcge ni bäŋ gïn mo odööŋ yie, ni ö päänye moe ni ränyge, ni bäŋ jiy mo bëëdö yïthge.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 25:38

Wuuö Jwøk otïŋŋi ki kar bëëtö mare kaamar ŋuu mo ö wøk ki ya abuŋŋö, ni ö mïëri moge ni tïmge ni cwïny jiy böö ki gïno tägi dëëtge, ki køør jøw caan geni ko opëëllö, ki køør wëër mar Wuuö Jwøk noo liel kaamar maac.

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 30:15

?Aperŋø nø ni kwöŋŋu kiper gïïo ni leth yøø ni caal atwøda mo raac enø, mo rääm mare ba døø piny? Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 30:24

Wuuö Jwøk ba døø ŋääe ki wëër mare ni wø liel kaamar maac, këël mano tïïc mana en cwïnye ni wëëk gø thur kare. 'Ba kanyo täk gïïögø yie ya aŋuun nïne, tiere ojootu na kare.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 49:19

Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 8:5

?'Ba aperŋø nø na ö jøøi na jø Jerucalem ii ni gaage wøk ki gaan wøk mo bäŋ cuŋŋe en? Geni cwïnyge onieŋ køør cwøk døc, ni kweerge ki man duuge baŋa.

Jeremaya 8:7

Këël ajaak ni wø määdö maal kany wø duue yie ki yi cwiir ŋääe, ni ö oluua ka agwëëi ko ojwägi ni gwøkge kar wääth marge; 'ba jiya ciik 'moa, a na Wuuö Jwøk, ba gwøkge.

Wëël Kïmmö 1:5

Nyïïmän moe atïmö na kwääri bääte, ni tïm nyïïmänni moøgø ni bëëtö marge jööt jaak. Kiper Wuuö Jwøk beeye na tïïc caarø mar gø kiper raay moe na thööth. Obwöre moe amak ki tøŋ, ni bëëtge na laaŋe jï nyïïmän.

Edhikiel 16:25

Yïth agääk jïëthe bëët agëënnï ki kwör lam mo juuga reyø kiper dëërï; ni døøyï mïërö marï rääö; niï bëëdö ni tietï iï peerø jï cwøw bëët mo wø cur buutï niï kaatha käp marï.

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Edhikiel 23:19

'Ba ena cäŋ bëëtö ni käp mare poot kaadhe kaadhø jaak, ni paaya wïïe ki nïr thïnhö moe kanya bëëde ni käbö Ijep.

Daniel 7:4

«Cwieny mana dïkwøŋ caala ŋuu, ni jïre da bwöm mo caala mo odhuuth. Aana bëëdö naa raŋŋa gø këël mana ö bwömmi moe ni pudhi wøk, no otïŋ maal no othïïŋö ni cuŋŋö ki tiel ariiø kaamar dhaanhø, ni cïp acaara mar dhaanhø jïre.

Daniel 7:6

«Køør manøgø kanya bëëda naa poot rääŋö, aana nëënnö ki cwieny mør mo caala kwac, mo dïŋääe da bwöm aŋween mo caala mo wenyø; cwieny manøgø thuwø jïre da wïdhi aŋween, ni eno mooø ki teek mar käär jiy.

Odheea 5:14

Kiper aani, a tïmö kaamar cïgïï ŋuu ki jï jø Ipariem, ni tïma thuwø kaamar ŋuu mo teek ki jï jø Juuda. Geni, ge peta petø ni thenh thenh ni puta aay; ge käla kälö ni bäŋ ŋat piem ge cera.

Abakuk 1:8

Okwëënyi moge rïïŋö døc ni kaala kwäänynye, ni ge kämö ni kaala orude mo wø lwääge ki wïthïënhö. Jø leny moge ge rïïŋö døc ki bäät okwëënyi, ni ge rïŋŋi ki kany mo bäär, ni ge määnni kaamar odhuuth mo päära bäät gïrpiny.

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Kwään Jiy 32:14

«'Ba ennø, uuna läw kar wëëgu, ni uuna jø raay møøk mo nyärö, nee wëëc Wuuö Jwøk meetu bäät jø Icriel.

Mana Nyooth 13:2

'Ba Läänögø na jooda enø caala kwac, ni ö tiete ni caal tiet cwieny mør mo dwøŋ mo lweete beth døc, ni ö dhee ni caal dhi ŋuu. 'Ba thwöl teek mare ki wälu mare ee wëëk Läänögø, ki cuum mo dwøŋ døc.