Jeremaya 5:5 - Wëël Jwøk

⁵ Aani, a cøøa baŋ jøøa kwörge døøŋŋø, ni cääna ki geni, kiper geni, jöör Wuuö Jwøk, Jwøk marge, ki ciik moe ŋäcge.» 'Ba geni thuwø, gena kweer ki man bëënge Wuuö Jwøk, ni kweerge ki man jïëcge pwöc moe.

Jeremaya 5:5 Iomraidhean Croise

2 Luup Nyeye 36:14

Maya thuwø, dïlämme bëët moa kwörge døøŋŋø, ki jiy bëët, gena bääyö dëër Wuuö Jwøk. Kiper gena tïmö ni ge caatha køør japa raac eci ki ge bëët ni wø tïïc wïth juurre, ni tïïcge Øt Wuuö Jwøk ni ba waany, øda cïp Wuuö Jwøki kur keere yi Jerucalem.

Bwøth Wøk 32:25

'Ba kanya ö Modhe na joot jiy ni bëëdö ka wïthge keerge, kiper mana weyi Aranni nee bëëtge ki wïthge keerge, ni tïmge na jiy mo ojøøŋŋø ki baŋ nyïïmänge;

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 8:7

Këël ajaak ni wø määdö maal kany wø duue yie ki yi cwiir ŋääe, ni ö oluua ka agwëëi ko ojwägi ni gwøkge kar wääth marge; 'ba jiya ciik 'moa, a na Wuuö Jwøk, ba gwøkge.

Jeremaya 9:3

Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Edhikiel 11:2

Kanyøgø Wuuö Jwøk aköö jïra, ni «Wär dhaanhø, moøgø beege jøøa tudö ki luup mo reyø na cïpö ka acaare mo reyø yi pääny man,

Amøc 4:1

Wïnynyu gïn, uuni na määr Cameria, uuni no olør kaamar dhää Baacan, uuni ni wø thiel jøøa can piny, ni wø caan jøøa näk oööl, uuni ni wø kööm cwøwu, ni kööu, ni «Kännu ki kwøŋ nee wa mäthwa.»

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Milkiya 2:7

«Kiper dïlämi doo naa bëëdö ni ciik Jwøk ŋääe ni ena dhee, ni di jiyi ö baŋe kiper pwöc, kiper bee eni na jääŋ Wuuö Jwøki, eni na wïth jammi bëët.

Luk 18:24

'Ba jïre aneen Jecu, ni kööe, ni «Døny buc Jwøk teee ki teek mo nyïëdi jï jøø no okwär yøø.

Luk 19:14

«'Ba jø poge män ki gø, ni jääkge køøre ki dhaanhø, ni köge, ni ‹Wa ba many nyenøgø nee tïme na nyeya powa.›