Jeremaya 5:31 - Wëël Jwøk

³¹ Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 5:31 Iomraidhean Croise

1 Nyeye 22:6

Køøre nyeny Icriel jiy moa tïïc rege na nyïïkuk Jwøk acooŋ kanya ciel, ni beege jiy mo jïtö ki dïpe aŋweenø, ni kööe jïge, ni «?Cøøa baŋ leny Ramöth-Gelät, wala kära cøø?» 'Ba gena köö, ni «Ciï, ocïp Wuuö Jwøki cerï, ï na nyeya.»

Pwöc Leec Wïc 17:4

Ŋat wø tïïc gïï mo reyø wø wïnynya luup dhøk jøøa reyø, ni ö twöti ni cek ïthe ki luup dhøgi mo räänyö.

Aydheea 10:3

?'Ba agïnaŋø noo tïïyu noo tïme na dïcäŋ ajäla, kanyo ö ränynyö no ööe ki kany mo bäär ni ööa bäätu? ?Aŋa noo reŋŋu baŋe kiper køny? ?Jap kwärö mou, owiiu ge kaa?

Aydheea 20:6

Kanyøgønø, jiy mo wø bëëdö mïëc jø Pilitin na en deŋ naama dwøŋ ge köö, ni ‹Neennu, jiy moøgø beege jiy moa wara ŋäädhø na wara reŋŋø baŋge kiper køny, nee ø piemge cer nyeny Aciria. ?'Ba ennø, øøni, øøno bødhø nidïï?› »

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 43:27

Kwaru mana dïkwøŋ atïïö ki raay, ni ö jøøa cäänö na karï ni bääcge dëëra.

Aydheea 47:7

'Ba ï poot köö, ni ‹Aani, a bëëdö ni aana cuumi na bäre bäre.› Gïïögø kärï maar caar, ni gïno duue dëërï kärï lääŋŋö.

Jeremaya 12:4

?A këël kany mo nyïëdi nø noo bëët ŋøømmi no otal, noo bëët luummi bäre no onär? Këël lääy ki weny bëët athum ki thøø, ki køør rääö mar jø wø bëëdö yie, kiper ge wø köö, ni «Wuuö Jwøk aŋuun bëëtö marø ba nëëni jïre.»

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 26:7

'Ba dïlämme ki nyïïkuk Jwøk ki jiy bëët dwør Jeremaya awïnyge ni cara luupögø yi Øt Wuuö Jwøk.

Wëël Kïmmö 1:9

Gïna tïïc gø ni ba waany nëënö dëër abïïne, 'ba eni kär cädö kiper yi nyïme. Ena pädhö ki pädhö mo thääŋa ec, ni bäŋ ŋat moo cøm cwïnye. Ni kööe, ni «Wui Wuuö Jwøk, neen caarø mara, kiper nyimän mara böödö eni.»

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Wëël Kïmmö 4:18

Gena tïmö ni ge baya tietø kany wø cäädhø, ni dhäth wääthi jïïø ki uutjïëthe moø; aŋuun bëëtö marø kare acäännö, nïne 'moø athum, kiper aŋuun bëëtö marø aöö.

Edhikiel 13:10

« ‹Kiper geni wïth jiya wø maaŋge maaŋŋø ni ge köö, ni «Paac beer jaak,» këël na bëëde ni bëët paac raac. Kany wø näk da dhaanhø mo tïïö ki kiir mo ba teek, rwøthge rwødhø ki booya.

Edhikiel 13:6

Ge cäänö ki luup tööt ni da gïï mo onyoodhø jïge, ni marge adïëda jaak, ni ge köö, ni «Wuuö Jwøk aköö na ennø nø,» ni ge kär jääŋ Wuuö Jwøki. 'Ba ge poot ŋäädhö jaak ni luup moge thura karge.

Edhikiel 22:14

?Aŋø, kanyo jääla ïïni yie, løny ki man magï cwïnyï wala ki man cwiitï ceŋŋï? Luummögø caana aani, a na Wuuö Jwøk, 'ba puta ka tïïc.

Odheea 4:9

'Ba gïno tägi bee en, dïlämme jääla jäälö na aciel ki jiy kiper uutjïëthe moge, ni cunna geni ki køør tïïe moge.

Odheea 6:10

Aani, gïn mo raac døc mo ec thäŋŋö ki gø ajooda dï jø Icriel. Jø Ipariem gena tïmö ni ge tïïya käp kaace, ni ö jø Icrielli ni putge nipäät.

Odheea 9:5

?Agïnaŋø noo tïïyu yïth cääŋŋe moa no ocïp piny ni wø wøør jï Wuuö Jwøk?

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Mikiya 2:6

'Ba nyïïkuk Jwøk mo wø køp luup ki wïthge, ge wø köö ki aani, ni «Kär dwør Jwøk køpï. Kär dee dwør Jwøk mo køpï kiper gïï mo tägö dëëtwa. Bäŋ lään wïc mo ö bäätwa.»

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Jepaniya 3:4

Nyïïkuk Jwøk moe gena jiy mo wïthge reyø, ni wïth jiy maaŋge maaŋŋø. Dïlämme moe kar lam mana en kur keere atïïcge ni ba waany, ni raanyge ciik.

Tiet Ciik 32:20

Køøre ena köö, ni ‹Täärnyïma kana kanø ki geni; nee gïno tägi dëëtge yi nyïme nee jooda. Kiper gena beenhnhø mo raac, ni gena obwöre mo ba ŋääth.

Tiet Ciik 32:29

Doo na gena jiy mo wïthge leer, tier gïnögø dege kwanyø; ni caarge gïno tägi dëëtge yi nyïme.