Jeremaya 5:3 - Wëël Jwøk

³ Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 5:3 Iomraidhean Croise

Wïlöölö 19:34

'Ba na tïme na aruunnø man, nyaana dwøŋ aköö jï coki, ni «Wääna witïni aana ci baŋ awuuö. Ennø, cäŋø eni maathø ki køøŋ nyïïomøki wääni, kiper niï ci baŋe thuwø, nee wïthø nywölø wøk ka awuuö.»

1 Nyeye 13:33

'Ba këël køør gïnögø, Jeröbäm jöör raay käre wiiø, 'ba ena cäŋ röönyö ki dïlämme kiper kwör lam moa en bäät thuuri røk jiy bëët, ni beege jø wø many gø jaak noo røønye nee tïmge na dïlämme mo kwör lam moa en bäät thuuri.

2 Nyeye 1:13

'Ba nyeya acäŋ jäägö ri dääge ki kwäärö mør mar jø leny ma pïërabïïc ge ki jiye moa näk pïërabïïc. 'Ba kanya ö kwääy jø leny manøgø ni ci maal bäät thuur baŋ Ilaaja, eni cøŋŋe akëël piny ni kuul wïïe piny nyïm Ilaaja, ni kwac gø ni kööe jïgø, ni «Wui, nyikuŋ Jwøk, beerra man ö jwïëya ki jwïëc jiy moï ii ni tïm perge ni leth jïrï.

2 Luup Nyeye 16:9

Kiper waŋ Wuuö Jwøk wïdö bäät piny bäre ni neeta gø kiper nee cïpe ki teek jï jø wø many eni ki cwïnyge bäre. 'Ba ïïni kiper mana tïïï ki gïn mo wïïï kärï caarø ki gø, ki mano täge ennø, ï bëëdö ni da lenye yïthakiyu ki jø møøk cooth.»

2 Luup Nyeye 28:22

'Ba ki yïth nïne moa beet nyeya ma Eeyeth ni gïï mo leth tägö dëëre, eni poot bëëdö ni meeta bääyö mare nyïm Wuuö Jwøk.

Pwöc Leec Wïc 21:29

Ŋat mo raac, waŋe wø døøye mo teek, 'ba dhaanhø mo mare thïïŋ, uutjïëth tïïe moe wø di caarø keere.

Pwöc Leec Wïc 22:12

Waŋ Wuuö Jwøk wø bëëdö ni gwøga luup kwänynyö, 'ba luup ŋat wø tïïc gïï mo reyø ki piny wø di raanynyø.

Pwöc Leec Wïc 23:35

Køøre ïïno köö, ni «Aana pwötge, 'ba bäŋ ŋwellø mo onieŋ dëëra; ni buthge aani, 'ba bäŋ gïn mo yaa jwørø. ?Aano pääa yi wäne nø, naa määnynya ki køøŋø mør?»

Pwöc Leec Wïc 27:22

Ŋat dïkät wïc këël diï wälö ki leek yi pany kaamar beel, bëët bøøl mare bäŋ doo aay dëëre.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 42:25

Kiper manøgønø, wëër mare ni wø liel kaamar maac, na caal mäc leny, akøny bäätø, ø na jø Icriel, ni wëëk maac liel ki deŋ Icriel bäre; 'ba øøna bëëdö ni tier gø poot ba kwanyø. Øøna waaŋ Wuuö Jwøki ki maac, ni bëëdø ni bäŋ gïn mo caarø kiper gïna tägö.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 15:7

Uuni, u kwøra kwørø kaamar lethø, ni cööra u wøk ki dhøk kiiri; thøø okäla bäätu, ni raanynya uuni, u na jiya; kiper cwïnynyu käru løø ki jöör bëëtö maru na raac.

Jeremaya 17:23

'Ba kwäyu, mara kärge wïnynyö, ni kärge ïthge ciiø ki dwøra. 'Ba wïthge adøøcge mo teek, ni kärge pwöc mara wïnynyö ni kärge gø jïëö.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 32:19

Acaara marï dwøŋ, ni tïïe moï wø tïïyï ka teek mo dwøŋ, ni waŋï iï peerø bäät uutjïëth tïïe mo jiy bëët, ni ŋati man nø wø cunnï cunnö ki køør bëëtö mare ki tïïe moe.

Jeremaya 35:13

ni «Luumma caan Wuuö Jwøki, Jwø Icriel, eni na wïth jammi bëët, beeye en: Ciï ni caanï gø jï jø wø bëëdö Jerucalem ki dï Juuda bäre, ni Wuuö Jwøk aköö, na ‹?Aŋø, luup 'moa ba wïnynyu nee pwöc kwanynyu?

Jeremaya 44:10

'Ba cwïnyge kär maar pädhö kiper gïna tïïcge, këël dïcäŋi en, ni ge kär lwäyö, ni ge kär cäädhö køør ciik 'moa ki gïïa cema na cïba jïïu ki jï kwäyu.

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Jeremaya 7:28

Køøre ï köö jïge, ni ‹Paac man beeye paac mo luum Wuuö Jwøk, Jwøk mare, ba wïnynye, ni käre pwöc mare na leth wïnynyö thuwø; ni ö adïëri ni rwäänye, ni tïme ni bäŋ ŋat mo cäänö ka adïëri.

Jeremaya 8:5

?'Ba aperŋø nø na ö jøøi na jø Jerucalem ii ni gaage wøk ki gaan wøk mo bäŋ cuŋŋe en? Geni cwïnyge onieŋ køør cwøk døc, ni kweerge ki man duuge baŋa.

Edhikiel 2:4

A jääŋŋa ï baŋge, ge na jøøa wïthge teek na näk cwïnyge teek. Wär caanï jïge ni kööï, ni ‹Man beeye dwør Kwäärö Wuuö Jwøk.›

Edhikiel 24:13

« ‹'Ba ennø, ï na Jerucalem, japa reyø na tïïyï, ïïna tïïcge niï ba waany. Kiper ïïna päänynya ki man penya ïïni, 'ba ï kär tïmö niï waany yïth japa reyø na enï yïthge. 'Ba ïïni, ï ba tïmö niï tøŋ këët këël kanyo ö wëërri mara noo røm riï.

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Ciik Kiper Dïlämme 26:23

« ‹'Ba ki køør gïïögø, ni näk mou poot ba duu baŋa ni maru poot na ageem ki aani,

Amøc 4:10

«Teeŋ täw mana jääŋŋa bäät jø Ijep ajääŋŋa bäätu thuwø. Wøpe mou awëëga näk ri leny, ni ö okwëënyi mou ni maai. ŋwääny dëët jiy moa thøw twïër maru adwøga wïthu; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 4:6

«'Ba aani thuwø käc akäla dï mïëri mou bëët, ni tïme ni bäŋ cam kwöra bëëdu yïthge bëët; 'ba këël na tïïa gïnögø, u kär duu baŋa.» Beeye Wuuö Jwøk ni cäänö enø.

Amøc 4:8

Køøre jø tiet mïëri mo jïtö ka ariiø wala adäk atïmö ni cäädhö paac mørø ni dëëtge bäth, nee ge jïtge ki pïï mo maathge, 'ba ge kär røm; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 4:9

«Cäŋ ki twöŋö ajääŋŋa ni raanyge beel mou, ni ö bäänyö ni thöör ajïniine mou, ki pwöth omøki, ko olämmi ki jer mädhi mou; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Jepaniya 3:7

Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»

Wëëlö Mana Göör Pøølli Baŋ Jø Röm 2:2

'Ba ŋääø ni ŋøl mar Jwøk kany wø ŋøl jø wø tïïc teeŋ gïïögø wøk, mare beeye adïëri.

Ibaru 12:9

'Ba jïïø da wëëe piny thuwø mo wø pwönynya øøni, ni wøørø geni. ?Aŋø nø, ni ba jïëø ki Wää jwïëy 'moø ni kwøø?