Jeremaya 5:24 - Wëël Jwøk

²⁴ Uuni, u ba köö ki cwïnynyu, ni «Beerra man lwäärø ki Wuuö Jwøk, Jwøk marø, eni ni wø cïp køth mar arïïa ki mar dhi køth kany wø näk ma kare; ni bee eni ni wø gwøk nïne mo dwät kac kiperø.»

Jeremaya 5:24 Iomraidhean Croise

Wïlöölö 8:22

«'Ba ennø, kaawat man bëët pinynyi ni nut en, kar pïïdhö ki kar kac, ki lïëth piny ki ŋec piny, oput bëëtö ni nut cooth. Ni ö dhi køthi ka arïïa ni bëëtge ni dagø cooth; ni put waŋcäŋŋi ki wäär bëëdö ni ba cuŋ këët.»

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

Jööp 29:23

Gena bëëdö ni ge køya aani kaawat man wø koor køth, ni ge bëëdö ni dhøkge ege löö jïra kaawat man wø tïïc jiyi mo lääŋŋa køth.

Jööp 38:37

?Aŋa ni jïre da leec wïc mo løny ki man kwaan pøøl, wala ki man wëëk køth pädhö keda pïï mo kuny piny ka maal,

Jööp 5:10

Eni køth wø cïbe cïbö bäät piny, ni jääŋ pïï yïth pwöth.

Aydheea 64:7

Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Jeremaya 10:13

Kany wø tuk dhee, maal puta märö kaamar køth. Pøøl wø kööle köölö ki ya aŋuun piny, ni käl køth ni mal, ni wëëk jamø kwön wøk ki yïth kwöra kan ge yïthge.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 5:22

?Aŋø, u ba lwäär ki aani? ?Aŋø, dëëtu ba kwanynyi nyïma? Aani, akwöö atïïa na keew mar naama dwøŋ, ni tïm akwöö na gëëŋi na bäre bäre, ni ba løny ki man kaali ya naammi. Këël athaga doo kwödö døc, keew manøgø ba dee raanynyø, ni këël doo öö ni lwör, ba løny ki man pääre ki bäät gø.

Jeremaya 50:5

Geni, jöör Dhayan opëënyge, ni løøge nyïmge yie, ni öge ni cïpge dëëtge jï Wuuö Jwøk ki køør luubö mano tuutge mo bëëdö na bäre bäre, mo wïc ba wïl ki gø.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Jool 2:23

Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Amøc 4:7

«Aani køth amäna ki pädhö thuwø, kanya poode ni dööŋŋa dwäde adäk kiper kac beel. Køth awëëga pädhö paac mør, ni kära gø wëëk pädhö paac maya. Køth apädhö yi pwödhö mør, ni ö pwödhö mana käre pädhö yie ni tale.

Dhekaraya 10:1

Pëënynyu Wuuö Jwøk nee køth jääŋŋe bäätu kany wø näk dhi køth. Kiper beeye Wuuö Jwøk ni wø jääŋ køth ki ri pøøl; bee eni ni wø wëëk køth ööny piny kiper jiy, ni wëëk gïïa no opiidhø ciek yïth pwöth jï ŋati man nø.

Mathiew 5:45

kiper nou tïmu ni uuna wäät Wääu ni en maal. Kiper eni cäŋ mare wø wëëge tuulö bäät jøøa wïnni ki jøøa mwöl, ni jääŋ køth bäät jøøa beyø ki jøøa reyø.

Moa Tïïc Nyïïatwieli 14:17

'Ba këël na näk enøgønø, eni kär bëëdö ni dëëre käre nyoodhø. Kiper ena tïïö ki gïï mo beyø; eni køth wø jääŋŋe jääŋŋö jïïu ki maal, ni cïpe jïïu ki kwör ciek caammi mou yie yi cwiir, ni wëëk cwïnynyu mïnnö ki caammi mou, ni bëëdu ni yïthu met.»

Tiet Ciik 28:12

«Wuuö Jwøk kar kän mare na näk maal di jabø jïïu kiper nee cïpe ki køth ki kanya näk kare kiper ŋöömö maru, nee gïï wø tïïyu ki ceŋŋu nee gwïëdhe. Ni tïme ni løny jïïu ki man wëëgu japu mac jï wïth juurre mo thööth; 'ba uuni, u ba mäyi.

Jeemeth 5:7

Kiper manøgønø, nyïïmera, cïbu cwïnynyu piny, këël mano ö Kwäärö. 'Ba ŋääø, ni ŋat puur wø koora jap wø beyø ni wø ciek yi ŋöömö, ni cwïnye ee cïp piny ki gø, këël mano päth køth dhikøthi ki køth arïïa.

Mana Nyooth 11:6

Ni jïge da teek ki man mänge pöölö nee køth ba pädhe yïth nïro køpge dwør Jwøk. Ni jïge da teek bäät pïï ki man døøcge geni remø, ki teek man raanyge piny ki teeŋ jap räny piny bëët, kany wø manyge gø.