Jeremaya 5:17 - Wëël Jwøk

¹⁷ Beel ki caammi mou otwierge ni thöörge geni; wäätu ki nyïïu onäkge ni thöörge geni; dïëk mou ki dhäk mou oŋaalge ni thöörge geni; omøki mou ko olämmi mou oraanyge ni thöörge geni; ni raanyge päänye mou moa no ogeerø ni teek ni wø ŋääthu yøø.

Jeremaya 5:17 Iomraidhean Croise

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 62:9

'Ba jiy moo cooŋ beel, beel camge camø, ni pwøcge aani, a na Wuuö Jwøk, ni jiy moo cooŋ nyïïomøki, kwøk nyïïomøki omaathge yi kal mara na en kur keere.»

Aydheea 65:22

'Ba uudi moo geerge ba beet jø møøki, ni nyïïjenni moo piithge ba cam jø møøki. Kiper cwiiri mo jiya otïmö ni thööth kaamar cwiic jaath, ni ö jiya na näk yaa jierø ni mïn yïthge ki gïïa tïïcge ki ceŋge.

Jeremaya 1:15

Ennø, a na Wuuö Jwøk, jiy mo tiet mïëri moa en wï-piny bëët cwøla cwølø. «Ni ö nyeye moge ni öge ni cïpge wälle moge dhøk kiir mar Jerucalem, ni tukge gø ki deŋ kiir mare bäre, ki päänye mo Juuda bëët,

Jeremaya 25:37

Mïëri moa bëët jiyi yïthge ni yïthge met onikïïl ki køør wëër mar Wuuö Jwøk noo liel kaamar maac.

Jeremaya 4:26

Kanya rääŋa, ka adïëri møn, ŋöömma beer ni wø ciek ki cam mo päl ajooda no otïmö na dïtëën, ni jooda päänye moe bëët no onyaa piny ki køør wëër mar Wuuö Jwøk ni wø liel kaamar maac.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 5:18

«'Ba kar kaace, a na Wuuö Jwøk, u ba raanynya bëët.

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Jeremaya 50:7

Geni, gena thöör nyïïmänni moge bëët moa joot geni, ni kö nyïïmänni, ni ‹Wa kär bääyö kanya raanywa geni, kiper gena bääyö dëër Wuuö Jwøk ni wø joot adïëri baŋe, eni na Wuuö Jwøk na ŋääth kwäcge.›

Jeremaya 8:13

Geni, ge raanynya raanynyø na bäre, ni tïmge kaamar omøk mo bäŋ nyïëdi bääte, ni tïmge thuwø kaamar olaam mo bäŋ nyïëdi bääte, mo bøøkge onär, ni ö gïna cïba jïge ni käli wøk ceŋge.› » Luummögø caana Wuuö Jwøki.

Jeremaya 8:16

Da dööt okwëënyi mo jø leny mo nyïïmän mo wïnyö ki Daan; ni piny bëëdö ni miel ki dööt okwëënyi moge. Ni ö nyïïmänni ni raanyge piny ki japa en yie bëët, këël päänye ki jø wø bëëdö yïthge bëët.»

Wëël Kïmmö 2:12

Ni ge bëëdö ni geno räp piny nyeŋ jïëthe mo pääny kaamar ŋat ŋwellø, ni ge jwöŋö dëët mëëkge, na «?Age cam ki køøŋ nyïïomøki?» ni bëëtge ni ge thøwø kööth mëëkge.

Wëël Kïmmö 2:2

Kwäärö Wuuö Jwøk kwör bëëte bëët mo jic Jeekap araanynye, ni cwïnye käre warø. Kwör gwøk røk moa no ogeerø ni teek yïth päänye mo jø Juuda anyaa piny ki køør wëër mare. Eni buc nyec marge ki kwääri moge aleeŋ yïth ŋøøm ni pääta geni.

Edhikiel 36:4

kiper manøgønø, u na kïte mo Icriel, wïnynyu dwør Kwäärö Wuuö Jwøk. Luumma caan Kwäärö Wuuö Jwøki jïïu, u na kïte mo Icriel, ki thuuri, ka aleye, ki gøli, ki kwöra no oränynyö, ki u na päänye moa no odööŋ na tëën, na twier na tïmö na gïr abuua jï wïth juurre moa en deŋŋu,

Odheea 2:12

Jer omøki moe ki jer olämmi moe raanynya raanynyø, jer wø cääne kiperge, ni ‹Moi beege jammi moa maa ceŋ omëërri 'moa na cïpge jïra.› 'Ba geno tïïa na paap, ni puti ya lääc paapi cam ni thöörge ge.

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Jool 2:3

Maac bwödhö nyïmge ni räänyö, ni maac caatha køørge ni wääŋö. Kanyo poode dïkwøŋ, ŋöömö bëëdö ni caala ajïniina mana en Ëden nyïmge, 'ba kanyo tïme na køørge, ŋöömö ränynyö ni tïme na kaŋ, ni bäŋ gïn mo obøth dhøkge na bäre bäre.

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.

Jepaniya 3:6

Wuuö Jwøk aköö, ni «Aani wïth juurre anø raanynya, ni wëëga kwör gwøk røk moge na teek na en gøøde mo kiir ränynyö. Nyeŋ jïëthe moge anø raanynya, ni tïme ni bäŋ ŋat mo cäädhi ki yïthge; ni wëëga päänye moge niruuth ni bäŋ dhaanhø mo obøth na bäre bäre.

Milkiya 1:4

Kanymør jø Ëdöm köö, ni «Powa oraanynyø; 'ba waano duui ni cäŋwa kwöra no oränynyö geerrø.» 'Ba Wuuö Jwøk, eni na wïth jammi bëët, aköö, ni «Këël ge doo gëëdö, poot nyaa piny. Ni ö jiyi ni cwølge kaace ni po jøøa reyø, ni beege jøøa wëër Wuuö Jwøki ki geni na bäre bäre.

Tiet Ciik 28:33

Caammi mou moo ciek yi ŋöömmu, ki gïïa jootu ki køør öölö maru, ocam jiyi møøk mo dëëtge kuyu; 'ba mano jootu keere beeye thiel piny ki caannø cooth.