Jeremaya 5:15 - Wëël Jwøk

¹⁵ Ni cäŋ Wuuö Jwøki köö, ni «Ennø, u na jø Icriel, jiy mo käla paac mo bäär okäla baŋu ki man tukge uuni, ni beege jiy mo teek mo paac marge käla cøøn, mo dhøk marge kuyu, ni gïn wø caange ba wïnynyu.

Jeremaya 5:15 Iomraidhean Croise

Wïlöölö 11:7

Ni kö Wuuö Jwøki, «Øøni nø, beerra man cøø piny baŋge ni kierø wï dhøk marge kaace, kiper nee ŋati man nø nee dhi wati maya ba wïnynye.»

Aydheea 28:11

'Ba wøp nø, Jwøk jøøi poot cäänne cäännö ki dhøk jiy mo path ki dhøk juurre.

Aydheea 29:3

Aani a tïïö ki twïër deŋŋï bäre, ni tïïa ki kwör mo othørø kiper leny, ni wïra deŋŋï ki uut koor mo ogeerø ni ena maal.

Aydheea 29:6

Kwäärö Wuuö Jwøk, eni na wïth jammi bëët, oööi ni cwöba røk, ni jääl ïïni ki køth mo märö, ki dïjäŋ piny, ki dwøl mo löörö, ka atuunna, ki køth mo ree da atuunna, ki maac mo räänyö.

Aydheea 33:19

Uuni, jø atöör moøgø ba jootu këët, ni beege jø wø cäänö ni dhøk marge kuc, ni wø car luup mo tietge ba kwany, ni wø cäänö ni keda ge gwøŋ, ni tiet luup moge ba ci cwïny.

Aydheea 39:3

Køøre nyikuŋ Jwøk ma Aydheea aö baŋ nyeya ma Edhekaya ni kööe jïgø, na «?Aŋø, jøøgø ge carge ŋø? ?Ge kälge kaa?» Ni løgi ya Edhekaya, ni «Gena ö baŋa ni ge käla paac mo bäär døc; ge käla Babiløn.»

Aydheea 5:26

Eni ŋïï mare tïŋe maal nee joot wïth juurre moa kwörge bäyö, ni cwøl nyïïmän moa en teegi mo piny ki dwør lwiyø, nee laarge ö ni ge rwäänhnhö,

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 1:15

Ennø, a na Wuuö Jwøk, jiy mo tiet mïëri moa en wï-piny bëët cwøla cwølø. «Ni ö nyeye moge ni öge ni cïpge wälle moge dhøk kiir mar Jerucalem, ni tukge gø ki deŋ kiir mare bäre, ki päänye mo Juuda bëët,

Jeremaya 2:26

«'Ba kaawat man wø tïm wï kuuwi ni laay kany wø maai, wïth jø Icriel olääi, ni beeye geni, ki nyeye moge, ki jø kööre moge, ki dïlämme moge, ki nyïïkuk Jwøk moge,

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 4:16

Ni kö Wuuö Jwøki, ni «Ennø, caannu jï wïth juurre, ni køpu gø dï Jerucalem, ni jøw mo tiega paac oööi ki paac mo kare bäär, ni kwöŋge bäät päänye mo Juuda.

Jeremaya 5:11

kiper jø Icriel ki jø Juuda gena tïïö ki gïï mo reyø døc dëëra.

Jeremaya 6:22

Luumma caan Wuuö Jwøki beeye en, ena köö, ni «Ka adïëri møn, da wï jur mo öö ki yi paana en wï-piny, ni beeye wï jur mo teek mo ööa maal mo käla paac mo bäär.

Jeremaya 9:26

ni beege jø Ijep, ki jø Juuda, ki jø Ëdöm, ki jø Amön, ki jø Möap, ki jiy bëët mo wø bëëdö dï paap ni wø køc jïëc wïthge kiper juu moge. Kiper wïth juurre moøgø bëët bëëdö kaamar jiy mo kär daŋø, ni jø Icriel thuwø bëëdö kaamar jiy mo kär daŋø, kiper cwïnyge kärge cïbö jïra.»

Edhikiel 18:31

Kälu dëëtu wøk ki yïth japa reyø bëët na tïïyu; tïïyu cwïnynyu ni nyärö, ni tïïyu jwïëyu ni nyärö! ?Aŋø, u na jø Icriel, aperŋø ni manynyu thøø en?

Daniel 1:4

ni beege wøpe mo bäŋ möönynyö dëëtge, mo mïërö, mo wïthge kwel ni wïthge leer, mo nyeŋge reegø ki kwänynyö, ni tiet luup laara ci wïthge, mo orømø ki man tïïge paan dwøŋ. Ni tïïc geni nee pwönynyi ki göör luubö, ki dhøk mar jø Kaldia.

Daniel 7:7

«Køør manøgø kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋweer cwëënyi mo cwïny bwøk ki gø, mo di lwäärö, mo teek døc, ni jïre da lak mo døøŋŋø ma nywïëny. Kany wø cäme, cam pete petø ni thenh thenh ni løøny geni, ni nyør moa dööŋ ki tiete. Eni ba caal cwëënyi moa dïkwøŋ bëët, ni eni jïre da tuŋi apaar.

Amøc 6:14

'Ba Wuuö Jwøk, eni na wïth jammi bëët, aköö, ni «Uuni na jø Icriel en, jø leny mo tier paac mør owëëga ööny maal bäätu, ni tïïge dëëtu ki gïï mo leth dï pou bäre, ni tägi ka Amath këël mano këët waŋ Araaba.»

Abakuk 3:16

Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.

1 Körin 14:21

Kiper ogöörö yi Wëël Jwøk, ni Wuuö Jwøk aköö, ni «Beeye ki dhøk jiy mo path ki dhøk juurre noo cäänna jøøi ki gø. 'Ba këël ni näk ma enøgønø, mara ba wïnyge.»

Tiet Ciik 28:33

Caammi mou moo ciek yi ŋöömmu, ki gïïa jootu ki køør öölö maru, ocam jiyi møøk mo dëëtge kuyu; 'ba mano jootu keere beeye thiel piny ki caannø cooth.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,