Jeremaya 5:10 - Wëël Jwøk

¹⁰ Ni kö Wuuö Jwøki, ni «Cou yi pwöth omøki, ni beeye po jø Juuda, ni raanynyu gø, 'ba kär raanynyu bäre. Jäu bäätge wøk, kiper ge patha 'moa, a na Wuuö Jwøk;

Jeremaya 5:10 Iomraidhean Croise

2 Luup Nyeye 12:4

Ni mak päänye mo Juuda moa no ogeerø ni teek, ni ööe këël mana pïïe buut Jerucalem.

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

Jeremaya 2:21

'Ba aani, ïïna pïïdha kaamar omøk mo ojierø, mo käla røk köödhi ma liil. ?Aperŋø nø na wiilï bëëtö marï mana bëëdï ki aani ki gø, ni tïmï niï raac kaamar omøk mar paap en?

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 39:8

Jø Babiløn thuwø paan dwøŋ mar nyeya ki uudi mo jiy awaaŋge, ni nyaage kiir piny mar Jerucalem.

Jeremaya 4:27

Ni manøgø beeye luumma caan Wuuö Jwøki, na kööe, ni «Ŋöömö bäre oränynyi; 'ba ba raanynya bäre.

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Jeremaya 5:11

kiper jø Icriel ki jø Juuda gena tïïö ki gïï mo reyø døc dëëra.

Jeremaya 5:18

«'Ba kar kaace, a na Wuuö Jwøk, u ba raanynya bëët.

Jeremaya 5:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Edhikiel 12:16

'Ba aani jiy mo nøk dëëtge wiia wiiø ni kwøw ni ba nääa ko opëëllö, ki käc, ki täw. Kanyøgø nø, japa näk yia raac ki ge bëët na tïïcge caange caanø jï wïth juurre kwöra kïth geni yïthge, ni putge gø ŋäc ni bee aani na Wuuö Jwøk.»

Edhikiel 14:17

«'Ba ni näk mo opëëllö yaa jääŋŋö yi ŋöömö marge ni kööa, ni ‹Beerra man ö opëëllö ni wïr dï ŋöömö marge bäre,› ni ööa ni nääa geni ki lääy moge,

Odheea 1:9

Ni kö Wuuö Jwøki, ni «Cak nyeŋŋe ni Lö-ammi, kiper u paa jiya, naa paa Jwøk maru.»

Amøc 9:8

'Ba ennø, a na Wuuö Jwøk, nyeŋŋa ena bäät paac man wø tïïc raay, ni raanynya gø na bäre bäre bäät piny. 'Ba nyïïkwaac Jeekap ba raanynya bëët.» Beeye Wuuö Jwøk ni cäänö enø.

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.