Jeremaya 49:3 - Wëël Jwøk

³ Wui, u ni wø bëëdö Ëcbön, jwöŋu kiper Gaay aränynyö. Wui, u ni wø bëëdö Raaba, jwöŋu, ni kïthu keece dëëtu na abïïe, ni gööu ko oduuru, ni rïïŋu nou duda yi kiir; kiper jwøu ma Milköm okïth paac mør ni mak ka tøŋ, eni ki dïlämme moe ki jø wø tïny gø.

Jeremaya 49:3 Iomraidhean Croise

2 Camiel 11:1

'Ba kanya tïme ni piny otal ni bäŋ køth këët, ni beeye kany wø ci nyeye baŋ mäny, nyeya ma Deebit, Jöap ki kwääc lwaae mo leny møga këël jø leny mo jø Icriel bëët, ajääŋŋe baŋ leny; ni ö jøøgø ni cige ni raanyge jø Amön, ni putge päänya dwøŋ na cwøl ni Raaba tii dïër. 'Ba Deebit odööŋ paac yi Jerucalem.

1 Nyeye 11:33

'Ba nyec okäla wøk cer Cølöman, kiper geni aana nø wecge, ni nø wøørge Actaröth jwø jø Caydan, ki Kemöc jwø jø Möap, ki Milköm jwø jø Amön; ni kärge køøra caadhø, ni kärge tïïö ki gïï mo nëëni ni beyø ki jïra, ni kärge ciik 'moa ki luup ŋøl 'moa gwøø, kaawat mana ö Deebiti wää Cølömanni na gwøk gïïögø.

1 Nyeye 11:5

Kiper Cølöman atïmö ni caatha køør Actaröth, jwø jø Caydan, ki Milköm, gïna no otieŋø ni wø lam jø Amönni, ni wø raac yi Wuuö Jwøki ki gø.

2 Nyeye 23:13

Ni ö eni ni raany kwör lam moa en bäät Kïn Aranya na en jï løø kur tuul-cäŋ ki Jerucalem, na näk ogeer Cølömanni nyeny Icriel jï jwøa cwøl na Actaröth, na näk yi Wuuö Jwøk raac ki gø mar jø Caydan, ki jwøa cwøl ni Kemöc, na näk yi Wuuö Jwøk raac ki gø mar jø Möap, ki jwøa cwøl ni Milköm, na näk yi Wuuö Jwøk raac ki gø mar nyïïkwaac jø Amön.

Edhera 2:28

jø Bëthël ki jø Gaay beege jiy ma dïpa aciel ki pïërariiø ka adäk;

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 14:31

«Wui, dhi kiir, gööï ko oduuru! Wui, pääny, jwöŋï! Wui, u na jø Pilitin bëët, dëëtu kwanynye ki lwär! Kiper jïrö aöö ki wï-piny, ni beege jø leny mo dëëtge ege nø jek.

Aydheea 15:2

Ni ö jø Möapi mo wø bëëdö pääny Dibön ni cige kuna jwöŋge yïth uut jwøk marge bäät thuuri; ni ö geni ni gööge ko oduuru bäät päänye moge møga, ni beege Nebø ki Medeba. Ni ö jïëc wïthge bëët ni gwäärge ge wøk, ni lielge jïëc tïkge bëët.

Aydheea 16:7

Kiper manøgønø, jø Möap geno göö ko oduuru, geno göö ko oduuru ge bëët kiper poge. Cwïnyge opädhi ni kïmge kiper nyïïomøki moa näk omiinynyø na dhøgi mo pääny Kir-Ërë.

Aydheea 23:1

'Ba luumma nyooth Wuuö Jwøki kiper Tayar bee en: Wui, baabuure mo gath mo jø Tarcëc, gööu ko oduuru! Kiper Tayar araanynyi ni bäŋ øtø mo odööŋ wala kany wø maa baabuure yie; ni ö luum ränynyö mare ni wïnye yi ŋööm Caypara.

Aydheea 23:6

Wui, u ni bëëdö bäät naama dwøŋ en, gööu ko oduuru, ni bwøgu ni pööthu Tarcëc, paana bäär.

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Jeremaya 46:25

Wuuö Jwøk, Jwø Icriel, eni na wïth jammi bëët, ena köö, ni «Ka adïëri møn, aani, a kännö ka ajäla bäät jwøa cwøl na Amön ni wø en Tëbic, ki bäät Peerø nyeny Ijep ki jø Ijep, ki bäät juu moe ki nyeye moe, ki jø wø ŋääth Peerø bëët.

Jeremaya 48:2

Möap otïmö ni bäŋ ajiem jïre këët. Jø Ëcbön ogëëmö ki eni, ni köge, ni ‹Ööø maal ni raanynyø gø nee bëëde ni patha paac këët.› U ni wø bëëdö Matmën, wïthu odïïr, ni bëët opëëllö ni caatha køøru.

Jeremaya 48:20

'Ba mano løkge, ge köö, ni ‹Möap anyak, ni ö jiyi ni lää wïthge. Uuno jwöŋi ni gööu ko oduuru, ni gøøu gø piny bäät Naam Arnön bäre ni Möap araanynyi.›

Jeremaya 48:37

Kiper jiy bëët obëëdö ni wïthge ogwäär wøk, ni jïëc tïkge olielø, ni ceŋge oŋarø ki gïï mo beth, ni keece ege kïth dëëtge na abïïe.

Jeremaya 48:7

Uuni ki dëëtu, uuno mak ki tøŋ ni käl uuni, kiper uuna bëëdö nou ŋäätha tïïe mou ki jap kwärö mou. Jwøu ma Kemöc okïth paac mør ni mak ki tøŋ, eni ki dïlämme moe ki jø wø tïny gø.

Jeremaya 49:1

'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Jeremaya 51:8

Ki nyi kany mo thiinh, Babiløn opädhi ni ränynye; uuni, uuno jwöŋu kipere! Ni kännu ki jaath kiper ŋwiili moe; kanymør ŋwiili moe caŋŋø.

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Amøc 1:15

Ni ö nyeya marge ni käli no omaa, ge ki nyïïkuk moe bëët.» Gïnögø caana Wuuö Jwøki.

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Jeemeth 5:1

'Ba ööu nø, u no okwär, ni jwöŋu ni rëëdu kiper gïïo leth moo ö bäätu.

Jøcua 7:2

Køøre kanya en jø Icrielli Jerikö, Jøcua jiy ajääŋŋe paana cwøl ni Gaay, na en buut paana cwøl ni Bëëth-Awëën, na en løø Bëthël jï løø kur tuul-cäŋ, ni kööe jïge, ni «Cou ni liewu ŋöömmece.» Ni ö jøøgø ni cige ni liewge Gaay.

Jøcua 8:1

Køøre Wuuö Jwøk aköö jï Jøcua, ni «Kärï lwäyö ni ba bwøk cwïnyï. Lwør jø leny mo jø Icriel bëët, ni cou baŋ jø Gaay. Neenï, aani nyeny Gaay, ki jiye, ki pääny mare, këël ŋöömö mana näk mare bäre, yaa nø cïp cerï.

Jøcua 8:28

Køøre Jøcua Gaay aput waaŋ ni put gø raanynyø na bäre, ni dööŋe no nikïïl këël dïcäŋi en.