Jeremaya 49:29 - Wëël Jwøk

²⁹ Oduŋkaare ki dïëk moge okäl, ni käl gïïa en yïth oduŋkaare moge, ki jammi, ka athïrööle moge. Jiy okwöŋŋi bäätge ni köge, ni ‹Lwär mo dwøŋ piny apääŋe bäre.›

Jeremaya 49:29 Iomraidhean Croise

Wïlöölö 37:25

Køøre gena pï piny nee ge cämge. 'Ba na lwïthge, jø tuuŋ Icmiel mo dïgäthe ajootge ni öö ki yi Gelät ka athïrööle moge, ni ge käära dwøk ki mädhi ma teeŋi, ni kïtha Ijep.

Jööp 1:3

ni jïre da dïëk ma rööm ma kume abïriiø, ka athïrööle ma kume adäk, ki dhää puur ma kuma aciel, ka arëëni ma dïpe abïïc, ki jø tïïc mo thööth døc. 'Ba ena dhaanhø mo kare dwøŋ døc yïthakic jiy bëët moa en jï løø kur tuul-cäŋ.

Aydheea 13:20

Otïmö ni bäŋ jiy yie, ni ba beet, ki mano täge ri beenhnhø maneca këël mano këët røk beenhnhe moo ööi. Ni bäŋ jø Araba mo cwödha oduŋkaare moge yie, ni bäŋ dïkwääye mo tïïc lääc paac moge nee butge piny yie.

Aydheea 60:7

'Ba pïïth dïëk bëët mo jø Këdar ogwäär baŋï, ni ö nyöök rööm mo jø Nebayöt ni kønyï riï ki ge; geno jïëc ki man cïp geni no olämme bäät gïn wø cïp olämme bääte mara, a na Wuuö Jwøk, ni ööa ni jiema øtø mara na näk øt ajiem.

Jeremaya 10:20

Powa ma Jerucalem oränynyi kaamar oduŋkaara mo opädhö, mo thøøli moe ocöötö bëët; ni ö jø powa ni aacge yie, ni ge ba joot këët. Bäŋ dhaanhø mo powa cäŋe dwøk kare, ni bäŋe ŋat mo geer gø.

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Jeremaya 46:5

«?Aŋø, agïnaŋø na tägö ni nëëni jïra enø? Jø Ijep, dëëtge atïmö ni kwanynyi ki lwär, ni døøge ŋäthge. Otëëe mo leny moge abööti, ni bwøkge ni reŋge; ni bäŋ ŋat mo olwïthö ŋääe, ni ö lwärri mo dwøŋ ni pääŋ piny bäre.» Luummögø caana Wuuö Jwøki.

Jeremaya 49:24

Jø Damacka bäätge opädhi, ni løkge ŋäthge ni reŋge. Cwïnyge obwøk, ni ö lwärri mo dwøŋ ni mak geni, ki rääm mo caala rääm dhaagø mo ree da mäc lwaar.

Jeremaya 49:5

'Ba ka adïëri møn, a na Kwäärö Wuuö Jwøk, a na wïth jammi bëët, a känna bäätu ki gïr lwär mo dwøŋ, mo öö ki løøi ki løøi. Uuno riem wøk ni bäŋ ŋat mo lwïthi ŋääe, ni kanyo reŋu, bäŋ ŋat mo rwöp uuni kanya ciel.

Jeremaya 6:25

Käru ci yïth pwöth, ni ba cäädhu uutjïëthe, kiper nyïïmän 'moø ceŋge da tøøŋi, ni lwär mo dwøŋ piny ee pääŋö bäre.

Abakuk 3:7

Aani ajooda no oduŋkaare mo jø Kucan ge jäärö, no oduŋkaare mo jø Midien ge leeŋŋa rege.

2 Körin 4:8

Gïï mo leth wø jwørwa jwørø ki yïth jammi bëët, 'ba wa bäŋ wø ŋiithge. Yïthwa wø thäŋŋö, 'ba yïthwa ba cwat.

2 Körin 7:5

'Ba këël na pïïcwa Macedönia, bäŋ jwöm mo ewa joodø. Waana jïtö ki gïï mo leth ki yïth jammi bëët. Ŋaap atïmö ni ena bäätwa, ni tïm cwïnywa ni lääŋŋa gïn mør.

Pïëmme 6:5

Kiper kany wø öge, ge ööi ka lääc paac moge bëët ko oduŋkaare moge, ni ge thööth døc ni caala bäänyö; ni geni ka athïrööle moge bëët, ge ba løny ki kwaan. 'Ba ge wø ööi ni ge raanynya ŋöömö manøgø møn.

Pïëmme 7:12

'Ba jø Midien ki jø Amalëk ki jø wø bëëdö jï løø kur tuul-cäŋ, dï gool manøgø bäre ege gääbö, ni kwäänge thööth døc kaamar lwaa bäänyö; këël athïrööle moge ba løny ki kwaan, kiper ge thööth døc ni kwäänge caala nyeŋ akwöny deŋ naama dwøŋ.

Pïëmme 8:21

'Ba Jeeba ki Jalmuuna gena köö jï Gidien, ni «Ïïni ki dëërï, ö maal ni laarï wa 'näk; kiper ïïna dïcwøø ni jïrï da teek.» Kanyøgønø, Gidien aö maal ni 'näk Jeeba ki Jalmuuna, ni put jap mïërö moa en cwäk athïrööle moge käl.

Pïëmme 8:26

'Ba gwet ïdhi moa näk tïïc ka warkey moa pëëny Gidienni atïmö na rumme ma kuma aciel ki dïpe abïriiø, ni røm ka rumi mana cwøl ni cekel; 'ba gwet cwägi ki gwet ïdhi ma teeŋi teeŋi, ka abïïe mo perge leth ma dïmuur moa käär nyeye mo jø Midien, ki jap mïërö moa en cwäk athïrööle moge kär kwaan rege.