Jeremaya 49:24 - Wëël Jwøk

²⁴ Jø Damacka bäätge opädhi, ni løkge ŋäthge ni reŋge. Cwïnyge obwøk, ni ö lwärri mo dwøŋ ni mak geni, ki rääm mo caala rääm dhaagø mo ree da mäc lwaar.

Jeremaya 49:24 Iomraidhean Croise

Wïlöölö 3:16

Ni kö Wuuö Jwøki jï dhaagø, ni «Rääm marï omeeda døc ri nyöödö marï; ï jïtö ki rääm ri lwaar marï ko obwöre. Cwïnyï otïmö ni ena køør cwørï, ni tïmï niï bëënna gø.»

Aydheea 13:8

'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Jeremaya 30:6

Pëënynyu dëëtu mø, ni raŋŋu gø døøc, nee da dïcwøø mo olwaar ki nyilaal. ?A ennø, aperŋø ni jooda cwøw bëët ni ŋati man nø piere ee maa ki ceŋŋe kaamar dhaagø mo ogøøc mäc lwaarri en? ?Na aperŋø ni nëën täärnyïm ŋati man nø no oniduk ki lwär en?

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 48:41

Päänye mo Möap omak ki tøŋ, ni mak kwör leny moe moa näk ogeerø ni teek. Dïcäŋöca cwïny otëëe mo Möap otïmö kaamar cwïny dhaagø mo ree da mäc lwaar.

Jeremaya 49:22

Ka adïëri møn, jø leny öö ni läänna kuna tukge Bödhra kaamar odhuuth mo bwöpe ee peerø mo läänna baŋ lääy; ni dïcäŋöca cwïny otëëe mo Ëdöm otïmö kaamar cwïny dhaagø mo ree da mäc lwaar.»

Jeremaya 49:29

Oduŋkaare ki dïëk moge okäl, ni käl gïïa en yïth oduŋkaare moge, ki jammi, ka athïrööle moge. Jiy okwöŋŋi bäätge ni köge, ni ‹Lwär mo dwøŋ piny apääŋe bäre.›

Jeremaya 49:37

Aani na Wuuö Jwøk, jø Ilam cwïnyge owëëga bwøk nyïm nyïïmän moge, nyïm jø wø many jwïëcge; aano kän bäätge ki gïn mo leth ki køør wëër mara ni wø liel kaamar maac. Tøŋ ojääŋŋa køørge këël mano thööra geni.

Jeremaya 50:43

Nyeny Babiløn gïna caan kiper jø leny moøgø awïnynye, ni ö bääte ni pädhe; ni ö lwärri mo dwøŋ ni mak eni, ki rääm mo caala rääm dhaagø mo ree da mäc lwaar.

Jeremaya 6:24

Waani gïna caan kiper jø leny moøgø awïnywa, ni ö bäätwa ni päthge, ni ö lwärri mo dwøŋ ni mak waani, ki rääm mo caala rääm dhaagø mo ree da mäc lwaar.

Odheea 13:13

Rääm mo leth mo caala man wø lwaarø ki nyilaal atägö dëër Ipariem. 'Ba eni caala nyilaal mo wïïe ba leer. Kiper kanya pïïc kar lwaar mare man lwaarø ki gø, wïïe käre nyuuth wøk.

Mathiew 24:8

'Ba gïïögø bëët beege nyäät gïï mo leth moo tägi.

Maak 13:8

Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør. Ni tïm kwör mo thööthi ni jäŋŋi, ni jït pinynyi ki meel. Ni gïïögøøni beege nyäät gïï mo leth moo tägi.