Jeremaya 49:2 - Wëël Jwøk

² Kiper manøgønø, ka adïëri møn, da nïne mo öö mo a na Wuuö Jwøk, a kännö ki jø leny mo ge ööi ni ge kudhö ki tuŋi, ni ge ööa kuna tukge Raaba, pääny mar jø Amön. Ni ö päänyögø ni ränynye ni needwöt, ni ö mïëri moa en deŋŋe ni waaŋi. Køøre Icriel ŋöömme olwøre ceŋ jøøa käl gø cere.

Jeremaya 49:2 Iomraidhean Croise

2 Camiel 11:1

'Ba kanya tïme ni piny otal ni bäŋ køth këët, ni beeye kany wø ci nyeye baŋ mäny, nyeya ma Deebit, Jöap ki kwääc lwaae mo leny møga këël jø leny mo jø Icriel bëët, ajääŋŋe baŋ leny; ni ö jøøgø ni cige ni raanyge jø Amön, ni putge päänya dwøŋ na cwøl ni Raaba tii dïër. 'Ba Deebit odööŋ paac yi Jerucalem.

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 17:1

'Ba luumma nyooth Wuuö Jwøki kiper Damacka bee en: «Neennu, Damacka kare aløny ni cään ki man tïme ni paa pääny, eno pädhi ni neeruuth.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Jeremaya 49:1

'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Edhikiel 21:20

Kïth øtjöö aciel ki nyuudhi kiper opëëllö mano ööi ni cøøa Raaba, pääny jø Amön, ni kïthï øtjöö maya ki nyuudhi mo nyootha Juuda ki Jerucalem na näk ogeerø ni teek.

Edhikiel 21:25

« ‹Wui, ï na dïbwödhi mana raac mar Icriel, ni wø tïïö ki gïï mo reyø, ï na caa marï oløny ni öö, ni caa mar ajäla marï mana näk aŋuudi opïï,

Amøc 1:14

Kiper manøgø nø, maac ojääŋŋa, ni waaŋ kiir mar paana cwøl ni Raaba, ki uudi moa teek na en yie. Ni tïme ni da dïlweel dïcäŋo këël leny yie, ni tïm lenynyi ni teek kaamar atuunna.

Obadiya 1:19

Kanyøgø jøøa en dïtëën mana en jï løø tier-piny mar ŋööm Juuda, ŋøøp jø dhi øt Icøø na en bäät kïte olwørge, ni ö jøøa en tiet kïte jï løø kur pänh-cäŋ ni lwørge ŋøøp jø Pilitin na marge. Geni thuwø ŋøøp jø Ipariem ki ŋøøp jø Cameria olwørge na marge. Ni ö jø tuuŋ Benjamen ni lwørge ŋøøp jø Gelät na kurge.

Kwään Jiy 10:9

'Ba kany wäro cou baŋ leny nou këëdu ki nyïïmännu mo wø many uuni nou dïïmge yi ŋöömmu, tuŋi doo koodhø ni di layø, kiper nee Wuuö Jwøk na näk Jwøu wïïe pare ki uuni, ni piem uuni ceŋ nyïïmännu.

Kwään Jiy 21:25

Ni ö jø Icrielli ni macge päänye moøgø bëët na näk mo jø Amör, ni bëëtge yïthge, ni rwöpa Ëcbön ka atude moe moa en buute bëët.

Tiet Ciik 13:16

Køøre gïïo twierru yie bëët wär cooŋu kanya ciel kar acooŋa mar päänyögø, ni waaŋŋu pääny ki gïïa twierru bëët, ni tïmge ni ge caala olämi man wø waaŋ bäre jï Wuuö Jwøk na näk Jwøu; ni tïm wï päänyöca no oränynyö na bäre bäre, ni ba cäŋ geerø këët.

Tiet Ciik 3:11

'Ba Ög nyeny Baacan, kanya poode ni eni kär thøw, beeye eni keere na no odööŋ ri juna cwøl ni Rapayim. Pëëm mare beeye pëëm nywïënyö, ni poot di joodø po nyïïkwaac Amön, päänya cwøl ni Raaba. Bäc pëëm manøgø beeye rumme abïŋween, ni dööŋ yie beeye rumme aŋween, mo røm ka cenø.

Jøcua 17:11

'Ba päänye møøk moa en yïth ŋøøm mo jø tuuŋ Icakar ki ŋøøm mo jø tuuŋ Acer na ci jï jø tuuŋ Maneeca beege Bëëth-Can ka atude moe moa en buute, ki Ibleäm ka atude moe moa en buute, ki Dör, paana en bäät kïdi, ka atude moe moa en buute këël jiy moa bëëdö yïthge, ka Endör ka atude moe moa en buute ki jiy moa bëëdö yïthge, ki Tanak ka atude moe moa en buute ki jiy moa bëëdö yïthge, ki Megidø ka atude moe moa en buute ki jiy moa bëëdö yïthge.

Jøcua 17:16

'Ba nyïïkwaac Jocep aköö, ni «Mïëya en bäät kïte ba rømi kiperwa møn, këël jø Keenan thuwø moa en yi ŋöömma näk gool, ge ba løny böötö jïwa, kiper jïge da jïëthe mo wø tut okwëënyi mo tïïc ka nywïëny, ni beege jø Keenan moa en Bëëth-Can ka atude moe moa en buute ki moa en goor Jedhriel.»