Jeremaya 49:19 - Wëël Jwøk

¹⁹ Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 49:19 Iomraidhean Croise

1 Luup Nyeye 12:15

'Ba kanya tïm pinynyi na cwiir ki dwääy mana dïkwøŋ, ni Naam Jördan opäŋ døc ni kwönna wøk bäät ageela, jøøgø gena ŋut løøga, ni riemge jø wø bëëdö yïth gøli moa en jï løø kur tuul-cäŋ ki jï løø kur pänh-cäŋ.

2 Luup Nyeye 20:6

ni kööe, ni «Wui Wuuö Jwøk, Jwø kwäcwa, ?aŋø, ï patha Jwø wø en maal bäre? ?Patha ï wø käär bure bëët mo wïth juurre? Dööŋ kar ki teek ena cerï, ni bäŋ dhaanhø mo cuŋŋö nyïmï.

Jööp 41:10

ni bäŋ ŋat mo kam gø, kiper eni wïnni døc. ?A ennø, aŋa ni løny jïre ki man gëëme ki aani?

Jööp 9:19

Ni näk mo gïn mo tïïc ka teek, teek mare dwøŋŋa eni. ?'Ba ni näk mo gïn mo tïïc ka løøk, aŋa noo cwøl eni kar løøk?

Jööp 9:21

«Këël na bëëda ni bäŋ gïn mo jøøŋŋi ri bëëtö mara, bäŋ gïn mo caana kiper dëëra, kiper bëëtö mara yaa taaø.

Bwøth Wøk 15:11

«Wui Wuuö Jwøk, ?aŋa ni pääri ki ïïni dï juu bëët? ?Aŋa ni pääri ki ïïni na dwøŋ, ni bëëtö mare ena kur keere? ?Aŋø, paa ï na Jwøk keerï na doo lwäärö kiper ajiem marï ki gïï wø rëëm ec ni wø tïïyï?

Aydheea 40:25

Wuuö Jwøk na en kur keere aköö, ni «?Aano päänynyu gø ki ŋa? ?Aŋa ni röömwa ki gø?»

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Jeremaya 12:5

'Ba aløk Wuuö Jwøki jïra, ni «?Ni näk mo ïïno läätö ki jø ŋwïëy, ni öölï køørge, ïïno läätï nidïï ki jø wø rïïŋi ki bäät okwëënyi? ?A ni näk mo bëëtö marï otïmö ni teek yi paac mo nuta bëët mëër yie, ïïno bëëdï nidïï yi lura cøl bäät Naam Jördan?

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 30:21

Dïbwödhi marge otïmö na ŋat mo ena rege, ni beeye kwäärö mo käla dëëtge. eno nyïïa buuta, ni ö baŋa. ?Kiper aŋa ni løny jïre keere ki man ö baŋa, a na Wuuö Jwøk?

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Daniel 7:4

«Cwieny mana dïkwøŋ caala ŋuu, ni jïre da bwöm mo caala mo odhuuth. Aana bëëdö naa raŋŋa gø këël mana ö bwömmi moe ni pudhi wøk, no otïŋ maal no othïïŋö ni cuŋŋö ki tiel ariiø kaamar dhaanhø, ni cïp acaara mar dhaanhø jïre.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Dhekaraya 11:3

Cegu ïthu ko oduuru mar dïkwääc dïëk, kiper kar kwaath mana no oløth ni pulli aränynyö! Cegu ïthu ki märö mar ŋuuwe, kiper lur Jördan mana no odhïŋ aränynyö.

Kwään Jiy 16:5

Køøre ena cäänö ki Köra ki jøøa cäädhe ki geni, ni kööe, ni «Diøø ka amöölla Wuuö Jwøk ŋata näk ee jierø na mare na näk ee cïp kur keere onyoodhe, ni tïïc gø nee nyänh buute. Eni ŋato jiere otïïe nee nyänh buute.

Jøcua 3:15

'Ba kar kaace beeye kany wø kac caammi, ni Naam Jördan opäŋ døc kiree. 'Ba kanya ö dïlämme moa biel acanduk na pïïcge bäät Naam Jördan, kanya gutge pïï ki tietge jaak,

Mana Nyooth 6:17

Kiper cäŋa dwøŋ na näk mar wëër marge apïï. ?Na aŋa noo maar cuŋŋö?»