Jeremaya 49:16 - Wëël Jwøk

¹⁶ Wui, u ni wø bëëdö yïthakic kïte, ni bäät thuuri moa bäyö you maaø, lwär mana lwäär uuni ki gø, ka atöör mana en cwïnynyu, wïthu amaaŋge. Këël kwör bëëte mou doo ena maal kaamar øt odhuuth, u 'duua pinyi en ki kaace.

Jeremaya 49:16 Iomraidhean Croise

2 Nyeye 14:7

'Ba Amaciya jø leny mo jø Ëdöm mo jïtö ki kume apaar anääe yi goor Acäbö, ni mak Cela ki leny, ni put nyeŋ gø cak ni Jökthiël, këël man bëëde dïcäŋi en.

Jööp 39:27

?Aŋø, bee ïïni ni wø kööm olwiith nee määt maal kuya, ni geer øde bäät kïte mo ena maal døc?

Pwöc Leec Wïc 16:18

Atöör wø bwøtha maal, køøre ki ränynyö, ni ö koorrø ni bwøth maal, køøre ki pädhö.

Pwöc Leec Wïc 18:21

Kwøw ki thøø ena cer leep, ni jø wø mëër ki cäänö ojäŋ ki gïï wø duu leepi.

Pwöc Leec Wïc 29:23

Atöör mar dhaanhø, dhaanhø wø dwøge piny, 'ba ŋat mo bëëdö ni dëëre ee dwøk piny wø jïtö ki wödö.

Obeec Dudi 2:14

Wui, omëëya, ï ni caal akuuru mo ena yïth aleye ki yïth kïte, mo ree ee kanø kany mo diiny deŋ kïdi en, beerra man nyoothï täärnyïmï jïra, ni tïïyï dwørï nee wïnynya, kiper dwørï met ni täärnyïmï mïërö.

Aydheea 10:14

Aani cera apïï baŋ jap kwärö mo jiy kaawat man wø pïïc cenø baŋ øt wenyø; kaawat man wø ö dhaanhe wø cooŋ tøk wenyø mo odööŋ keerge, aani jø bäät piny bëët acooŋa kanya ciel, ni bäŋ aciel mo gööge ee tïŋ maal wala mo dhee ee ŋaamø, wala mo oköök.»

Aydheea 2:21

Geno reŋ kwöra ŋammø yïth kïte ki kwöra no okaaŋŋø yïth kïte, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 49:25

Ka adïëri møn, man beeye dwør Wuuö Jwøk, ena köö, ni «Këël jiy mo omaaø ki tøŋ di lwørø cer oteeø, ni ö jap twëër ni lwøri cer ŋat mo wïnni. 'Ba aani, a ŋäbö ki ŋat wø ŋäbö ki uuni, ni piema obwöre mou.

Jeremaya 48:14

«?U na jø Möap, aŋø ni wø kööu, ni ‹Waano otëëe, ni waana jiy mo këëdö ki leny mo teek.›?»

Jeremaya 49:15

Ni kö Wuuö Jwøki jï jø Ëdöm, ni «Ka adïëri møn, karu tïïa tïïö ni bäŋgø dï wïth juurre, ni ö jiyi ni taakge uuni.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 51:53

Kiir Babiløn, këël na bëëde no ogeerø no opïï maal kuya, ni tïïc kwör leny moe ni teek døc, jø wø räänyö ge poot jääŋŋa jääŋŋö ni cige baŋe.» Luummögø caana Wuuö Jwøki.

Amøc 9:2

Këël ge doo dønynya yi kar bëët jwïëc jøøa no othøw, geno käla wøk kaace ki cera; këël ge doo cøøa maal, geno duua piny ki kunöce.

Abakuk 2:9

«Otïmö ni raac jï ŋat wø gwän øde ki jammi ki jöö mo raac, ŋat wø bëëdö ni øde ee geer maal kaamar øt wenyø, nee bäŋe gïn mo raany gø.

Milkiya 1:3

ni männa ki Icøø, ni raanynya poge na en bäät kïte, ni wëëga wï poge dööŋŋö jï othööe na näk lääc paap.»