Jeremaya 49:13 - Wëël Jwøk

¹³ A na Wuuö Jwøk, aana kööŋ ŋëëta keera, ni Bödhra, pääny Ëdöm, oränynyi ni tïme na gïn mo cwïny jiy böö ki gïno tägi dëëre, na gïr ajøøŋ, na gïr acïëni, ni ö päänye moe bëët ni nigeruuth na bäre bäre.»

Jeremaya 49:13 Iomraidhean Croise

Wïlöölö 22:16

ni kööe, ni «Mana caan Wuuö Jwøki beeye en, ena köö, ni ‹Kiper gïna tïïyï enøgø, ni kärï wäädï ma aciel keere mänö,

Wïlöölö 36:33

Køøre Bëla athøw, ni ö Jöbap o Dheera nyï Bödhra ni tïme na nyeya kar gø.

1 Luup Nyeye 1:44

Køøre Bëla athøw; ni ö Jöbap o Dheera nyï Bödhra ni tïme na nyeya kar gø.

Aydheea 34:6

Opëëllö mare ogääbi ki remø bäre. Ree orwødhe ki dwäle, ni rwøth ree ki rem mo caala rem mo nyïï rööm ka atëëe, ki dwäle mo caala dwäle mo røgi mo nyöök rööm. Kiper Wuuö Jwøk jiy onääe yi Bödhra, kaawat man wø 'näk lääy mo wø cïp no olämme, ni tïïc 'näk mana dwøŋ døc yi ŋööm Ëdöm bäre.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 63:1

?Aŋø, man aŋa ni ööi ki Ëdöm, ni ööi ki yi Bödhra ni eno ruyö ka abïï mo kwaar en? ?Man aŋa no oruyö ni mïërö ni cäädhi ni dwøŋ ki teek mare en? Ni løk gø, ni «Bee aani ni wø car luup ni thïïŋ, ni wø jïre da teek ki man piem jiy.»

Jeremaya 18:16

'Ba ŋöömö marge oränynyi, ni tïme na gïr abuua na bäre bäre. Ni ö jiyi bëët mo opöödhi ki buute ni thäŋ yïthge, ni putge wïthge keny.

Jeremaya 19:8

Aani thuwø, pääny man tïïa tïïö nee ränynye, ni tïme na gïr abuua. Ni ö jiy bëët mo wø pöödhi ki buute ni buuge gø ni thäŋ yïthge kiper gïïo leth noo pïï dëër paani.

Jeremaya 44:26

«'Ba u na jø Juuda bëët, u ni bëëdö Ijep en, wïnynyu dwør Wuuö Jwøk. Wuuö Jwøk aköö, ni ‹Ennø, aana kööŋ ŋëët nyeŋŋa na dwøŋ nee bäŋe dhaanhø mo nyeŋŋa cura dhee këët røk jø Juuda bëët moi ni en Ijep ii, ni mare kööŋ ri nyeŋŋa, ni «Ŋëët Wuuö Jwøk, Jwøa kwøw.»

Jeremaya 48:24

ki Kiriöt, ki Bödhra, ki päänye bëët moa en yi ŋööm Möap, moa kwörge bäyö ki moa kwörge cärö.

Jeremaya 49:22

Ka adïëri møn, jø leny öö ni läänna kuna tukge Bödhra kaamar odhuuth mo bwöpe ee peerø mo läänna baŋ lääy; ni dïcäŋöca cwïny otëëe mo Ëdöm otïmö kaamar cwïny dhaagø mo ree da mäc lwaar.»

Jeremaya 51:14

Wuuö Jwøk, eni na wïth jammi bëët, ena nø kööŋ ŋëëte keere, ni ‹Ka adïëri møn, aani, jø leny mo thööth mo caala lwaa bäänyö ojääŋŋa bäätï, ni kwöŋge bäätï kanyo böötge ïïni.› »

Jool 3:19

Ijep ränynyö ni tïme na tëën, ni ö Ëdömmi ni tïme na paap mo otal, kiper gïïa leth na tïïcge dëët jø Juuda, ni beeye yi ŋöömma kønyge rem jiy piny yie mo bäŋ gïn mo ege baaø.

Amøc 1:12

Kiper manøgø nø, maac ojääŋŋa, ni waaŋ paana cwøl ni Tëman, ki uudi moa teek na en dï Bödhra.»

Amøc 6:8

Wuuö Jwøk, eni na wïth jammi bëët, akööŋ dëëre keere ni kööe, na «A män ka atöör mar jic Jeekap, ni yia raac ki uudi moge na teek; kiper manøgø nø, pääny marge ki gïïa en yie bëët ocïba ceŋ nyïïmän moge.»

Obadiya 1:18

Dhi øt Jeekap otïmö kaamar maac, ni ö dhi øt Jocep ni tïme kaamar leep maac; 'ba dhi øt Icøø otïmö kaamar lethø, ni puti ya jøøgø nyep ni thööri ya maaci, ni ö dhi øt Icøø ni put tïmö ni bäŋ dhaanhø mo dööŋ yie.» Manøgø caana Wuuö Jwøki.