Jeremaya 49:1 - Wëël Jwøk

¹ 'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Jeremaya 49:1 Iomraidhean Croise

Wïlöölö 19:38

Ni ö nyaana thiinhnhi ni nywøl dhaanhø mare na dïcwøø thuwø, ni cak nyeŋ wääde ni Ben-Ami; ni beeye na kwar jø Amön këël dïcäŋi ennø.

2 Nyeye 10:33

mana en jï løø kur tuul-cäŋ ki Naam Jördan, ni beeye ŋööm Gelät bäre, man wø bëët jø tuuŋ Gaati yie, ki jø tuuŋ Ruben, ki jø tuuŋ Maneeca. 'Ba ŋøøpøgø tägi ka Aröör, paana en bäät waaŋ Naam Arnön, ni rwöpa ŋööm Gelät ki ŋööm Baacan bäre.

2 Nyeye 24:2

'Ba Wuuö Jwøk dïtwïëte mo jø Babiløn, ki mo jø Aram, ki mo jø Möap, ki mo jø Amön, ajääŋŋe baŋ Jeyöakëm, ni ge jääŋŋe kaper nee mïëc Juuda raanyge, ki køør dwøre mana caane ki dhøk jiye ma nyïïkuk Jwøk.

2 Luup Nyeye 20:1

'Ba kanya tïme na køøre cään, jø Möap ki jø Amön ge ki jø møøk røk jø Meunim gena ö kuna këëtge ki Jøcapat.

2 Luup Nyeye 20:23

Kiper jø Amön ki jø Möap gena ö maal kuna këëtge ki jø Ëdöm, ni dïïrge wïth jø Ëdöm bëët. 'Ba kanya nø thöörge jø Ëdöm bëët ki 'näk, gena ö maal ni këëtge ki rege keerge, ni putge wïthge dïïr.

Neemiya 2:19

'Ba kanya ö Cenbalati nyï Örönaim, ki Thöbiya ŋat köör ma nyï Amön, ki Gëcam nyen ma Araba, na wïnyge luum gïno tïïcwa, waana putge buuö ni ŋeethge bäätwa ni köge, ni «?Gïnö ni tïïyu enø agïnaŋø? ?Aŋø, uuni, maru ageem ki nyeya?»

Neemiya 4:7

'Ba kanya ö Cenbalati ki Thöbiya, ka Arabe, ki jø Amön, ki jø Acdöt na wïnyge gø ni kiir mar Jerucalem tïïc mare ki man dwøgi kare cäädhö ni beer, ni kwöra ŋammø onø dïïr, geni, gena put wëër døc.

Jeremaya 12:14

Mana caan Wuuö Jwøki beeye en, ena köö, ni «Ka adïëri møn, mïëc wïth juurre moa reyø na kïïö ki jiya, na tuk paac mana cïba jï jiya ma jø Icriel, ge cööda wøk yïth ŋøøpge, ni cööda jø Juuda wøk thuwø yïthakicge.

Jeremaya 25:21

ki jø Ëdöm, ki jø Möap, ki jø Amön;

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 27:3

Ni jääŋŋï dwøl baŋ nyeny Ëdöm, ki nyeny Möap, ki nyeny Amön, ki nyeny Tayar, ki nyeny Caydan, ni jääŋŋï ka jøøa jääŋŋi na ö Jerucalem baŋ Cëdëkiya nyeny Juuda.

Jeremaya 48:1

'Ba man beeye luumma caan Wuuö Jwøki, Jwø Icriel, eni na wïth jammi bëët, kiper Möap, ena köö, «Otïmö ni raac jï Nebø, kiper eno nyak. Ni ö Kiriatayimmi ni maai ki tøŋ, ni lää wïth jiy moa en yie; ni ö jø wø bëëdö kwöra näk ogeerø ni teek ni bwøk cwïnyge, ni tïm wïthge ni laay.

Jeremaya 49:23

'Ba man beeye luumma caan Wuuö Jwøki kiper Damacka, ena köö, ni «Jø Amath ki jø Arpat wïthge otïmö ni laay, kiper noo wïnyge waac mo reyø. Cwïnyge opädhi ni bëët cwïnyge ni ba pï piny kaamar naam mo yie da athaga.

Jeremaya 49:28

'Ba man beeye luumma caan Wuuö Jwøki kiper Këdar ki mïëri moa en ya Adhör moa dïïm Nabukedenecörri nyeny Babiløn, ena köö, ni «U ööa maal, ni cou kuna tugu Këdar, nou raanynya jø wø bëëdö jï løø kur tuul-cäŋ.

Jeremaya 49:7

'Ba man beeye luumma caan Wuuö Jwøki, eni na wïth jammi bëët, kiper Ëdöm, ena köö, na «?Aŋø, bäŋ jiy mo wïthge leer këët Tëman? ?Aŋø, pwöc atïmö ni bäŋgø baŋ jøøa nyeŋge reegø? ?A leec wïc marge aränynyö?

Edhikiel 21:25

« ‹Wui, ï na dïbwödhi mana raac mar Icriel, ni wø tïïö ki gïï mo reyø, ï na caa marï oløny ni öö, ni caa mar ajäla marï mana näk aŋuudi opïï,

Edhikiel 25:1

'Ba dwør Wuuö Jwøk aö bääta ni kööe,

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Kwään Jiy 1:24

Ki røk nyïïkwaac Gaat: Cwøw bëët moa näk cwiicge tägi ka pïërariiø këël mo kaala pïërariiø, moa näk løny jïge ki man cige baŋ leny, nyeŋge agöör piny na aciel aciel ki køør tuŋi moge ki køør dhøk uudi moge.

Tiet Ciik 2:19

'Ba kanyo tïm karu ni cään nou dïët ki ŋööm nyïïkwaac Amön, kär geni miinnu, ni ba kammu geni ki leny, kiper bäŋ gïn mo cïba jïïu røk ŋøøp nyïïkwaac Amön, kiper ŋöömmögø yaa nø cïp jï nyïïkwaac Løøt nee bëëde na marge.›

Tiet Ciik 23:3

«Kär dee ŋat Amön wala ŋat Möap mo dunynya dï acooŋa mar Wuuö Jwøk; ni bäŋe nyïïkwaacge mo døny dï acooŋa mar Wuuö Jwøk këël mano këët ri beenhnhe apaar,

Tiet Ciik 23:4

kiper ge kär ö kuna jølge uuni ni ge käädö ki pïï ki caammi kanya enu øtjöö nou ö wøk ka Ijep. 'Ba geni Beelam o Beeyör na käl yi Patura na en Mecöpatemia aŋeewge ki gwel kiper nou ciene.