Jeremaya 48:36 - Wëël Jwøk

³⁶ «'Ba gïr jø wø bëëdö Kir-Ërë, ki dï Möap bäre, okïïna ki cwïnya kaamar ŋat wø jwøk jwøk thøø ko opelø, kiper jap kwärö moa jootge oränynyi.

Jeremaya 48:36 Iomraidhean Croise

2 Nyeye 3:25

Ni putge päänye nyak; ni ö ŋati man nø ni lëëŋ yi pwödhö mana beer man nø ki kïdi, ni putge pwöth pääŋ ki kïte. Ni dïïrge dhøk jøør bëët, ni ŋøtge jenni piny bëët moa beyø. 'Ba kiir mar pääny Kir-Ërë na no ogeerø ki kïte beeye na dhäthö jïge keere. 'Ba jiy mo wø thöödhö ki kïte, ni ge thöödhö ko ojøye mo kaae, gena cøø ni cielge päänyögø dïër ni tukge gø.

Pwöc Leec Wïc 11:4

Jap kwärö dhaanhø ba kønyge cäŋ ajäla, 'ba bëët bëënynyö dhaanhø wø käle wøk cer thøø.

Pwöc Leec Wïc 13:22

Dhaanhø mo beer wø wëëö ki gïï wø dööŋ jï nyïïkwaaye, 'ba jammi mo jø raay wø dööŋ jï jøøa marge beer.

Pwöc Leec Wïc 18:11

Jap kwärö mo dhaanhø caala pääny mo ogeerø ni teek ki jïre, ni ee caarø ni beeye kiir mo bäär mo gwøga eni.

Aydheea 15:5

'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Aydheea 15:7

Kiper manøgønø, gena aay ni jammi moa en jïge na thööth na näk ege kaannø käärge käärö këël mana ŋølge waŋ Naam Erabim.

Aydheea 16:11

Kiper manøgønø, aana bëëdö naa kïïna gïr Möap ki cwïnya kaamar ŋat wø jwøk jwøk-thøø ki thoom; ni bëëda naa kïmmö kiper Kir-Ërë.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Jeremaya 17:11

Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Jeremaya 48:31

'Ba kiper gïïögø bëët, cwïnya opädhi kiper Möap, ni jwöŋa kiperge bëët, ni kïmma kiper jøøa en Kir-Ërë.