Jeremaya 48:26 - Wëël Jwøk

²⁶ «Möap wär maathu ki køøŋø ni meere, kiper eni dëëre atïïe ni dwøŋ bääta, a na Wuuö Jwøk; Möap oŋïëli yïth ŋwøk moe, ni ö jiyi ni ŋïërge bääte.

Jeremaya 48:26 Iomraidhean Croise

Jööp 15:25

kiper mana tïŋ cere maal bäät Jwøk, ni tööde bäät Jwøa en teeki jïre,

Jööp 9:4

Jwøk wïïe leer døc ni teek mare okadhø. ?Aŋa ni cäänö ki gø ni waŋe teek, ni bäŋ gïn mo tägi dëëre?

Bwøth Wøk 5:2

'Ba Peerø aköö, na «?Aŋø, Wuuö Jwøk aŋa ni wïnynya dwøre nee jø Icriel aacge en? Aani Wuuö Jwøk kuua, këël aani thuwø jø Icriel ba wëëga wääth nee aacge.»

Bwøth Wøk 9:17

Ennø, dëërï poot iï thïïŋö bäät jiya, ni mänï geni ki man aacge.

Aydheea 10:15

?Aŋø, ley ŋwöö kiper dëëre bäät ŋat wø ŋudö ki gø? ?A gïr ŋøl ko opämi, dëëre wø jieme jiemø bäät ŋat wø ŋudö ki gø? Manøgø patha gïn mo tägö; tïmö ni caala man ö athøra ni kwany dhaanhø ni wø kwany gø, wala caala man ö athøra ni tïŋ dhaanhø maal na näk patha jaath.

Aydheea 19:14

Wïthge akier Wuuö Jwøki ki jwïëy mo wø cwöth wïc, ni bwøthge Ijep ki jöö mo ba thïïŋ ki yïth tïïe mo gø bëët, ni tïm Ijepi kaamar dhaanhø mo omeer mo bøømmø ni ena yïth ŋwøk moe.

Aydheea 28:8

Bäät tharabëëte moge bëët bëëdö ni päŋ ki ŋwøk, ni bäŋ kany mo tøŋ.

Aydheea 29:9

Bëëdu ni uuno bwøk, ni yïthu othäŋŋö, tïmu ni uuna cööye nou ba nëënö, bëëdu ni uuno meer, ni paa ki køøŋø, bëëdu nou bøømmø, 'ba maru patha meerø ki køøŋø.

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 63:6

Wïth juurre anyøra ki gootø mara, ni wëëga ge meerø ki køør wëër mara, ni kønynya remge piny yïth ŋøøm.»

Jeremaya 48:39

«A teeŋ nyath mo nyïëdi nø noo nyath jø Möap ki gø! Na ateeŋ jwøk mo nyïëdi noo jwöŋ jiyi kipere! Jø Möap ŋäthge oløkge ki køør mano tïm wïthge ni laay, ni tïmge na gïr abuua, ni ö jiyi bëët mo wø bëëdö buutge ni tïm cwïnyge ni böö ki gïno tägi dëëtge.»

Jeremaya 48:42

Möap oränynyi ni bëëde ni patha paac këët, kiper dëëre atïïe ni dwøŋ bääta, a na Wuuö Jwøk.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 51:39

'Ba noo daatge cwïnyge kiper cam, ge nyöömma nyöömmö ki køøŋø, ni maadha geni ni meerge ni mïn yïthge, ni butge ki niine mo bäŋ cuŋŋe, ni geni ba päy këët.

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Jeremaya 51:7

Babiløn abëëdö ni ena cer Wuuö Jwøk kaamar ogubany warkey mar ajäla, na wëëk bäät piny bäre meerø. Eni, wïth juurre bëët mo bäät piny amaadhe ki køøŋ ogubanynyøgø ni meerge, ni putge bëëdö kaamar bøøre.

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Wëël Kïmmö 3:15

Aana maadhe ki jaath mo keec, ni wëëk a jäŋö ki gø.

Wëël Kïmmö 4:21

Wui, jø Ëdöm, yïthu mïnge ni kanynyu nø, u ni wø bëëdö yi ŋööm Uc; 'ba uuni athöönh ajäla di jääŋŋö baŋu thuwø, ni mäthu ni meerru ni dööŋŋu ki dëëtu.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 8:10

Ena døøŋŋø këël mana put këët ri lwaa gïïa en maal, ni ö lwaa gïïa en maalli møøk ki ceer møøk ni leeŋ ge piny ni nyør ge.

Neeyam 3:11

Ï na Nineba thuwø, ï tïmö kaamar ŋat mo omeer ki køøŋø. Kar gwøk røk marï omanynyï niï kana riï ki nyïïmän moï.

Abakuk 2:16

Ïïno bëëdö no otaaø na kar mana di ïïni jiemø. Ennø, ï ki dëërï, ï luunynya mäthö niï dööŋï ki dëërï. Wuuö Jwøk athöönh køøŋ ajäla mar cer cwïïe ï maadhe maadhø ki gø, ni ö ajiemmi marï ni wiil ree ki lään wïc.

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.