Jeremaya 48:12 - Wëël Jwøk

¹² 'Ba da nïne mo öö maa jääga baŋge ki jiy, a na Wuuö Jwøk, mo daa geni paac mør kaawat man wø daa køøŋø yi dak mør, ni dööŋ yie ni ŋaam ni nyadhi.

Jeremaya 48:12 Iomraidhean Croise

Aydheea 16:2

'Ba mään mo Möap kanya pïïcge jwïëy mar Naam Arnön, gena bëëdö ni ge rïmma yïthge, ni tïmge kaamar weny mo obwøk mo tuuŋŋa bwöpge yi jamø jaak.

Aydheea 30:14

Ni pädhe kaawat man wø päth daki ni wø peti na thäŋi, ni bäŋ abat mare mo dööŋ mo rømø ki man käär maac ki gø, wala man twøm pïï ki gø yi iith.»

Jeremaya 14:3

Jøøa kwörge døøŋŋø jø tïïc moge wø jääŋge jääŋŋö baŋ pïï; 'ba kany wø pïïcge yïth aguule, bäŋ pïï mo jootge, ni duuge ni bäŋ pïï yïth agwäyi moge. Ni bëët wïthge ni laay, ni tïm nyeŋge ni law, ni kwaage ceŋge wïthge.

Jeremaya 19:10

«Kanyøgønø, dak wär put gøø piny ni nëënö jï jiy moa aay ki ïïni,

Jeremaya 25:34

U na dïkwääye, jwöŋu ni kïmmu; u na jøøa kwörge døøŋŋø, buugu dëëtu ki bur; kiper cäŋ man ŋaal u yie aöö, ni ö uuni ni päänhnhu ni petu kaamar dak mo pere leth mo reep.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 48:11

«Jø Möap gena bëëdö ni geno nikwak poge ki mana täk paaci, ni ge bëëdö kaamar køøŋø mo onïër piny, mo kär daa yi dak maya; kiper geni, ge kär kïth paac mør ni ge mak ki tøŋ. Kiper manøgønø, ge caala køøŋø mo mete bëëdö kare, ni ŋwäänynye kär wïïtö.

Jeremaya 48:13

Jø Möap wïthge olää jwøge ma Kemöc kaawat mana ö wïth jø Icrielli ni lääi ya jwøki mana ŋääthge na lamge Bëthël.

Jeremaya 48:15

'Ba mana caan Nyeya na näk nyeŋŋe beeye Wuuö Jwøk, eni na wïth jammi bëët, beeye en, ena köö, ni «Möap oränynyi; kiper jø aranya oci yïth päänye moe ni raanyge geni, ni ö wøpe moa teek ki leny ni nääi.

Jeremaya 48:38

Yïth uudi mo Möap bëët, ki kwör acooŋe moe, tïmö ni beeye oduuru keere noo wïnynyi, kiper a na Wuuö Jwøk, jø Möap nyadha nyadhø kaawat man wø nyath dak mo bäŋ ŋat mo many gø.

Jeremaya 48:8

Jø aranya ööa bäät päänye bëët, ni bäŋe pääny mo bøth. Mïëri moa en ya agäm-kïdi oränynyi, ni ö moa en yi ŋöömma näk ree ee päärö ni ränyge thuwø, kaawat mana caana, a na Wuuö Jwøk.

Neeyam 2:2

Wuuö Jwøk ajiem mar jø Juuda dwøge kare, kaawat mano dwøk ajiem mar jø Icriel kare, këël na bëëtge ni geno twier dïtwïëte, kaawat man wø tïïc dïlïm omøki ni nyïëdi jaaŋge jaaŋŋø.