Jeremaya 47:6 - Wëël Jwøk

⁶ «Uuno jwöŋi ni kööu, ni ‹?Wui, opëël Wuuö Jwøk, a këël kany mo nyïëdi nø noo jwömï riï ki 'näk? Døø yi køp marï! Ni jwömï riï ki 'näk ni bëëdï niï lïŋö.›

Jeremaya 47:6 Iomraidhean Croise

2 Camiel 2:26

Køøre Abinër Jöap arwaae ni kööe, na «?Aŋø, dëëtø putø ka thöör na bäre bäre møn ennø? ?Aŋø, kuyï ni ya aŋuunne, luubö man tïmö ni keec? ?A këël yi wäne nø noo bëëdï ni ba caanï jï jiyï ki man døøkge ni wecge køør nyïïmëëkge?»

1 Luup Nyeye 21:27

Køøre Wuuö Jwøk nyïïatwiel maal aput köömmö, ni ö nyïïatwiel maalli ni put opëëllö mare dwøk yi køp.

Aydheea 10:15

?Aŋø, ley ŋwöö kiper dëëre bäät ŋat wø ŋudö ki gø? ?A gïr ŋøl ko opämi, dëëre wø jieme jiemø bäät ŋat wø ŋudö ki gø? Manøgø patha gïn mo tägö; tïmö ni caala man ö athøra ni kwany dhaanhø ni wø kwany gø, wala caala man ö athøra ni tïŋ dhaanhø maal na näk patha jaath.

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Jeremaya 12:12

Jøøgø no raany paac yøø, kanyo öge, ge öö ki dï paap, ni ge cura bäät thuuri bëët moa leer, kiper beeye tøŋ mara, a na Wuuö Jwøk, no dïïrge wïth jiy ki gø, ki mano täge ka aŋuun paac maya këël aŋuunne maya, ni bäŋ dhaanhø aciel mo bëëdö ki bëët-mëër.

Jeremaya 12:4

?A këël kany mo nyïëdi nø noo bëët ŋøømmi no otal, noo bëët luummi bäre no onär? Këël lääy ki weny bëët athum ki thøø, ki køør rääö mar jø wø bëëdö yie, kiper ge wø köö, ni «Wuuö Jwøk aŋuun bëëtö marø ba nëëni jïre.»

Jeremaya 15:3

«Ni mana ŋøla, a na Wuuö Jwøk, beeye naa kännö ki teeŋ gïïpinyi aŋween mo raanynya geni, ni beege opëëlle mo ŋaal ge ki ge, ki guu mo tuuda dëëtge wøk ni cama geni, ki wec maal ki lääc paap mo cam geni ni raanyge geni.

Jeremaya 25:27

Ni kö Wuuö Jwøki jïra, ni «Caanï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Mäthu ni meerru, ni ŋwøgu, ni päänhnhu, ni ba duu maal këët, ki køør mäny mano jääŋŋa baŋu.›

Jeremaya 4:21

?A këël kany mo nyïëdi nø noo bëëda naa neeta ŋïï mar leny, naa bëëdö naa wïnynya dwør tuuŋ?

Jeremaya 48:10

«Acïëni oen bäät ŋato ba tïïc tïïc mar Wuuö Jwøk ki cwïnye bäre dëët jø Möap; acïëni oen bäät ŋato ba køny rem jøøgø piny ko opëëllö mare.

Jeremaya 50:35

«Ajäl thøw tøŋ oen bäät jø Babiløn, jø wø bëëdö dï Kaldia bäre, ki jøøa kwörge døøŋŋø ki jøøa nyeŋge reegø moe bëët!

Edhikiel 14:17

«'Ba ni näk mo opëëllö yaa jääŋŋö yi ŋöömö marge ni kööa, ni ‹Beerra man ö opëëllö ni wïr dï ŋöömö marge bäre,› ni ööa ni nääa geni ki lääy moge,

Edhikiel 21:30

Opëëllö dwøk yi køp. Uuni, uuno jääla yi ŋöömö mana cwääc uuni yie, ni bee kanya nywøl uuni yie.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Jøøn 18:11

'Ba Jecu aköö ki Piter, ni «Dwøk opëëllö marï yi købe. ?Aŋø, athöönhnha cïp Wära jïra ba daa maadhø?»

Pïëmme 7:20

'Ba kanya ö jø lenynyi moø na dhøgi adäk yøø, na koothge tuŋi na 'näkge dääe; geni ameethi aputge mak ki cämge ni makge tuŋi ki cwïcge kiper nee koothge, ni putge kwöŋŋö, ni «Leny man beeye per Wuuö Jwøk ki Gidien.»