Jeremaya 46:6 - Wëël Jwøk

⁶ «Ŋata tiere piew ba jöömmi, ni ŋata näk oteeø ba bøth; kanyo enge yie jï løø wï-piny bäät Naam Upareeti, tietge cwanyge cwanynyø ni päänhge.

Jeremaya 46:6 Iomraidhean Croise

2 Nyeye 23:29

'Ba ki yïth nïne moa beet Jöcaya, Peerø ma Nekø nyeny Ijep aci baŋ nyeny Aciria nee këëde ki gø bäät Naam Upareeti. 'Ba nyeya ma Jöcaya aci baŋ nyeny Ijep nee këëde ki gø; 'ba kanya ö eni na jooti ya Peerø ma Nekø, ena put Peerø ma Nekø 'näk Megidø.

2 Nyeye 24:7

'Ba nyeny Ijep kär cäŋ määnynyö wøk këët ki yïth ŋøøpe, kiper nyeny Babiløn ŋøøm moa no omak nyeny Ijep bëët ee nø mak, ki mana täge ki bäät waŋ Naam Ijep këël mana këët bäät Naam Upareeti.

Luup Dïpööy 9:11

Aani, da gïn mør ma acäŋa jootø tier cäŋ piny kany en. Ŋat mo ŋäc ŋwiec da kany ba käädhe ri ŋwïëy, no oteeø da kany ba bööde ri leny, ni ŋat wø wïïe leer da kany ba jïte ki cam, ni ŋat wø waŋe riek da kany ba jïte ki jap kwärö, ni ŋat wø ŋäc jammi da kany ba jïte ki pwøc. 'Ba da kany mo öö ki gum dëël mo tägö kiperge bëët.

Aydheea 8:15

'Ba mo thööth tietge ocwanyge ri kïnnögø, ni päthge ni tøcge; ni ö møøki ni mak geni ka abïëp.

Jeremaya 1:14

Køøre Wuuö Jwøk aköö jïra, ni «Gïn mo raac oööi ki wï-piny, ni pïïe bäät jiy bëët mo bëëdö paani en.

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 4:6

Tïŋu ŋïï maal mo nyootha ciin Dhayan, ni manynyu kar gwøk røk, kär nou dwiil. Kiper a kännö ki gïn mo leth ki wï-piny, ni beeye ränynyö mo päl.

Jeremaya 46:10

Kiper dïcäŋöce beeye cäŋ mar Kwäärö Wuuö Jwøk, eni na wïth jammi bëët, ni beeye cäŋ mano cool kwöri yie dëët nyïïmän moe. Opëëllö ocämö rege gøøc mano jääŋe, ni mädhe ki rem moge këël mano røme. Kiper Kwäärö Wuuö Jwøk, eni na wïth jammi bëët, ge wëëge ŋaal kaamar olämme yi paano enge yie jï løø wï-piny bäät Naam Upareeti.

Jeremaya 46:12

Wïth juurre lään wïc maru owïnyge, ni ö pinynyi bäre ni gääbe ko oduuru maru. Kiper oteen leny, oteen leny maya odhïëre, ni päthge bëët karge riet.»

Jeremaya 46:16

Jø leny mou tietge ocwanyge, ni ö ŋati man nø ni päth bäät wati, ni köge, ni ‹Ööø maal, waa døø baŋ jø pøø yi ŋöömma nywøl øøni yie, ni ø ŋwieya opëëllö mar nyimän.›

Jeremaya 50:32

Ï na paac mo töödö en, tierï ocwanyï ni pädhï, ni bäŋ ŋat mo tïŋ ïïni maal; aani, päänye moï nyeba nyebø ki maac, ni ö maaci ni thöör gïïa en deŋge bëët thuwø.»

Jeremaya 6:1

«Wui, u na jø Benjamen, reŋŋu wøk ki dï Jerucalem, nou kwøwu! Koothu tuŋi Tëköa, ni tïŋu ŋïï maal yi Bëëth-Akarim, kiper gïn mo leth öö ki wï-piny, ni beeye ränynyö mo päl.

Daniel 11:19

Køør manøgø, nyïme løøe baŋ kiiri mo poge moa no ogeerø ni teek. 'Ba eni di böötö, ni ba joot këët.

Daniel 11:22

Ni ö lwaa leny mo piny ee baabø ni gwaar ge nyïme kaamar jwïëö, ni raany geni, këël Kwääy Lam Mana Dwøŋ mar Jwøk.