Jeremaya 46:5 - Wëël Jwøk

⁵ «?Aŋø, agïnaŋø na tägö ni nëëni jïra enø? Jø Ijep, dëëtge atïmö ni kwanynyi ki lwär, ni døøge ŋäthge. Otëëe mo leny moge abööti, ni bwøkge ni reŋge; ni bäŋ ŋat mo olwïthö ŋääe, ni ö lwärri mo dwøŋ ni pääŋ piny bäre.» Luummögø caana Wuuö Jwøki.

Jeremaya 46:5 Iomraidhean Croise

Wïlöölö 19:17

'Ba kanya nø kïthge geni wøk, dhaanhø aciel dïge aköö, «Reŋu nø, ni gwøgu jwïëyu, kär dee ŋat lwïthi ŋääe, ni ba ruuwu gool man en këët; cou reŋŋu bäät kïte kiper nou ba rwöp ki jøøi.»

Aydheea 13:8

'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Aydheea 19:16

'Ba dïcäŋeca, jø Ijep otïmö kaamar mään; dëëtge otïmö ni kwanynyi ki lwär kanyo ö Wuuö Jwøki, eni na wïth jammi bëët, noo tuuŋ cere bäätge.

Aydheea 42:17

'Ba jø wø ŋääth juu mo wø tïïc ki ceŋ, ni wø köö jï kït gïï wø lam, ni ‹Uuna juu mowa,› ge dwøga ŋäthge ki lään wïc mo dwøŋ.»

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 46:15

?Aŋø, aperŋø noo ö rwaathi maru man wø lammu noo pädhe en? Eni ba cuŋŋi kare, kiper eno cöör Wuuö Jwøki piny ni pädhe.

Jeremaya 46:21

Ni ö jø lenynyi mo wø cun jø Ijepi ki gwel nee këëtge kiperge, na caal nyïïrwädhe mo pulli, ni løkge rege ni reŋge na aciel, ni geni ba cuŋŋi karge. Kiper cäŋ gïï mo leth opïï bäätge, ni beeye cäŋ ajäla mana wäŋŋi kiperge.

Jeremaya 49:29

Oduŋkaare ki dïëk moge okäl, ni käl gïïa en yïth oduŋkaare moge, ki jammi, ka athïrööle moge. Jiy okwöŋŋi bäätge ni köge, ni ‹Lwär mo dwøŋ piny apääŋe bäre.›

Jeremaya 49:5

'Ba ka adïëri møn, a na Kwäärö Wuuö Jwøk, a na wïth jammi bëët, a känna bäätu ki gïr lwär mo dwøŋ, mo öö ki løøi ki løøi. Uuno riem wøk ni bäŋ ŋat mo lwïthi ŋääe, ni kanyo reŋu, bäŋ ŋat mo rwöp uuni kanya ciel.

Jeremaya 6:25

Käru ci yïth pwöth, ni ba cäädhu uutjïëthe, kiper nyïïmän 'moø ceŋge da tøøŋi, ni lwär mo dwøŋ piny ee pääŋö bäre.

Edhikiel 32:10

Jiy mo thööth geno wëëga bwøk ki gïno tägi dëërï, ni ö nyeye moge ni lwäcge kiper gïïo ö bäätï kanyo tuuŋŋa opëëllö mara nyïmge. 'Ba yi cäŋ mano pädhï yie, ŋati man nø dëëre otïmö ni kwanynyi, ni ö ŋati man nø ni kïmme kiper jwïëye.›

Edhikiel 39:18

Rïŋ dëët cwøw moa teek ocammu, ni maathu rem kwääri mo bäät piny, ni ge caala rööm, ka atëëe, ki nyïïrøøe, ki lääc ŋööm Baacan mo olør.

Neeyam 2:8

Nineba jiye thuma wøk, kaawat man wø ö pï puulli wø thumge wøk ki yi øøl. Këël jiy doo rëëdö, ni «Cuŋŋu! Cuŋŋu!» bäŋ ŋat mo løk ŋääe.

Neeyam 2:9

Twierru gwel-bïrö mare, ni twierru warkey mare, kiper teeŋ jammi moa perge leth ki teeŋ jap kwärö ba thum.

Jepaniya 1:14

Cäŋa dwøŋ mar Wuuö Jwøk aløny ni kare cään; aløny ni kare cään ni läädö døc ki man laar öö. Cegu ïthu, oduuru mo dwøŋ dagø mo tägö yi cäŋ mar Wuuö Jwøk! Yi cäŋ manøgø, jø leny ge kwöŋŋö ki kwöŋŋö mo leth døc.